ismaelabduro Telegram Group

90 views09:16

بسم الله الرحمن الرحيم

ውድና የተከበራችሁ የአዲስ አበባ ዩኒቨርሲቲ 6 ኪሎ ሙስሊም ተማሪዎች፤ ከሁሉ አስቀድሜ የወደዳቸውን በወደደው ዓላማ ላይ የሚያጸናው ኃያሉ ጌታችን አላህ (ﷻ) መልካም ፈቃዱ ሆኖ በዚህ ቦታ ላይ ስላሰባሰበን እና የበኩላችንን እንድንወጣ እድሉን ስላልነፈገን ላመሰግነው እወዳለሁ። ይህ በርግጥም መ'ወፈቅ ነውና! አልሐምዱሊላህ!
‎
‎በውዱ ነብያችን (ﷺ) አስተምሕሮ መሰረት ሙስሊሞች ሁሉ አንድ አካል ናቸው። ልክ የእግር ጣታችንን እሾህ ሲወጋን አይናችን እንደሚያነባው፤ ፊታችን እንደሚቀላውና መላ ሰውነታችን ትኩሳት እንደሚወረው ሁሉ የአንድ ሙስሊምም ሐጃ፣ ጭንቀት፣ ደስታ፣ ሀዘን፣ ስኬት፣ ህመም... የሁላችንም በመሆኑ ልንጋራውና አብረን ልናሳልፈው እንደሚገባ ነገሮችን በምሳሌ የማስረዳት ጥበብ የተቸሩት ነብያችን (ﷺ) ነግረውናል።
‎
‎በተለይ ደግሞ በአላህ (ﷻ) ዕቅድ ውስጥ በአንድ አከባቢ ና በተመሳሳይ ደረጃ ላይ መሆናችን እርግጥ ከሆነ ወዲያ እርስ በርስ ያለብንን ሀቅ በሚ'ገባ የመወጣት ቁርጠኝነታችን ተጠናክሮ ሊቀጥል ይገባዋል። ያ ሲሆን አብሮ ማደግ፣ አንዳችን ለአንዳችን ስኬት ግብዓት መሆን አንዲሁም የአንዳችን ህመም የሌላችን ጭንቀት የሆነበት ደረጃ ላይ እንደርሳለን። ያን ጊዜ የግቢ ቆይታችን ትክክለኛውን ግብ መትቶ የምናልመውን ከፍታ ያቆናጥጠናል! ግሬድን ከመስቀልና ከመመረቅ በላይ፣ ከደሞዝና ስራ ከመፍጠርም በዘለለ ዱንያን የተሻገረና በሁለቱም ዓለም የከበረ አላማ ይኖረዋል። ያውም በጌታችንና በመልዕክተኛው (ﷺ) መንገድ ላይ! ያውም የጋራ! ያውም ለኡማው! ያውም ለዲናችን! ደሞኮ ለጀነት!

‎
‎የአላህ እጅ ከጀመዓ ጋር ነው! ሁላችንም ዘንድ ያለውን ጡብ ለትልቁ ቤታችን ግንባታ እስካዋልነው ድረስ የአላህ እርዳታ ቅርብ ይሆናል፤ የሚነቀንቀንም አንዳች ኃይል አይኖርም። ያ ሳይሆን ቀርቶ ሩጫችን በየግል ብቻ ከሆነ ግን ሊበሉን ላሰፈሰፉ ተኩላዎች ቀለብ መሆናችን ቅሮት የሌለው ሐቅ ነው። የእኔ፣ የአንተና የአንቺ በጀመዓ ጥላ ስር መሆን ያለፉ ትውልዶችን አሻራ ማስቀጠልና የወደፊት ትውልዶችን ተስፋ ማጽናት በመሆኑ ከ"እኔ/ የእኔ" እሳቤ ወጥተን "እኛ/የኛ" በሚል ማንነት ዛሬያችንን እንድንቃኝና በተመሳሳይ መርሕም ነጋችንን እንድንተልም አደራዬን ከታላቅ አክብሮት ጋር ወደ እናንተ ላደርስ እወዳለሁ።
‎
‎ታዲያ በዚህ ሁሉ ሂደት ውስጥ ተቅዋ (አላህን መፍራት) ተቀዳሚ ተግባራችን ሊሆን ይገባዋል። አላህን ባለንበት ቦታ ሁሉ መፍራትና የትም ብንሆን ከዕይታው እንደማናመልጥ አውቀን ወንጀልን ከመስራት መቆጠብ ይኖርብናል። ሃያአችን ከሰው ብቻ ሳይሆን ሁሉን ከሚያየው አላህ ይሁን። ጌታችን ሰው መሆናችንን ተረድቶ የሰተረልንን ወንጀሎች እኛ በድፍረት ሰው ፊት አውጥተን አናሳዝነው - እርሱ ባሮቹን ወዳጅና ለነርሱም እጅጉን አዛኝ ነውና - እንሰተር! አላህን ሰትረን ብለን ዱዓ እናብዛ። ማሰብ ያለብን ለኛ ማይመጥን ቦታ ስንገኝ ከራሳችንም አልፈን ታላቅ ክብር ያለው ዲናችንን ነው ምናስገምተው፤ ምናሰድበው። እኛ የዲናችን አምባሳደሮች ነን አይደል? ስራችን ምሉዕ የሆነውን ዲናችንን በመልካም ስነምግባራችን ማስተዋወቅ ነው። ለዲናችን የተሳሳተ ግንዛቤ ያላቸውን "እስልምና እንዲህ ነው እንዴ?" ብለው እንዲያስቡ ማስቻል ነው።
‎
‎ጀመዓ ማለት ከወንጀል የጸዱና ንፁህ የሆኑ ሙስሊም ተማሪዎች ስብስብ ማለት አይደለም። ይልቁንም፦ ከወንጀል ለመጥራት፣ ወደ አላህ ለመቅረብ፣ እንደ ኡማ ያለባቸውን ኃላፊነት በሚችሉት ልክ ለመወጣት፤ እንደሁላችንም ወንጀል ሲሰሩ አላህን ማሃርታ ለመጠየቅ የሚቻኮሉ፣ ቀድመው ወንጀል ላይ እንዳይወድቁ በጥሩ የሚያዙና ከመጥፎ የሚከለክሉ ወንድም እህቶችን በአካባቢያቸው ያደረጉ፣ አብረው ማደግንና ራሳቸው ላይ ዘርፈብዙ ለውጦችን ማምጣትን ዓላማቸው አድርገው የሚንቀሳቀሱ የኛው ወንድምና እህቶች ስብስብ ነው። እያንዳንዳችን በየፊናችን በምናደርገው ጉዞ ላይ ለጋራ ቤታችን የምናስቀምጠው ጡብ ያሉብንን ክፍተቶች ደፍኖ ቤታችን ዘመም ሳይል ጸንቶ እንዲቆም የማይተካ ሚናን ይጫወታልና አስተዋጿችሁን ሳትንቁ ጠጋ ብላችሁ ታግዙን ዘንድ ስጠይቃችሁ ጉዳዩ አማና መሆኑን ከማስገንዘብም ጋር ጭምር ነው። ጀመዓችን የሁላችሁም ነው፤ የሚያስፈልጋችሁን ማንኛውንም ነገር ቀርባችሁ መጠየቅና ሌሎች የሚያስፈልጋቸውን ለመሙላት በቁርጠኝነት መስራት እንደ ጀመዓው ባለቤትነታችሁ ከነንተ የሚጠበቅ ተግባር ነው። ኢንሻአላህ ሁላችንም በደስታና በአክብሮት እንቀበላችኋለን።

በአዲስ አበባ ዩኒቨርሲቲ ሙስሊም ተማሪዎች ህብረት የ6 ኪሎ ጀመዓ በመረጡት የሕይወት ዘርፎቻቸው የበቁና የነቁ፣ ኢስላማዊ ማንነትን የሚያንጸባርቁ፣ እውቀትንና ስነ-ምግባርን የተላበሱ፣ የኡማው የወደፊት መሪዎችንና አገልጋዮችን እንዲሁም ተፅእኖ ፈጣሪዎችን ማፍራትን ተቀዳሚ አላማው አድርጎ የሚንቀሳቀስ ጀመዓ ነው። ከዚያም ባሻገር ተማሪውንና የሙስሊሙን ኡማ የሚመለከቱ የመብት ጥሰቶችን በሰላማዊ መንገድ በመታገልና ለሃገራችን ብሎም ለትምሕርት ቤታችን የበኩላችንን አበርክተን እንድናልፍ መነሳሳትን የሚፈጥር ተማሪ ተኮር ስብስብ ነው።
‎
‎ይህን ዓላማ ከግብ ለማድረስ እንዲሁም እናንተን ለማገልገል ቀን ከሌት ሳይታክቱ የሚለፉና የግል ጉዳዮቻቸውን ወደኋላ ብለው በሴክተር አደረጃጀት፣ በሹራ አባልነት፣ ከዛም ባለፈ በተለያዩ አጋጣሚዎች የበኩላቸውን አስተዋጽኦ እያደረጉ የሚገኙ ወንድም እህቶች አሉ፤ አላህ ስራቸውን ይቀበላቸውና።

መሳተፍ ምትፈልጉባቸው ሴክተሮች ላይ በአባልነት ለመቀላቀል እንዲሁም ፕሮጀክት ቀርፃቹህ አብረን እንስራ ለማለት ከታች የተዘረዘሩ በሴክተር ላይ የሚገኙ አሚሮችን እንዲሁም አሚራዎችን በየፆታቹህ ማንኛውም ሰአት ላይ ማናገር ትችላላቹህ።

በወንዶች፡
📌ዳዕዋና ቂርአት ሴክተር ~ አብዱሸኩር ሙሃመድ
📌አካዳሚክ & ትሬኒንግ ሴክተር ~ ተባረክ አብራር
📌ሶሻል ሴክተር ~ አሊፍ ሃጂ
📌ሚዲያና ኮሚዩኒኬሸን ሴክተር ~ ሰዒድ ሙሀመድ
📌በይተል ማል/ፋይናንስ ሴክተር ~ ሙሃባ ሳዲቅ

በሴቶች፡
📌ዳዕዋና ቂርአት ሴክተር ~ አሚና ረጀብ
📌አካዳሚክ & ትሬኒንግ ሴክተር ~ ሰሚራ ሙሰማ
📌ሶሻል ሴክተር ~ ኢክራም ሙሃመድ
📌ሚዲያና ኮሚዩኒኬሸን ሴክተር ~ ማኢዳህ አህመድ
📌በይተል ማል/ፋይናንስ ሴክተር ~ መኪያ ኢሳ

በተጨማሪም በሴቶች በኩል ማንኛውም እገዛም ሆነ ጥያቄ ካላቹህ የሴቶች አሚራ የሆነችውን እህታችን ነጃት ሁልጫፎን ማናገር ትችላላቹህ።

ጀመዓው ለናንተ በሚያቀርባቸው ፕሮግራሞች ላይ በንቃት ተሳታፊ እንድትሆኑና እንዲሻሻል በምትፈልጉት ጉዳይም ሃሳባችሁን ያለማንገራገር በቅንነት እንድታደርሱን ከማክበር ጋር እንጠይቃለን። ጀመዓው የናንተ የራሳችሁ በመሆኑና ፕሮገራሞቹም የሚዘጋጁት ለናንተው በመሆኑ አላህ ባገራላችሁ ተሰጥኦ ፕሮግራሞች ላይ ከመሳተፍ ባለፈ ፕሮግራሞቹ በተሻለ ጥራት እንዲቀርቡ በሃሳባችሁ፣ በጉልበታችሁ፣ ብሎም በገንዘባችሁ በዋናነት በውዱ ጊዜያቹህ ማገዝ ከናንተ የምንጠብቀው ኃላፊነት መሆኑን ልንነግራችሁ እንወዳለን። ጀመአው የናንተ ነው። ፕሮግራሙም ሚቀርበው ለናንተው ነው። የፕሮግራሙ አዘጋጆችም እናንተው ናቹህ። አላህ ያግዛችሁ ያግዘን፤ ለተሻለውና ለሚወደው ነገርም ይወፍቀን። ስራችንን ሁሉ የሱ ፊት ተፈልጎበት የተሰራና በፊቱ ሲመዘን ተቀባይነት የሚያገኝ ያደርግልን ዘንድ ዱዓዬ ነው።

‎
‎ወንድማችሁ አብዱረሒም አሚን
በAAU-MSU የ6ኪሎ ጀመዓ ዋና አሚር

©AAU6kilojemea

❤2🥰1

122 views09:16