يعني سكوتك من زول فالق دماغك بقى اسمه الصمت العقابي 🙄 ؟!
Please open Telegram to view this post
VIEW IN TELEGRAM
🤣29
مافي زول بخسر حاجة مكتوبة ليـهو ،
نحن بنخسر حاجة ما كانت مكتوبة لينا ، ولا فيها خير لينا .. فعشان كده استرخي بس و المكتوب ليك ما بفوتك شبر🫰 💖
نحن بنخسر حاجة ما كانت مكتوبة لينا ، ولا فيها خير لينا .. فعشان كده استرخي بس و المكتوب ليك ما بفوتك شبر
Please open Telegram to view this post
VIEW IN TELEGRAM
❤33
مرات كتيرة أفضل حاجة ممكن تهديها لي روحك وللحياة والناس من حولك، هي إنك تكون ساكت، وقاعد في ركن قصي كدا، شايف الحاصل من بعيد، بدون أي رد فعل بدون شرح، ساكت وبس، وكأنك بترد على الدنيا كلها بسكوتك وأول لم تجرب تعمل كدا حا تكتشف إنه في كتير من الحاجات فعلاً ما كانت عايزة غير السكوت، وأي كلام فيها هو مجرد استنزاف طاقة ساي، لا كسبك ليها بكسبك حاجة حقيقية، ولا خسارتك ليها خسرتك شيء حقيقي، السكوت هو الرد الأذكى على كل الأشياء الما بتستاهل.🔤 🔤
Please open Telegram to view this post
VIEW IN TELEGRAM
❤19
في رحلة طويلة البحث الطويلة عن معنى للحياة وبنفتش عن إجابات كبيرة منتظرة أو مؤجلة لي بكرة، نظن إنو في لحظة معينة حتحصل حتغير شعورنا، ونجهل المعنى الأساسي البسيط في نفس الوقت، البكون حوالينا في التفاصيل الصغيرة البمر بيها اليوم وإحنا مشغولين بي المعنى الكبير وما شايفنها، بننسى إنو الحياة ما قاعدة تستنانا و أهي قاعدة تمشي بينا، ويمكن أسوأ ما في السعي دا، إننا منتظرين معنى بعيد وكبير، بينما هو بيعدّي علينا بهدوء في كل لحظة ونحن مشغولين عنه.
❤22👏2
الناس العندهم الدنيا دائماً عبارة فخ ومؤامرة من حولهم، وعايشين حالة دائمة من التوتر والقلق ديل لا تعرف تزعل منهم لا تعرف تحن عليهم، اي شيء عندهم معقدينه والبسيط كركبوه والساهل صعبوه والقصير طولوه، لا تعرفهم ما قادرين على تبسيط الأمور أو فهمها زي ما هي، ولا هم قاصدين إنهم ما دايرين كدا ولا مالهم في شنو !؟
🤣13
قلة الأدب دي طبعاً هينة والكلام الكريه ومسيخ أسهل منه ماف فالدنيا دي لكن ياهو الواحد بكون بينه وبين حاجاته الكويسة خاتي ليهو حاجات كدا ما داير يتخطاها، فاذا لقيت زول ما رد ليك مثلا على سخافتك او قلة ادبك دي ما تفتكر انه ما قادر وتقدر تتمادى، لأنه مرات بكون ما داير بس وانه اختار يحترم نفسه ما انت ابداً، وده اخطر عليك من الما قادر لانه ح يندمك بعدين لم يرد عليك.
❤23
هل محمود لما غنى الخطوة من دونك، هل كان عارف الظروف ح تقسى للدرجة دي ؟! وهل كان حاسس إنو الأيام الجاية حتخلي البُعد عادة، والونس ترف؟ هل كان متخيل إنو في زمن حنحتاج فيه نهرب بالغُنا عشان نصدق إنه إحساس معاك ما بقيف ؟ ولا كان داير يخلينا نأمل إنو حنلاقي القيف بعد كل الحصل فينا.
❤18😢8💔7
في ناس وجودهم بيخليك تستهلك طاقة فوق طاقتك، وبتطلع من وسطهم تعبان، حتى لو ما عملت معاهم أي مجهود ظاهر. التعب بكون داخلي، من كترة الحذر، أو المجاملة، أو محاولة الفهم أو التبرير. وكل ما قل استهلاكك للطاقة دي خلال اليوم، كل ما كنت مرتاح أكتر.
❤20💔4
الإنسان عندو غريزة البقاء وهي غريزة أنانية بي طبيعتها لأنو هدفها الأساسي إنك تحمي نفسك وتضمن استمراريتك، سواء بالأكل، الحماية، وفي نفس الوقت كمان قادر يكون متعاطف، كريم، ومضحي، وفي ناس بتختار تسعد غيرها حتى على حساب راحتها وده ما ضد الطبيعة، لكن نتيجة تطور أعمق في الإدراك وفهم قيمة "الغير" ولكن يبقى السؤال هل نحن دائماً قادرين نراقب انانيتنا دي ونختار تصرفاتنا بوعي !؟
❤18
إذا إنت من جواك كعب ما تفترض الناس كعبين زيك، ولو كنت كويس، برضو ما تفترض الناس كلهم كويسين، وبي بساطة أكتر ما تفترض لي زول أي حاجة، كل زول عندو ظرفو وعقلو وطريقتو، خليك في روحك دي وإتعامل مع كل موقف زي ما هو "ما بي الفي بالك" عشان الإفتراضات دي بتتعبك وتظلم غيرك .
❤24
النية الطيبة ما دائماً كفاية لازم يكون عندك وعي بالحدود والمسؤوليات، لأنو الطيبة الزايدة مرات بتخليك تتحمل حاجات ما ليك، وتدخل في مشاكل ما بتخصك، وفي النهاية بتطلع إنت الغلطان، ساعد وقت الحاجة، لكن ما تكون الحل الجاهز لكل تقصير.
❤24🔥2
أبعد من الناس البتشيل كل حاجة بمحمل شخصي، البتحوّل أي موقف لي مادة انفعال، وأي كلمة لي معركة. الحياة صعبة براها دايرة ناس خفيفة، بتعرف كيف ومتين تمشي الحاجات، وما بتخلي كل شي موضوع كبير، الزعل الكتير مرهق، وردة الفعل الزيادة بتستنزفك ما أكتر.
❤14👌5
الزول الصح ده انت البتحددو ما في زول عندو الحق يقول ليك منو الصح بناءً على زواياهم هم، إنت الزول العارف حاجاتك، ظروفك، وشنو الدايرو من الحياة، ما تمشي ورا تصنيفات جاهزة حقت ناس "الزول الصح بيعمل كدا وما بيعمل كدا" شوف البناسبك، البريحك، البناسب قيمك، واختار بناءً على ده والمعيار قلمك انت صَحّح بيهو الحكاية لي نفسك، عشان ما تجي في النهاية تقول ظلموني.
❤20
في كتير من المواقف سواء أن شغل او علاقات عادية كل الحاصل بكون مجرد شد وجذب بين طرفين، ومرات بتخرب الحاجات بسبب نبرة، أو توقيت، أو إحساس بعدم المراعاة، مع إنها ما كانت محتاجة أكتر من شوية فهم لظرف الطرف التاني، والملفت إنو الزول البحس إنك مراعي ليهو غالباً يمشي معاك أكتر من الزول البتضغط عليه، وينجز ليك أكتر، الحكاية بسيطة بس مرات الناس بتفتش في أماكن تانية وتنسى المفاتيح البسيطة .
❤23😁1
مع كترة التطبيع مع الوقاحة وقلة الأدب في زمننا ده بقت أبسط التصرفات المحترمة تتحسب كأنها إنجاز، والزول المؤدب يتقال عليه نادر واستثنائي، رغم إنو دا المفروض يكون العادي، المشكلة ما في الناس الكويسين، على قدر ما في المعايير البقت مشوهة ومقلوبة، لدرجة خلت قلة الأدب تُعتبر قوة شخصية، والأدب والتهذيب يتشاف ضعف، والشي البديهي يتحسب كأنه فلته زمانه.
❤12👌4
أحيانا في بعض الناس بفترضوا إنو طالما الزول "ما بيشتكي" معناته حياته سهله و ما فيها صعوبات، ومتناسين تماماً إنه كل زول فالدنيا دي شايل همو بطريقة ما، ومهما كانت الحياة شكلها سهلة من برة تأكد تماماً إنه الزول فيها بدفع تمن بطريقته، وظروفه وتجربته الخاصة، وما بالضرورة تشبه زول تاني، ولا مفروض تتقارن أصلاً لأنه نحن في زمن ما فيهو حاجة ببلاش، وما في زول عنده الحق يقيم حياة زول تاني ولو كل زول بقى في الليلتو يكون أفضل طبعاً.
❤15
أحياناً ما بنزعل من الغلط ذاته، على قدر ما بنزعل من الطريقة الحصل بيها، الأسلوب مفتاح سحري للحياة، ممكن يخلي أبسط حاجة تكبر، وقاصمة ظهر في كثير من المواقف، وممكن يخلي الغلط نعديه ونقول ما مشكلة، لأنه في النهاية الأسلوب هو البخلي الكلام يتقبل أو يترفض قبل حتى ما نفكر في محتواه، وهو الكرت السحري البخليك مميز وسط كل هذا العدد الهائل من البشر.
❤16👏1
في ناس عايشين بي إحساس دائم إنهم مستهدفين أو في زول بعاكسهم وواقف ضدهم، رغم إنه لو ركزت شوية حا تلاقي مافي سبب حقيقي يخلي زول يقيف ضدهم ويستهدفهم، وغالباً ما تكون معارك خيالية في راس هذا الإنسان، قد توجد ليها تعريفات اجتماعية او علم نفسية او سلوكية ما ادري، لكن حقيقي شيء اصبح ملاحظ .
❤12
الواحد كل يوم مفروض يذكر نفسه ببديهيات الحياة عشان ما ينساها، وأول ما يصحى يوقف لحظة يفكر في الحاجات البسيطة الجميلة من حوله، صحة، ضحكة، فنجان قهوة، كلمة حلوة من زول بحبه، رسالة من زول بفقدك، حتلقى روحك أخف وكل مشاكل الحياة أهون، وحياتك تميل للهدوء، لأنك لما تعود عينك تشوف النعمة، قلبك تلقائيا ببقى أغنى، وماف أفضل من الإمتنان وشكر النِعم والحمدلله.
❤25
زمان كان الناس اغلبهم بكون مزاجهم رايق ومن النادر ما تلقى زول منفسن وبتلقاه واحد كدا ومشهور في الحله او في العائلة انه ده فلان المنفسن وعليك الله اختاه، والنفسنه هنا ما جاية من المرض النفسي لكن كانت بتتقال لي الزول المزاجه دائماً سيء، نفسيات وعدم امكانيات هي يكا، المهم هسا الوضع اختلف وبقى الكل بلا استثناء منفسنين وكارهين روحهم يا كافي البلاء نسأل الله السلامة.
🤣18❤3😁1