group-telegram.com/Kompyuter_akademiyasi/582
Last Update:
Kompyuterdagi ma’lumotlarni bir zumda o‘chirib tashlovchi fleshka yaratildi
#info / #xavfsizlik
ℹ️ Fayllarni, masalan, suratni o‘chirib tashlash har doim ham oson bo‘lavermaydi, aksariyat ma’lumotlarni baribir qayta tiklash mumkin. Bu esa ma’lum darajadagi xavfni yuzaga keltiradi, ayniqsa, gap eski qurilmani sotish haqida ketganda. Bu kabi holatlar uchun Redkey USB Computer Data Wipe Tool paydo bo‘libdi.
🔑 Devays USB konnektorga ega eshik kaliti shaklida ishlangan. Ixtirochilar undan foydalanishni maksimal darajada osonlashtirgan: uni shunchaki kompyuterga ulash va bir-ikkita klavishlarni bosish kerak, xolos. Jarayonni boshqarish uchun kengaytirilgan sozlamalar menyusidan ham foydalansa bo‘ladi.
📌 Redkey uchun barcha ma’lumotlarni o‘chirishga bir necha soniyadan ikki daqiqagacha vaqt talab etiladi. Loyiha mualliflari zarur fayllardan nusxa olib qo‘yishni tavsiya qiladi — «kalit»dan foydalangandan so‘ng ularni ortga qaytarib bo‘lmaydi. O‘chirish dasturi yozib oladigan barcha qurilmalarda ishlaydi.
🛡«Kalit»dan kompyuterdagi barcha ma’lumotlarni o‘chirishdan tashqari raqamli hujjatlar uchun mo‘ljallangan shrederlarda ham foydalansa bo‘ladi. Redkey dunyo bo‘ylab turli mudofaa tashkilotlari tomonidan o‘rnatilgan NIST, GDPR va boshqa qator ma’lumotlarni o‘chirishga mo‘ljallangan global standartlarga mos keladi.
🖥 Redkey’dan 2000 yildan keyin ishlab chiqarilgan kompyuterlarda foydalanish mumkin. Minimal talab: Windows operatsion tizimi va 512 megabayt tezkor xotira yoki 2006—2016 yillarda oddiy USB portga ega Intel protsessorida yaratilgan Apple kompyuterlari. Aftidan, yangi Type-C’li MacBook’da bu foyda bermaydigan ko‘rinadi.
© Terabayt.uz
💻 Kompyuterni birga o'rganamiz ⤵️
Telegram / YouTube
BY KOMPYUTER AKADEMIYASI
Share with your friend now:
group-telegram.com/Kompyuter_akademiyasi/582