group-telegram.com/Seningdirman/1108
Create:
Last Update:
Last Update:
#Tabrik
Navoiylik Alisher mening Toshkentdagi ilk yo'lko'rsatarim edi. Majoziy ma'noda ham, asliy ma'noda ham ijodkor yo'lini ko'rsatkan. Boshqalarni g'iybat qilmaydigan, ijodkorlarning yutug'idan quvonadigan, adabiyot rivojidan sevinadigan, obro' talashmaydigan, hurmattalab bo'lmagan bu insonning hayoti ham adabiyotdan boshqa narsa emas. Irodasi kuchli inson, zo'r shoir, yaxshi hamsuhbat, oqibatli odam. Sifatlari juda ko'p. Sal kam 2 yillik hamkasblikda ham acha narsa o'rganganman.
Bugun esa tug'ilgan kuni! Eng yaxshi tilaklarim sizga. Eng samimiy istaklar sizga! Tabriklayman. Umringiz barakali bo'lsin!
BURCH
Mumkin emas edi tug‘ilmasligim,
Dunyoning holidan kim xabar olar.
Men erta bemalol uxlamasimdan,
Kimdir qayerdadir uyg‘onib qolar.
Bugun jon huzurin o‘ylash noto‘g‘ri,
Ertaga jamiyat ochadi ko‘zin.
Buyuk kelajakning yuksalar tug‘i,
Odamlar baxshida aylasa o‘zin.
Besh qo‘l baravarmas, guruch kurmakli,
Dadam aytganiday yonib yashayman.
Kunduzi quyoshning, kechasi oyning,
Uxlamay mehriga qonib yashayman.
Hayot ezg‘ilaydi ba’zida bizni,
Ammo yashab bo‘lmas faqatgina jim.
Vazifam uyg‘otish, shuning uchun ham,
Mumkin emas edi tug‘ilmasligim.
