group-telegram.com/ahgeel/2318
Last Update:
#رقـــــيـــــة 💕
قصص وروايات وحكايات
الحلقة الثالثة
بعد يومين رقية بتفكر في طلب الاضافة الي قبلته
رقية لنفسها: انا عملت ايه؟
من امتى وانا بضيف شباب؟
حست بخنقة فظيعة فقامت وقررت انها هتحذفه بس حصلت حاجة غيرتلها تفكيرها حاجة خليتها اتسمرت مكانها وقعدت متنحة لقيت منه رسالة
"السلام عليكم معرفش اذا عرفتيني او لا بس انا خالد محمد بكون قريبك انا ابويا محمد حمدي ابن عم ابوكى حبيت اتعرف على قرايبنا عرفتيني؟؟!!"
رقية ارتبكت جدا
رقية لنفسها: هحذفه .. هحذفه .. يالهوي يا لهوي ده طلع يعرفني .. لو يعرف اخويا اني ضفت ولد هيموتنى (يعني خفتي من اخوكى وماخفتيش من ربنا!!)
بس .. بس دي قلة ذوق اني احذفه خلاص هكلمه عادي كانه اخويا وبعدين شكله ابن ناس وقريبنا مفيهاش حاجة يعني
ردت: وعليكم السلام ورحمة الله معلش معرفتكش
======== ===
قعدت رقية تلف بالفيس والجروبات وتهزر مع صحابها الي بتحبهم جدا سمر وهدى ويزيد ومحمود ودينا كانت بتهزر مع بنات على بوسط وفجاه حصل موقف توترت وتعصبت وتخانقت مع بنت وطلعت من الجروب الي كانت بتحبه كلمها الادمن ورجعت للجروب وانتهت المشكلة وفجاة تلاقي رسالة من يـــزيـــد ودي كانت اول مرة يكلمها خاص
يزيد:هو ايه الي حصل؟؟
رقية:عادي متشغلش بالك والادمن كلمنى والمشكلة تحلت
يزيد:ماليش دعوة بزفت الادمن عايز اعرف الي حصل
رقية:طب اهدى بس ياابنى وهحكيلك
يزيد:اتفضلي
رقية:عادي كنت بهزر مع بنات فجاة قامت بنت قالت كلمة قبيحة اضايقت واتخنقت من الجروب فطلعت
يزيد: طب ابقي اهدي ومتحطيش في بالك ومتكلميش مع اي حد يا هبلة
رقية : بقا انا هبلة يا جزمة
يزيد:ههههههههه من شوية كنتى هتعيطى دلوقتى بتشتمي
رقية:هاهاها مفيش حاجة تخليني اعيط اصل
ا يزيد:ههههههههههه على يدي
رقية:طب غور انا هقفل سلام
========== ======
رقية بعد ماقامت من عالفيس قعدت تقرا في وردها وفجاه افتكرت موضوع قريبها ده فقالت تسال مامتها جايز تعرفه
رقية: ماما هو احنا عندنا قرايب في ـــــــــ
مامتها:مش عارفة يابنتي بتسالي ليه
رقية : لا عادي بس واحد عالفيس من هناك وبيقول انه قريبنا اسمه خالد محمد حمدي
مامتها بتكرر الاسم في محاولة للتذكر:خالد محمد حمدي محمد حمدي محمدي حمدي ايوا ايوا ايوا افتكرت مش محمد ده الي مامته الحاجة زهرة دول ناس طيبيين اوي
ثم قالتلها وكانها لسه انتبهت: بس ده عايز منك ايه؟
رقية ببراءة:معرفش بيقول عايز يتعرف على قرايبه
مامتها بابتسامة خبيثة: يتعرف على قرايبه بردو
رقية بنفس البراءة: ايوا ياماما قالي كده لقيتها قلة ذوق اني احذفه او مش ارد عليه ياماما
مامتها بانفعال: لالا اوعي اوعي تحذفيه
اكملت بهدوء وبنفس الابتسامة الخبيثة فهمتها رقية:خلينا نعرف عايز ايه
رقية:يا لهووووووي على دماغك ياماما على طول رايحة شمال متريحيها شويه يا حاجه حرام كده الراجل عايز يعرف قرايبه خليتيه حاجة ثانية خالص
مامتها:اصبري وهتشوفي بنفسك الواد ده حاطط عينه عليكى
رقية: بجد وانا بقول مش عارفة اتحرك ليه اتاري عينيه عليا تعالي شيليها معايا ياماما دي ثقيلة
مامتها:غوري من وشي يا لمضة
طلعت رقية وهي بتضحك
========= ======
مع ان رقية كانت بتهزر وتضحك مع مامتها الا ان في حاجة جواها بتقولها ان في حاجة غلط بتحصل في حاجة جواها بتقولها ابعدي سيييبك بلاش تخسري برائتك دي بس يابى الهوى الا ان يوقع القلب في متاهات يصعب الخروج منها وان خرجت فستكون قد فقدت الكثير والكثير
========== ========
فتحت رقية الفيس لقيت رسالة من خالد
خالد: انا جدتي بتكون الحاجة زهرة
رقية: اها سالت ماما وعرفتك تشرفت بمعرفتك
خالد: تسلمي الشرف ليا خلصتى دراسة صح؟
رقية: ايوا الحمد لله
خالد:بتعملي ايه دلوقتى
رقية:قاعده بكلمك
خالد:ههههههههههه لا اقصد في حياتك
رقية:عادي ولا حاجة خلصت دراسة وقاعدة بالبيت
خالد: يا بختك مرتاحة
رقية:بالعكس البيت خنقة وزهق فظيع نفسي اشتغل
خالد:ربنا يرزقك
رقية: امين
خالد
خالد:نعم
رقية:ممكن اسالك سؤال؟
خالد: اكيد طبعا اتفضلي
رقية:........
سؤال رقية الجم خالد ووتره ومعرفش يرد ازاي وخلاه يظطر يغير خطته ويكشف عن حاجات ماكانش عايز يكشف عنها .. حاجات ممكن تبوظله اللعبة كلها اعترف بانه.........
يتبع .....
ل
BY عالم القصص والروايات 📚
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/ahgeel/2318