group-telegram.com/ahgeel/2329
Last Update:
#رقـــــيـــــة 💕
قصص وروايات وحكايات
الحلقة التاسعة
اول ما خالد شافها انبهر بجمالها وقعد متنح كانت رقية لابسة فستان روز ضيق شويه على كعب عالي وطرحة روز واكثر حاجة شدتت خالد انها من غير ميك اب جمالها طبيعي وده بهره جدا للاسف خبيت بس زينتها بس طلعت انوثتها ورقتها لاي حد يشوفهم
رقية: السلام عليكم
خالد: وعليكم السلام ورحمة الله وبركاته
قعد يبصلها بهيام وهو ماسك ايدها بحنان
رقية بكسوف: خلاص بقا سيب ايدي
خالد بحنان: مش عايز نفسي ايدك متسبش ايدي ابدا
سحبت ايدها بهدوء ومشيوا سوا جنب بعض وفجاة خالد مسك ايدها
رقية استغربت واضايقت جدا من الموقف فسحبت ايدها بعنف وراحت وسابته (ايوا طبعا السلام مش فيه مشكلة بس يمسك ايدها عيييب مع ان كله حرام ) وبعد مسافة حسيت رقية بكبر المسافة الي مشيتها فوقفت تستناه
خالد بضيق: ما تكملي طريقك يا رقيه اصل انا جاي اتمشى مع نفسي
رقية باحراج: اسفة مقصدش بس انت فاجاتني
خالد: طب تعالي نقعد في مكان
رقية: ماشي
وقعدوا بجنينة وقضوا وقت حلو نسيت بيه رقية كل التوتر وخدت عليه
خالد: ينفع كده يا ست روكا
رقية: خير في ايه
خالد: قعدت معاكى يا ست هانم وضيعت صلاة الجمعة
رقية بتاثر: اسفة يا خالد اسفة بجد دي اكثر حاجة ضايقتني كان نفسي لو تقابلنا باي يوم ثاني عشان مش تضيع صلاتك
خالد: فداكى يا حبيبتى هو انا عندي كم روكا يعني
رقية بضيق: بس دي صلاتك يا خالد والي حصل ده غلط
خالد يتدارك الامر: اه طبعا طبعا يا حبيبتى بس خلاص ولا يهمك اعوضها الجمعة الجاية بقا وخلاص
رقية حسيت بضيق واستغربت من عدم المبالات الي لمستها فيه وسرحت بافكارها
رقية: معقول!! معقولة تكون الصلاة مش فارقة معاه معقولة يكون انسان اهم عنده من الصلاة معقوله ميكونش ملتزم بس بيضحك عليا لالالالالا مش ممكن افاقت من شرودها على ايد خالد وهي تتلمس ايدها ورفعها لشفايفه ورسم عليها قبلة
رقية بعصبية خفيفة: انت ايه الي عملته ده
خالد: بحبك يا بطتي بحبك اوي
رقية: ايه دخل مشاعرك في الي انت هببته ده
خالد: ماهي دي ترجمة لمشاعري
رقية بحنق: لو سمحت كفاية اوي كده انا عايزه اروح
روحت رقية وهي مخنوقة اووووووي واول ما وصلت اترمت على اول كنبة واتفتحت في العياط
سمر وام عمر اتخضوا اوي من منظرها
سمر: رقية مالك ايه الي حصل
رقية لسه بتعيط ومش عارفة تكلم هزتها امها بخضة: انطقي يا بنتي في ايه
رقية: مش عايزااااااااااه ده قليل ادب مش عايزاه
سمر: اهدي بس يا قلبي وفهمينا الي حصل
ام عمر: عمل ايه يا بنتي طمنينا
رقية من تحت دموعها وشهقاتها: باس ايدي بس والله غصب عني ده قليل ادب لا يمكن اطلع معاه ثاني
ام عمر وسمر بصوت واحد: ههههههههههههههههههههههههههههههههههههههه بقا عشان كده عاملة الزيطة دي كلها
سمر: ههههههههههههه انتى هبله اوي بصراحة
رقية بدهشة: انتوا مش شايفين ان الي عمله ده عيب؟
سمر بصي يا قلبي هفهمك الموضوع ده عادي جدااااا هو عشان بيحبك عمل كده متتضايقيش وتعكنني عليه الموضوع عادي جدا وطبيعي يحصل
رقية بعدم اقتناع: بجد
سمر: اه والله ده حقه عشان بيحبك
رقية بشك: بس هو مش جوزي عشان يبقى من حقه
سمر: طب هو مش شروط الجواز الاذن من الولي والاشهار؟
رقية: صح
سمر: وهو مستاذن ابوكى واشهرتوا خطوبتكوا والناس كلها عارفة؟ يعني حكمه بحكم جوزك الفرق الوحيد في الورقة عشان تثبت حقك وخلاص غير كده هو جوزك قدام ربنا عشان الشروط اتحققت
رقية: بجد
سمر بتاكيد: ايييوا
رقية: يعني هو يعتبر جوزي قدام ربنا
سمر محاولة اخفاء توترها: اها تقريبا كده
رقية: طب الحمد لله طمنتيني كنت خايفة اووووي
سمر: لا اطمني يا قلبي انتوا مش بتعملوا اي حاجة غلط
=========== ========
ام عمر وسمر لوحدهم
ام عمر: هو الكلام الي قولتيه لرقية ده صح
سمر: لا طبعا يا ماما دي بنت ساذجة اصلا مصدقتش انها صدقت كلامي بجد استغربت بس الحمد لله انها صدقت والموضوع عدى ده عريس لقطة وهيعيشها ملكة وهي هتخسره بغبائها
ام عمر: طب ليه ضحكتى عليها
سمر: اهو اي كلام عشان تلين يا ماما انتى مش شايفاها قفل ازاي العريس هيطفش
ام عمر: بس انا خايفة تفرط في نفسها وهي فاكراه جوزها
سمر: لا اطمني انا معاها خطوه بخطوه
ام عمر بقلق: ربنا يستر
========= ======
بعد كلام سمر رقية قررت تتغير وتغير تعاملها مع خطيبها وتتعامل معاه بطريقه احسن وابتدت تنفذ وراحت نفذت اول خطوة من خطوات التنازلات ولا حول ولا قوة الا بالله .......
يتبع
BY عالم القصص والروايات 📚
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/ahgeel/2329