group-telegram.com/ahgeel/2463
Last Update:
#رقــيــة 💕
#رقــيــة 💕
#قصص1وروايات1وحكايات
الحلقةالخامسة والثلاثين
دلفت رقية للصالون فوجدت اخر شخص تتوقع وجوده آســـــــر
رقية بعفوية وضيق: آآآآآ انت؟.!!! بتعمل ايه هنا؟؟؟
تنحنح آسر في احراج
ابو عمر باحراج: في ايه يا رقية تعالي يا حبيبتي اعرفك على آسر العريس
تسمرت رقية في مكانها وهي تشعر بالغضب والضيق والحنق الشديد تجاه هذا المخلوق الذي يدعى آسر بينما قابل اسر ذلك بابتسامة بلهاء اشعلت الغيظ في صدر رقية التي بادرت قائلة
رقية وهي تجز على اسنانها:اهلا
جلست رقية ضلت تنظر للاسفل موقع قدميها
ابو عمر: احمـ انا هقعد هنا في البلكونة خدوا راحتكوا يااولاد
اندهشت رقية لتصرف والدها اشتعلت غيضا ايقضها من ذلك صوت آسر
آسر بصوت رخيم: عاملة ايه يا انسه رقية
رقية كانت سترد ب "انت مالك" لكنها ضبطت انفعالاتها باخر لحظة
رقية بانفعال: الحمد لله
آسر: اعرفك بنفسي الاول انا آسر 29 سنة مهندس ديكور عايش مع امي واختي ليا مكتب وشقة فاضلها حاجات بسيطة يعني اوعدك اني اتقي ربنا فيكى اتفضلي لو عندك اسئلة انا جاهز
رقية لازالت تنظر الى موقع قدميها
آسر: فعلا السجادة حلوة اوي تستاهل تبصيلها اوي كده بس لو ممكن تبصيلي شويه عشان القبول وكده
رقية في نفسها: لا اطمن انت مرفووووود مرفوت مرفووووض ومفيش داعي للبص اااااااخ
ثم سحبت من يدها ورقة وقطعتها ورمتها على الطاولة بعصبية مفرطة ثم تنهدت بارتياح
اسر بعدم فهم: ايه ده !!
رقية بنفاذ صبر: ورقة
آسر باستفهام: ورقة ايه؟
رقية:كان فيها اسئلة عشان الرؤية بس ما بقالهاش لازمة
آسر بامل: ليه؟
رقية بقوة: عشان انت مرفوض مش ممكن اجوز واحد بصلي في الشارع ده ممكن يبص لغيري وماخافش ربنا فنظرة
آسر بعصبية خفيفة: تتلمي احسنلك انا صابر وساكت عن اسلوبك الزفت من اول القعدة بس مش معنى كده انك تسوقي فيها
شعرت رقية ببعض الخوف وسكتت
آسر: والله انا بخاف ربنا وبتقيه والي حصل كان غصب عني هتبقي تعرفي سببه بالوقت المناسب ان شاءالله لو حضرتك وافقتي يعني
رقية بسرعة: وانا مش موافقة
وقف آسر وهو يرد عليها بثبات
آسر: قرارك هعرفه من عمي بعد يومين ان شاءالله
عن اذنك
اتى ابو عمر
ابو عمر بابتسامة طيبة: نورت ياابني ربنا ييسرلكوا الخير وين ماكان
اسر: اميييين عن اذنك يا عمي
ابو عمر: اتفضل ياابني
~~~~~~~
عندها خرجت ام رقية مسرعة ناحية ابنتها
ام عمر بحماس: هااا ايه رايك يا روكا
رقية بعصبية مفرطة: زفت وانا مش موافقة
رحلت رقية الى غرفتها تاركة والديها في دهشة وضيق وبركان على وشك الانفجار توشي به ملامح والدتها
اتجهت ام عمر ناحية غرفة ابنتها
ام عمر: مش موافقة ليه يا هانم
تظاهرت رقية بالنوم لتتجنب مواجهة والدتها فليس لها القدرة على الشجار فنزعت ام عمر الغطاء عن ابنتها
ام عمر بضيق: قومي وكلميني انتى لسه بتكلمي الزفت بتاع النت ده
اعتدلت رقية في جلستها مصدومة
رقية بصدمة: ايه؟!
ام عمر: فاكراني مش عارفة يعني بس عاملة نفسي مش واخدة بالي واقول بكره تعقل بس ترفضي عريس زي آسر عشان الي ما يتسمى ده انا مش هسكت والله لاقول لعمر وهو يتصرف معاكى انا تعبت
صدمت رقية من حديث والدتها التي تحسب انها مازالت على علاقة بيزيد
رقية في نفسها صرخت بكل جوارحها: يالله انت لم تفضحن وانا على معصية فاسترني وانا تائبة
ام عمر: ساكتة ليه
رقية ببكاء: حرام عليكى يا ماما والله مفيش اي حد بحياتي لا عالنت ولا غيره :'(
ام عمر بقسوة: امال رفضتي ليه ؟
مفيش واحدة ترفض عريس زي ده الا لو كان في بالها حد ثاني
رقية: ارحميني بقا مش عايزه اتنيل اجوز انا قرفت
ام عمر بقسوة: مش بمزاجك
خرجت ام عمر من الغرفة بينما دخلت رقية في نوبة بكاء هيستيرية لم تعتدها من قبل ...........
يتبع.......
BY عالم القصص والروايات 📚
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/ahgeel/2463