عالم القصص والروايات 📚

#قصص1وروايات1وحكايات
#اعترافات رجل
🖌 الكاتبه :هلا غرابي
📝 #الجزء_الاول :

عيناك الدمع الاسود فوقهما
يتساقط انغام بياني
عيناك وتبغي وكحولي
والكاس العاشر اعماني

وانا في المقعد محترق
نيراني تاكل نيراني
أاقول احبك يا قمري
اه لو كان بامكاني
فأنا لااملك في الدنيا
الا عينيك واحزاني

سفني في المرفأ باكية
تتمزق فوق الشطأن
أاسافر دونك ليلكتي
يا ظل الله بأجفاني
يا صيفي الاخضر يا شمسي
يا اجمل اجمل الواني
هل أرحل عنك وقصتنا
أحلى من عودة نيسان

كنت عم اسمع هالغنية و عم اتخيل عيونا السود قدامي ، مسكت باكيت الدخان ،كان فيه اخر سيجارة ،قمتا و شغلتا ،كنت عم احترق متل السيجارة يلي كنت عم دخنا ، قمت من عن الكرسي و طلعت على البرندا ،سحبت سحبة طويلة من السيجارة و بلعت الدخنة و كبيت السيجارة على طول ايدي ،انطفت قبل ما توصل على الارض،كانت هالسيجارة متلها متل قلبي يلي اشتعل و احترق و انطفى و انا وحدي يلي اختنقت ، رجعت فتت ،مسكت موبايلي و رجعت قرأت رسالتا ،عضيت على شفايفي و خبطت الموبايل بالحيط ،انسانة ضعيفة ، انسانة لعبت فيني و بمشاعري ،بدا تبقى طول عمرا تحت رحمتو و بدو يضل يهينا و يضربا ، فتت على غرفتي و نزلت الشنتاية و بلشت ضب تيابي بالشنتاية لارجع لمحل ما جيت ،كنت جاي لاتنفس هون و هلأ رح اطلع من هون مخنوق ،انا و عم ضب تيابي بالشنتا طلع فستانا بأيدي ،قربتو على انفي و شميت ريحتو ،كانت لسا ريحتا فيه متل لما اول مرة شفتا ،شردت انا و عم اتذكر كيف شفتا اول مرة

_من فترة قريبة __

مراد:الو...كيفك ...اي هلأ وصلت ....هادا رقمي السوري سيفو عندك..لااا ما خرج ...لك هلأ وصلت يا زلمة ، ،جاي هلكان بدي اتحمم و نام .... ولله و انا مشتقلكن بكرا بشوفكن ... اطمنو اجازتي طويلة هالمرة ...ايه الي سنين ما جيت عالبلد ...بدي عبي صدري من هوا سوريا و ريحة الياسمين.....يلا سلام

سكرت الخط و جريت شنتايتي و طلعت على بيتي بالطابق التالت ،كانت مقطوعة الكهربا ،ما تفاجأت لانو سمعت بقطعة الكهربا و التقنين الصارم يلي صار من تراث البلد،شغلت فلاش موبايلي و طلعت انا و عم ضاوي على الدرج ،وصلت على بيتي يلي كان بيت العيلة قبل ما يهاجرو اهلي على المانيا بظل هالاحداث ،حطيت المفتاح بالباب و فتحت الباب ،وقفت شوي قبل ما فوت ،سمعت صوت صراخ و تكسير من البيت يلي قبالي ،بعدين فتحت الباب و دخلت شنتايتي و قبل ما سكر باب بيتي ،انفتح باب البيت يلي قبالي و طلع منو شخص ركض باتجاهي و فات فورا على بيتي و سكر الباب و ارتمى بحضني ،انا وقفت مصدوم و ما عارف شو اعمل ،كانت ريحة الشخص ريحةما بتشبه اي ريحة بالعالم و كأنو تركبت مخصوص لهل الشخص ،كانت ريحة مرة ،سلطت ضو الفلاش على الشخص يلي اقتحم بيتي و حياتي و حضني فجأة

مجهولة (تبكي) : الله يخليك اذا دق الباب ما تفتحلو

اطلعت عليها ،كانت وحدة عم تبكي و ترجف ،كانت حالتها يرثى لها ، لابسة قميص نوم ممزع ،بقيت حاطة راسا على صدري و عم تبكي ،انا ما عرفت اعمل شي غير انو لفيتا بايدي ،كانت عم تلهت بنفس دافي اخترق ضلوع صدري و مشي بدمي ، كان جسما بارد كتير ،لفيتا و نسيت حالي و اسمي و عنواني وكل شي ، حتى انتبهت علي انو حاضنا بقوة ، بعدت عني و فاتت لجوا البيت و انا لحقتا

مراد:...طولي بالك ما رح افتحلو بس شو القصة؟

مجهولة (تبكي):هيدا زوجي كان عم يضربني و هربت منو و ما عرفت لوين بدي روح ،شفت باب بيتك مفتوح و ضو جاي من بيتك ،لهيك قلت بفوت شوي بس ما انا كنت بعرف انك شاب ،ما شفتك منيح عالعتمة انا بعتذر وين مرتك؟

مراد: انا ما متزوج طيب اقعدي ارتاحي

انتبهت على حالها و اطلعت علي

مجهولة :بس اذا بتريد ما عندك شي حطو علي

مراد:ايه يلا

ما عرفت شو بدي اعطيها ،فتحت شنتايتي و اعطيتا قميص ،لبستو و قعدت ،كان الدم عم ينزل من شفايفا

مراد:قومي غسلي وجهك ،بس ما عندي ضو
مجهولة:لازم تكون اجت الكهربا هلأ
مراد: اه ثواني رح ارفع القاطع
مشيت على فلاش موبايلي و رفعت القاطع و رجعت وقفت على باب غرفة القعدة ، اطلعت فيا ، كانت قاعدة على الصوفا و رافعة رجليا و عم تمسح دموعا بايد و الايد التانية عم تشد فيها فستانا لتغطي رجليا و طارقة راسا بالارض ،كان شعرا اسود طويل ناعم متل الليل ،كانو ايديا و رجليا بيض و ناعمين كتير ، انتبهت علي انا و عم اطلع عليا ،انا تلبكت و نزلت راسي فورا بالارض

مجهولة:انت عايش هون لحالك ؟

مراد :انا ما عايش هون ،انا هلأ جيت من السفر و هيدا بيت العيلة بس فاضي ما فيه حدا
مجهولة:وين كنت ؟
مراد:انا مقيم بالمانيا انا و اهلي بس جيت زيارة لهون غير جو اكام يوم و راجع و رح جدد جواز سفري كمان بطريقي

مجهولة:يلا انا لازم روح

مراد:لوين بدك تروحي هلأ؟

مجهولة:ما بعرف بس ما رح ابقى هون

مراد:وين اهلك؟

مجهولة:اهلي ما هون ،اهلي بتركيا

مراد:اذا ما عندك محل تروحي عليه ابقي عندي

مجهولة:لأ مستحيل ، هلأ برجع لبيتي بس يكون هدي زوجي

👍4❤1

www.group-telegram.com/us/ahgeel.com/2583

809 viewsA/ Alngeb Mohammed, edited  Dec 23, 2019 at 16:56

#قصص1وروايات1وحكايات
#اعترافات رجل
🖌 الكاتبه :هلا غرابي
📝 #الجزء_الاول :

عيناك الدمع الاسود فوقهما
يتساقط انغام بياني
عيناك وتبغي وكحولي
والكاس العاشر اعماني

وانا في المقعد محترق
نيراني تاكل نيراني
أاقول احبك يا قمري
اه لو كان بامكاني
فأنا لااملك في الدنيا
الا عينيك واحزاني

سفني في المرفأ باكية
تتمزق فوق الشطأن
أاسافر دونك ليلكتي
يا ظل الله بأجفاني
يا صيفي الاخضر يا شمسي
يا اجمل اجمل الواني
هل أرحل عنك وقصتنا
أحلى من عودة نيسان

كنت عم اسمع هالغنية و عم اتخيل عيونا السود قدامي ، مسكت باكيت الدخان ،كان فيه اخر سيجارة ،قمتا و شغلتا ،كنت عم احترق متل السيجارة يلي كنت عم دخنا ، قمت من عن الكرسي و طلعت على البرندا ،سحبت سحبة طويلة من السيجارة و بلعت الدخنة و كبيت السيجارة على طول ايدي ،انطفت قبل ما توصل على الارض،كانت هالسيجارة متلها متل قلبي يلي اشتعل و احترق و انطفى و انا وحدي يلي اختنقت ، رجعت فتت ،مسكت موبايلي و رجعت قرأت رسالتا ،عضيت على شفايفي و خبطت الموبايل بالحيط ،انسانة ضعيفة ، انسانة لعبت فيني و بمشاعري ،بدا تبقى طول عمرا تحت رحمتو و بدو يضل يهينا و يضربا ، فتت على غرفتي و نزلت الشنتاية و بلشت ضب تيابي بالشنتاية لارجع لمحل ما جيت ،كنت جاي لاتنفس هون و هلأ رح اطلع من هون مخنوق ،انا و عم ضب تيابي بالشنتا طلع فستانا بأيدي ،قربتو على انفي و شميت ريحتو ،كانت لسا ريحتا فيه متل لما اول مرة شفتا ،شردت انا و عم اتذكر كيف شفتا اول مرة

_من فترة قريبة __

مراد:الو...كيفك ...اي هلأ وصلت ....هادا رقمي السوري سيفو عندك..لااا ما خرج ...لك هلأ وصلت يا زلمة ، ،جاي هلكان بدي اتحمم و نام .... ولله و انا مشتقلكن بكرا بشوفكن ... اطمنو اجازتي طويلة هالمرة ...ايه الي سنين ما جيت عالبلد ...بدي عبي صدري من هوا سوريا و ريحة الياسمين.....يلا سلام

سكرت الخط و جريت شنتايتي و طلعت على بيتي بالطابق التالت ،كانت مقطوعة الكهربا ،ما تفاجأت لانو سمعت بقطعة الكهربا و التقنين الصارم يلي صار من تراث البلد،شغلت فلاش موبايلي و طلعت انا و عم ضاوي على الدرج ،وصلت على بيتي يلي كان بيت العيلة قبل ما يهاجرو اهلي على المانيا بظل هالاحداث ،حطيت المفتاح بالباب و فتحت الباب ،وقفت شوي قبل ما فوت ،سمعت صوت صراخ و تكسير من البيت يلي قبالي ،بعدين فتحت الباب و دخلت شنتايتي و قبل ما سكر باب بيتي ،انفتح باب البيت يلي قبالي و طلع منو شخص ركض باتجاهي و فات فورا على بيتي و سكر الباب و ارتمى بحضني ،انا وقفت مصدوم و ما عارف شو اعمل ،كانت ريحة الشخص ريحةما بتشبه اي ريحة بالعالم و كأنو تركبت مخصوص لهل الشخص ،كانت ريحة مرة ،سلطت ضو الفلاش على الشخص يلي اقتحم بيتي و حياتي و حضني فجأة

مجهولة (تبكي) : الله يخليك اذا دق الباب ما تفتحلو

اطلعت عليها ،كانت وحدة عم تبكي و ترجف ،كانت حالتها يرثى لها ، لابسة قميص نوم ممزع ،بقيت حاطة راسا على صدري و عم تبكي ،انا ما عرفت اعمل شي غير انو لفيتا بايدي ،كانت عم تلهت بنفس دافي اخترق ضلوع صدري و مشي بدمي ، كان جسما بارد كتير ،لفيتا و نسيت حالي و اسمي و عنواني وكل شي ، حتى انتبهت علي انو حاضنا بقوة ، بعدت عني و فاتت لجوا البيت و انا لحقتا

مراد:...طولي بالك ما رح افتحلو بس شو القصة؟

مجهولة (تبكي):هيدا زوجي كان عم يضربني و هربت منو و ما عرفت لوين بدي روح ،شفت باب بيتك مفتوح و ضو جاي من بيتك ،لهيك قلت بفوت شوي بس ما انا كنت بعرف انك شاب ،ما شفتك منيح عالعتمة انا بعتذر وين مرتك؟

مراد: انا ما متزوج طيب اقعدي ارتاحي

انتبهت على حالها و اطلعت علي

مجهولة :بس اذا بتريد ما عندك شي حطو علي

مراد:ايه يلا

ما عرفت شو بدي اعطيها ،فتحت شنتايتي و اعطيتا قميص ،لبستو و قعدت ،كان الدم عم ينزل من شفايفا

مراد:قومي غسلي وجهك ،بس ما عندي ضو
مجهولة:لازم تكون اجت الكهربا هلأ
مراد: اه ثواني رح ارفع القاطع
مشيت على فلاش موبايلي و رفعت القاطع و رجعت وقفت على باب غرفة القعدة ، اطلعت فيا ، كانت قاعدة على الصوفا و رافعة رجليا و عم تمسح دموعا بايد و الايد التانية عم تشد فيها فستانا لتغطي رجليا و طارقة راسا بالارض ،كان شعرا اسود طويل ناعم متل الليل ،كانو ايديا و رجليا بيض و ناعمين كتير ، انتبهت علي انا و عم اطلع عليا ،انا تلبكت و نزلت راسي فورا بالارض

مجهولة:انت عايش هون لحالك ؟

مراد :انا ما عايش هون ،انا هلأ جيت من السفر و هيدا بيت العيلة بس فاضي ما فيه حدا
مجهولة:وين كنت ؟
مراد:انا مقيم بالمانيا انا و اهلي بس جيت زيارة لهون غير جو اكام يوم و راجع و رح جدد جواز سفري كمان بطريقي

مجهولة:يلا انا لازم روح

مراد:لوين بدك تروحي هلأ؟

مجهولة:ما بعرف بس ما رح ابقى هون

مراد:وين اهلك؟

مجهولة:اهلي ما هون ،اهلي بتركيا

مراد:اذا ما عندك محل تروحي عليه ابقي عندي

مجهولة:لأ مستحيل ، هلأ برجع لبيتي بس يكون هدي زوجي

BY عالم القصص والروايات 📚