عالم القصص والروايات 📚

#قصص1وروايات1وحكايات.

*الخفافيش🦇*

الجزء الثالث


بعد تلات ايام على الي صار كنت لسه قاعده عند هيفاء ، اخدت نجار غيرلي قفل البيت و اخدتو على بيت ريهام كمان غيرت القفل وما لقيت الناطور الي شفتو المره الماضيه ..

بعدين اتصلت بنجاح السكرتيرة الي كانت تشتغل بعيادة اختي ريهام ... لان كنت محتاجه مصاري و مو قدرانه كمل ترجمة الروايات بسبب الظروف الي عم تصير معي
ردت علي نجاح و قالتلي روحلها على العياده لانها لهلأ ما سكرتها وعم تسلم للمرضى ملفاتهن .. رحت لهنيك .. عياده ريهام كانت موجوده بالطابق التالت من بنايه مكونه من اربع طوابق
طلعت على الدرج و وصلت لهنيك .. كان كل شي قاسي علي بس عم دوس على مشاعري واتناسى .. اديش كانت ريهام فرحانة لما فتحت العياده واديش كان عندها احلام و طموحات ..

فتت واستقبلتني نجاح ضمينا بعض وصرنا نبكي

نجاح : ما عم سدء الي صار

مرام : ما حدا عم يسدء ..

نجاح : كتير كنت حابه اجي وزورك و وقف جنبك بس مسؤولية العياده كلها فوق راسي .. ما فيني سكر فجأة والمرضى يجو وما يلاقونا .. عم اعتذر منهن وسلمهن ملفاتهن قبل ما سكر العياده

مرام : معك حق الي عملتيه صح .. انا اسفه يمكن كان لازم وقف معك وساعدك

نجاح : مو مشكلة بقدر ظروفك و فيني خلص هالشغلات لحالي

سكتت وتطلعت بالأرض بخجل ... وهي فهمت انو بدي المصاري

نجاح : لحظة بس ... مدام ريهام كانت تاركه بالعياده مبلغ منيح رح اعطيكي ياه كلو

مرام : لا لا ما بدي ياه كلو اكيد عندك مصاريف وكمان خدي راتبك بس بدي شي بسيط

ابتسمت نجاح وفتحت الدرج وبلشت تعد المصاري : يمكن نسيانه انو اختك صارت من اهم الاطباء النفسين بالبلد ... في مصاري كتيره ورح سلمك كل الحسابات هاد حقك

مرام : طيب ..

خلصت حسابات واعطتني رزمة مصاري ملفوفين بمطاطة

نجاح : هدول 40 ألف خليني بس اعمل الحسابات كاملة و بسلمك كل شي

مرام : ماشي ...

تطلعت بالمصاري شوي ..

مرام : نجاح .. هلأ اختي .. كيف كانت اخر فترة

اخدت نفس طويل وشربت مي : ما بعرف شو بدي قلك .. بظن صعب أي حدا فينا يعرف ريهام كيف كانت لانها اقوى من انها تظهر حقيقه وضعها ومشاعرها

شبكت اصابعي ببعض و حكيت بتردد : طيب برأيك .. ممكن أختي ما تكون انتحرت ؟

نجاح باستغراب : نعم ؟

مرام : انو عم فكر انو الكل عم يقول انها كانت طبيعيه وما فيها شي بالعكس كانت عم تجهز لمشروع جديد

نجاح : مشروع شو ؟

مرام : هلأ هو ..

سكتت شوي و وقفت من مكاني : خلص مو مهم انا لازم نروح منحكي نحنا بعدين خليني شوفك

نجاح : لا معليه احكيلي

مرام : مضطرة امشي حبيبتي المره الجايه .. وشكراً غلبتك معي ..

اخدت نظرة اخيره ... كنت بدي اطلع قبل ما يشدني فضولي لفوت لجوا على مكتب ريهام .. ما بدي شوف شي ما بدي كون بالأمكان الي هي كانت فيهن ... ما بدي كون بلاها ..

طلعت مستعجلة و انا نازله على الدرج كان طالع شب طويل لابس بدلة سودا رسمية و حامل بايدو شنتة رسمية و ريحة عطرو بتجذب و ظاهرة .. تطلع فيني بعدم اهتمام بس انا ابتسمتلو بعفوية و نزلت مرقت جنبو ..
بس هو وقف فجأة وندهلي : لو سمحتي

وقفت والتفتت عليه : أنا ؟

رجع نزل لعندي وكان يتطلع فيني كأنو عم يتذكرني

الشب : عفواً شو اسمك ؟

مرام : عفواً انت مين ؟

الشب : انا ليث مدير مكتب الليث للسياحة والسفر .. المكتب الي فوق هي العيادة

مرام : اي بشو فيني اخدمك ؟

ليث بتردد : حضرتك بتعرفي الدكتورة ريهام ؟

رفعت حواجبي باستغراب : ريهام بتكون اختي ! ..

تغيرت ملامحو وابتسم : صح مزبوط ... كنت عرفان !

____


نزلت وانا بايدي كرت ليث الخاص الي عليه ارقامو الخاصه بعد ما اصر يحكي معي بموضوع مهم رفض يحكي فيه على الدرج .. كنت عم اتطلع بالكرت انا ومبسوطة وعم فكر شو قصتو ومن وين بيعرف ريهام

لقيت تكسي واقفه طلعت فيها وقلتلو انا وعم اتطلع على الكرت : على شارع الأميرة لو سمحت بناية رقم 4

الشوفير : على عيني تكرمي

تنهدت و حطيت الكرت بالشنته وطلعت موبايلي لاحكي مع هيفاء واطمن على حموده ..

كان الخط عم يرن لما رفعت عيني على المراية الأمامية .. وشفت الشوفير عم يتطلع علي بطرف عينو .. دققت شوي .. و تذكرت انو هاد نفس الشوفير الي وصلني من بيت ريهام لبيتي لما جبت التخت ..

يتبع

www.group-telegram.com/us/ahgeel.com/4072

434 viewsA/ Alngeb Mohammed, edited  Jan 8, 2020 at 13:31

#قصص1وروايات1وحكايات.

*الخفافيش🦇*

الجزء الثالث


بعد تلات ايام على الي صار كنت لسه قاعده عند هيفاء ، اخدت نجار غيرلي قفل البيت و اخدتو على بيت ريهام كمان غيرت القفل وما لقيت الناطور الي شفتو المره الماضيه ..

بعدين اتصلت بنجاح السكرتيرة الي كانت تشتغل بعيادة اختي ريهام ... لان كنت محتاجه مصاري و مو قدرانه كمل ترجمة الروايات بسبب الظروف الي عم تصير معي
ردت علي نجاح و قالتلي روحلها على العياده لانها لهلأ ما سكرتها وعم تسلم للمرضى ملفاتهن .. رحت لهنيك .. عياده ريهام كانت موجوده بالطابق التالت من بنايه مكونه من اربع طوابق
طلعت على الدرج و وصلت لهنيك .. كان كل شي قاسي علي بس عم دوس على مشاعري واتناسى .. اديش كانت ريهام فرحانة لما فتحت العياده واديش كان عندها احلام و طموحات ..

فتت واستقبلتني نجاح ضمينا بعض وصرنا نبكي

نجاح : ما عم سدء الي صار

مرام : ما حدا عم يسدء ..

نجاح : كتير كنت حابه اجي وزورك و وقف جنبك بس مسؤولية العياده كلها فوق راسي .. ما فيني سكر فجأة والمرضى يجو وما يلاقونا .. عم اعتذر منهن وسلمهن ملفاتهن قبل ما سكر العياده

مرام : معك حق الي عملتيه صح .. انا اسفه يمكن كان لازم وقف معك وساعدك

نجاح : مو مشكلة بقدر ظروفك و فيني خلص هالشغلات لحالي

سكتت وتطلعت بالأرض بخجل ... وهي فهمت انو بدي المصاري

نجاح : لحظة بس ... مدام ريهام كانت تاركه بالعياده مبلغ منيح رح اعطيكي ياه كلو

مرام : لا لا ما بدي ياه كلو اكيد عندك مصاريف وكمان خدي راتبك بس بدي شي بسيط

ابتسمت نجاح وفتحت الدرج وبلشت تعد المصاري : يمكن نسيانه انو اختك صارت من اهم الاطباء النفسين بالبلد ... في مصاري كتيره ورح سلمك كل الحسابات هاد حقك

مرام : طيب ..

خلصت حسابات واعطتني رزمة مصاري ملفوفين بمطاطة

نجاح : هدول 40 ألف خليني بس اعمل الحسابات كاملة و بسلمك كل شي

مرام : ماشي ...

تطلعت بالمصاري شوي ..

مرام : نجاح .. هلأ اختي .. كيف كانت اخر فترة

اخدت نفس طويل وشربت مي : ما بعرف شو بدي قلك .. بظن صعب أي حدا فينا يعرف ريهام كيف كانت لانها اقوى من انها تظهر حقيقه وضعها ومشاعرها

شبكت اصابعي ببعض و حكيت بتردد : طيب برأيك .. ممكن أختي ما تكون انتحرت ؟

نجاح باستغراب : نعم ؟

مرام : انو عم فكر انو الكل عم يقول انها كانت طبيعيه وما فيها شي بالعكس كانت عم تجهز لمشروع جديد

نجاح : مشروع شو ؟

مرام : هلأ هو ..

سكتت شوي و وقفت من مكاني : خلص مو مهم انا لازم نروح منحكي نحنا بعدين خليني شوفك

نجاح : لا معليه احكيلي

مرام : مضطرة امشي حبيبتي المره الجايه .. وشكراً غلبتك معي ..

اخدت نظرة اخيره ... كنت بدي اطلع قبل ما يشدني فضولي لفوت لجوا على مكتب ريهام .. ما بدي شوف شي ما بدي كون بالأمكان الي هي كانت فيهن ... ما بدي كون بلاها ..

طلعت مستعجلة و انا نازله على الدرج كان طالع شب طويل لابس بدلة سودا رسمية و حامل بايدو شنتة رسمية و ريحة عطرو بتجذب و ظاهرة .. تطلع فيني بعدم اهتمام بس انا ابتسمتلو بعفوية و نزلت مرقت جنبو ..
بس هو وقف فجأة وندهلي : لو سمحتي

وقفت والتفتت عليه : أنا ؟

رجع نزل لعندي وكان يتطلع فيني كأنو عم يتذكرني

الشب : عفواً شو اسمك ؟

مرام : عفواً انت مين ؟

الشب : انا ليث مدير مكتب الليث للسياحة والسفر .. المكتب الي فوق هي العيادة

مرام : اي بشو فيني اخدمك ؟

ليث بتردد : حضرتك بتعرفي الدكتورة ريهام ؟

رفعت حواجبي باستغراب : ريهام بتكون اختي ! ..

تغيرت ملامحو وابتسم : صح مزبوط ... كنت عرفان !

____


نزلت وانا بايدي كرت ليث الخاص الي عليه ارقامو الخاصه بعد ما اصر يحكي معي بموضوع مهم رفض يحكي فيه على الدرج .. كنت عم اتطلع بالكرت انا ومبسوطة وعم فكر شو قصتو ومن وين بيعرف ريهام

لقيت تكسي واقفه طلعت فيها وقلتلو انا وعم اتطلع على الكرت : على شارع الأميرة لو سمحت بناية رقم 4

الشوفير : على عيني تكرمي

تنهدت و حطيت الكرت بالشنته وطلعت موبايلي لاحكي مع هيفاء واطمن على حموده ..

كان الخط عم يرن لما رفعت عيني على المراية الأمامية .. وشفت الشوفير عم يتطلع علي بطرف عينو .. دققت شوي .. و تذكرت انو هاد نفس الشوفير الي وصلني من بيت ريهام لبيتي لما جبت التخت ..

يتبع

BY عالم القصص والروايات 📚