group-telegram.com/ahgeel/4087
Last Update:
#قصص1وروايات1وحكايات.
*الخفافيش🦇*
بقلم_مال_الشام
الجزء السابع
غمضت عيوني بقوة وما قدرت اصرخ كأنو صوتي اختفى بس كان البي عم يوجعني و عم فكر شو رح يصير فيني .. خلص وقعت .. رح يقتلوني متل ما قتلو اختي
رح يقولو انتحرت وما حدا ياخد حقي وحق اختي .. ريهام يا ريتك جنبي .. ريهام ... ريهام ليش تركتيني ورحتي !!
سمعت صوت ليث عم يصرخ : مرام انزلي بسرعه .. روحي من هون
فتحت عيوني بسرعه ولقيت ليث مساكو للشب التاني و عم يحاول يثبتو ..
مرام : ليث !!
ليث : انزلي بسرعه ... خدي سيارتي وروحي من هون
مرام : ليث اتركو اتركو مشان الله
فتل الشب على ليث و وقعو على الأرض وحط ايدو على رقبتو .. كان حجم ليث مقارنة فيه صغير لان هداك متل اللوح ..
ليث : لك روحي من هون روحي اتخبي بأي مكان مرام رووووووووووحي
صرخ بصوت عالي و بعدا ضربو الشب على وشو ونزف دم من انفو .. صرخت مشان يجي حدا يساعدنا ورجع ليث يترجاني روح
نزلت انا وعم ابكي واصرخ و طلعو ناس من شققهن ..
نزلت لتحت لقيت سيارة ليث بوشي و باب السيارة مفتوح و المفتاح فيها ..
طلعت مكان السائق وسكرت الباب وشغلت السيارة ، كنت من قبل متدربة على السواقة مرتين ورسبت وما اخدت الشهاده .. مسحت دموعي مشان شوف قدامي و شغلت السيارة
مشيت انا وعم ابكي وحاكي حالي ( يا الله وين روح يا ربي شو بدي اعمل شو اعمل .. وين بدي روح !! )
اتطلعت على الكرسي الي جنبي ولقيت الملف الي اعطيتو لليث موجود .. فتت بين الحارات و وقفت بممر .. قفلت ابواب السيارة وحطيت ايدي على ووشي وصرت ابكي ..
اعصابي تلفت ... بدهن يقتلوني ما رح يتركوني خلص .. شو اعمل .. ما فيني اهروب .. مشان اختي ما فيني اهروب .. اختي !! .. محمد !!
طلعت موبايلي من الشنته متل المجنونه واتصلت فوراً على هيفاء ما ردت .. اتصلت على الأرضي و ردت امها
مرام : الو .. الو خالة ؟
ام هيفاء : اهلين بنتي اهلين
مرام : هيفاء وينا ؟ ليش ما عم ترد شبها ؟
ام هيفاء : والله هلأ فاتت تاخود دش .. صحيت متأخرة من النوم
مرام : طيب خالة وينو محمد معك ؟
ام هيفاء : اي معي .. لحظة ليكا هيفاء طلعت خدي احكي معا
مرام : اي اي اعطيني
حكيت مع هيفاء و طلبت منها تطلع هي وامها من البيت ويروحو بقعدو عند حدا بقربلهن ويديرو بالهن على محمد
خافت علي كتير وحاولت تفهم شو صاير بس ما كان معي وقت خبرها .. قلتلها تاخود محمد وتدير بالها عليه وما تخاف علي ..
كنت حاسه الأحسن لمحمد انو يكون بعيد عني .. ازا رح يكون معي رح يكون بخطر
وانا عم احكي مع هيفاء سمعت صوت موبايل عم يرن بالسيارة ..
تطلعت حوالي ودورت على الصوت .. لقيت موبايل ليث موجود تحت رجلي .. سكرت الخط بوش هيفاء و تطلعت بالشاشه لقيتو رقم غريب ..
ضليت عم اتفرج عليه هو ويدق .. وقلبي عم يدق معو
فصل الخط ... ورجع رن فوراً نفس الرقم ..
فتحت الخط وحطيتو على أدني
مرام : الو ؟
ليث : انتي منيحه ؟
طيت ايدي على تمي وصرت ابكي وهز براسي انو ايه
ليث : لك ليش عم تبكي
مرام : فكرتك متت
ليث : هههههههههههه
مرام : لا تضحك لا تضحك انا خايفه ليث
ليث : وين صرتي ؟
مرام : انا .. انا
تطلعت حوالي وما عرفت حالي وين
مرام : لك انا ما بعرف ويني
ليث : يا لطيف شو جبانه .. لك مو على اساس بدك تكشفي العصابة و بدك تعاقبيهن شايفك جبنتي
مرام : ما جبنت بس فكرتو رح يقتلني و يقول للعالم انو انا انتحرت ما بدي الناس يفكروني انتحرت
ليث : طيب ليكي .. شفتي المكان الي كنتي نايمة فيه امبارح ؟ روحي لاقيني هنيك
مرام : شو ؟ .. انو مكان ؟
ليث : المكتبة الي تخبيتي فيها امبارح
مرام : انت شو عرفك؟
ليث : نشفتي ريقي وانا عم الحقك امبارح .. ما اطمنت لما رحتي .. ولحقتك وضليت ناطرك تطلعي وما كنتي تطلعي ..
مرام : انت الي بالليل كنت عند الباب ؟
ليث : اي انا .. لاقيني هناك يلا
مرام : ماشي بس رح روح جيب محمد خايفه عليه كتير
ليث : ليش وين تركتيه ؟
مرام : مع هيفاء وامها و خليتهن يروحو على بيت تاني لان اكيد الخفافيش بيعرفو بيتها
ليث : خلص ممتاز ... ما تتصرفي بشي خلي محمد معهن .. أمان عليه اكتر خليه بعيد عنك هلأ لان صارو بيعرفو انو الأوراق معك
مرام : وانت خليك بعيد عني لكن .. مانك مجبور تفوت بهي مصيبه
ليث : لا خلص انا معك عالموت .. بشوفك يلا سلام
حسيت بالراحة شوي .. اخدت الأوراق من السيارة و نزلت و دورت على تكسي تاخدني على المحل لان ما بدي اعمل حادث وموت ويرتاحو مني بهي البساطه ..
بس وصلت لهنيك كان ليث واقف قدام المحل وتيابو وشعرو مبهدل .. ركضت لعندو وصرت ابكي واعتذر منو
ليث : خلص انقضت على خير
مرام : كيف خلصت منو ؟
ليث : لك شغلتو صغيرة ما لقي معي كف واحد
رفعت حواجبي باستغراب : اها منيح
حك راسو وابتسم : يلا نفوت نتخبى
مرام : وين نفوت ؟ ازا بشوفك عم عبد الحليم معي بقلعنا التنين .. خليك هون ا
نت رح استأذنو نام بال
BY عالم القصص والروايات 📚
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/ahgeel/4087