group-telegram.com/ahgeel/4127
Last Update:
#قصص1وروايات1وحكايات
*لعبة_القدر ⚡️*
الكاتب_يوسف_يحيى
البارت_العشرين_والاخير
بعد سبع سنوات
شهلاء جابت بنات ثنين
سمتهن غزل وعسل
وجيداء : هم اجاها توم ولد سمتهم
مهند وفهد
وشيلاء جابت بنية سمتهة رواء
...........
شيلاء : الصبح كعدت بدلت وتريكت وديت شهاب لمدرستة
وخلص دوامي رجعت دا اخذة من المدرسة بالعادة اني يومية اجي بالوقت المناسب بس اليوم تأخرت شوية
اجيت ادور ماكو اصيح شهاب شهاب ماكو
كلت خاف بعدة بالمدرسة مضيع شي او بالتواليت ماكو
اني تهسترت كمت اصيح واعيط وكلبت المدرسة كلب
خابرت احمد واجة كلب الدنيا
بعدين اتذكرت صديقة دائما يطلعون سوة والى ان اجي اني يلة يعوفة ويروح
اخذت عنوانة من الادارة ورحت لبيتهم كتلة ما شفت شهاب اليوم كال ايي شفتة بس بالطلعة وكعت اقلامي بالكاع وضليت المهم وهو طلع قبلي
اوووف يا ربي
وبقينا ندور ونسأل للصبح
بالفترة الي صارت كل هذي الاحداث السعيدة
اكو شخص طلع من المستشفى (الشماعية) ايي كمال
وفليحة ومديحة هم طلعو وبدو يخططون
حتى ينتقمون وقررو انو يخطفون شهاب ويطلبون مبلغ طائل حتة يرجعونة
ثاني يوم الظهر اتصلو وطلبو مبلغ مليون دولار
طبعا ابو احمد راسا وافق وراح ديسحب المبلغ من المصرف
بهل اثناء اتصل رامي اذا تذكرو الي باك الذهب ودفع خالة شيلاء عالدرج وماتت
وسندس كالت انو ديتعالج
هو اتخطة الحالة الي صارتلة بفضل العلاج . وعرف بخطتة امة الخبيثة لان جانت مديحة تثق بي
نرجع للمكالمة الهاتفية
رامي : الو شيلاء اني رامي
شيلاء : شتريد يالحرامي يالنذل
رامي : اني جاي اريد اصلح غلطتي
شيلاء سدت التلفون بوجهة
وضل يدك يدك
اخير شي جاوبتة جيداء
كللها : الي خطفو شهاب امي وخالتي وكمال وهو هسة بيتنا حابسينة بالحمام الفوك
جيداء : عزة بعيني
ولج شيلاء ابنج بيت عمتج مديحة وحابسينة بالحمام الفوك . جاوبت رامي وهيج كلي
شيلاء : يمة وليدي خلي اخابر احمد
طبعا احمد خابر على جماعتة الضباط واخذ ويا دورية وراحو
طبو لكو فليحة كاعدة هي وكمال ومديحة جانت دتكلي كبة ههههه
اول ما طبو فليحة ركضت على مديحة وانطش الدهن عليهن ثنينهن 😂
طب احمد ركض وصعد فوك كسر الباب ولكة ابنة ديبجي وشبكة وشالة واخذة
بهل اثناء اخذو كمال ومديحة وفليحة ولح يبقون خايسين بالسجن
.............
رجع احمد شهاب لشيلاء وحظنتة وكامت تبجي
وثاني يوم ذبحو 3 طليان وزعوهن على سلامة شهاب
............
وبعد مرور السنوات
امتلة البيت جهال
وطبعا هو بيتهم جبير كلش الف متر
800 بناء والباقي كراج وحديقة وحوض سباحة
وهو بلاحرى مو بيت يعني نكدر نكول فلة لان ابوهم رجل اعمال وعندة عقارات هواي ومن ضمنهن فندق بتركيا
............
شيلاء عاشت مرتاحة وية احمد وفرحانة وصار عدهم 3 ولد وبنية
شهاب ورواء ويوسف ويونس
وكظو حياتهم كلها لعب 😉🙄
............
شهلاء ومحمد : بقو عايشين بحب وبقو حبجية حتة بعد الزواج في ما لا شك فيه اربع وعشرين ساعة كاضيها غزل وسوالف
وصار عدهم 3 بنات ولد
غزل وعسل وكرار وازل
................
نجي عالفايخين
جيداء ومحمود : راهمين لبعضهم ويتشابهون بهواي اشياء حياتهم مثل حياة الامراء اهم شي برستيجهم
وصار عدهم ولد ثنين وبنات ثنين
مهند وفهد وايلاف وشهد
.............
شيلاء : بيوم وليلة انكلبت حياتي كلب وبيوم وليلة تغير حالي للاسوء وبيوم وليلة رجعت مثل ما جنت واحسن ولكيت عائلة من ذهب
الحمد لله يا ربي انك جمعتني اني واختي بيت واحد وقسمتلي شخص يحبني واحبة
وارحم يا رب الاشخاص الي تحت التراب الي صارو بعيدين عنة بس بقو بكلوبنة يارب انزل السكينة والرحمة في قبورهم واجعلهم روضة من رياض الجنة
........
اجة الصيف ورحنا لتركيا صيفنا وتونسنا وغيرنا جو ولعبت جهال بنفس الحديقة الي تعرفنا بيها ومرجحتهم بنفس المرجوحة الي مرجحت بيها الطفلة وبالصدفة جان اكو بنية شكرة وحلوة جتي علية ماعرف شنو كالت صحت لاحمد حتة يجي يكلي شنو تكول
طلعت تكولي انو اني علمتها تتمرجح قبل اكثر من 10 سنين وهسة هي عمرها 17 سنة ولح تعلم جهالي شلون يتمرجحون هههههه
..................النهاية ...............
صاحبة القصة : بيداء
الكاتب : يوسف يحيى
العبرة من قصة لعبة القدر
انو احنا بدنيا دوارة ومو شرط يكون يوم الك ويوم عليك ويجوز يومين عليك ويوم الك
شيلاء بيوم وليلة صارت بدون اهل بدون عائلة وهي بنية ولازم تتحمل مسولية اختها وماعدها اي سند بهاي الحياة كأنها غزال ومحاطة بالذيابة
شيلاء جان سندها ايمانها برب العالمين
وصبرت وما جزعت فلذلك رب العالمين عوضها وجازاها على صبرها
ما جانت حتة تحلم بهيج عائلة يجوز لو جانو اهلها عايشين مجان التقت باحمد ولا صار كل الي صار
الحياة قريبة الى حد ما من الرياضيات
بالرياضيات السالب في السالب موجب
وكذلك بالحياة صبر وتحمل لح يكون الناج الفرج
هاي القصة نكدر نختصرها بمثل الي هو 'ماضاكت
BY عالم القصص والروايات 📚
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/ahgeel/4127