Dr. Ahmed Abdelghany Khalifa

أيًا كانت كلية الطب اللي جتلك ، ارضَ باختيار ربنا ليك ، ده بقا مكانك اللي هتقضي فيه سبع سنين من حياتك، أفضل فترة هتعدي عليك ..بلاش ترهق نفسك وتبدأ مشوار الطب بالمقارنات والندم وكثرة التفكير ،

هعيد الكلام اللي ذكرته قبل كده وهأكد عليه :  كليات الطب فى مصر كلها واحد ما عدا بعض المظاهر اللي ملهاش لازمة .. الشهادات كلها واحدة والشاطر اللي يطلع بتقدير كويس قدر استطاعته وهو محافظ علي سلامه النفسي وصحته الجسدية ..

الصحبة هي كل حاجة في كلية الطب وعليها مدار النجاح والفشل بعد توفيق الله لك، لو انت قريب من الكلية وسفرك قصير بلاش تأجر وترهق نفسك بأكل وتنضيف وغسيل ومشاكل في السكن مع أصحابك علي حاجات هايفة ، مذاكرتك ووجودك في البيت وسط أهلك هيوفر عليك كتير،
ولو انت مشوارك بعيد واضطريت تأجر شقة حاول تأجر مع ناس أكبر منك بلاش زمايلك ، ولو أجرت مع زمايلك اختار صحبة كويسة ، ولو أجرت مع زمايلك أو ناس أكبر منك ولقيت الصحبة في السكن مش أحسن حاجة إخلع بسرعة وشوف سكن مختلف بدون تفكير ..

محاضراتك اقرأها أول بأول ..مجرد قراءة ..قراءة بس .. متأجلش المحاضرات لغاية ما تتراكم عليك ...مش بقلك احفظها بس على الأقل إقرأها وترجم اللي مش فاهمه ..

سماع الأساتذة لا غنى عنه ... فيه أساتذة كبار معظم الطلبة في كليات الطب بيسمعوا ليهم وأجمعوا عليهم وهم الـ Top في شرح مواد الطب ...
اعتني بحضور المحاضرات قدر استطاعتك وشوف الدكاترة بتنبه علي إيه فى الأجزاء المهمة ..ولو فاتك الحضور اسمع الريكوردات ..

دراسة الطب ينطبق عليها المثل المصري الشعبي " اربط الحمار مطرح ما يحب صحبه" ..الدكتور اللي بيحب محاضراته يبقي ذاكر منها ..
الدكتور اللي بيحب الكتاب يبقي ذاكر منه ...
الدكتور اللي بيحب المرجع الأجنبي الفلاني يبقي لخص منه وذاكر منه .

حاول تساعد زمايلك قدر استطاعتك خصوصا لو انت بقيت شاطر وبتعمل تلخيصات أو فهمت أجزاء صعبة من مصادر زمايلك ميعرفوهاش ، ده هيثبت المعلومة عندك وربنا هيبارك ليك في مذاكرتك ومجهودك ومش هينقص من درجاتك درجة واحدة .. وافتكر دايما المقولة الصادقة والمجربة " زكاة العلم نشره" ...

الاختلاط في الكلية والجامعة مهلك نفسيا وهيسحبك لدائرة من الفساد أنت في غني عنها ..فقلل تعاملك مع الجنس الآخر قدر استطاعتك وخليها للضرورة ...
الشيطان هيختلق ليك حجج للاختلاط وهيغويك فاستعذ بالله من شره وحاوط نفسك بصحبة صالحة تعينك ...


تقديرك والتراكمي بتاعك مهمين ..وده اللي هيترتب عليه تخصصك والمكان اللي هتشتغل فيه ...تقدير كويس = تخصص بتحبه + مكان محترم تشتغل فيه

د. أحمد عبد الغني خليفة

#نصائح

❤145👍10🔥4😢4👏1

www.group-telegram.com/us/drahmedabdalghany.com/12119

8.52K viewsDerma-Andro, edited  Aug 27 at 20:39

أيًا كانت كلية الطب اللي جتلك ، ارضَ باختيار ربنا ليك ، ده بقا مكانك اللي هتقضي فيه سبع سنين من حياتك، أفضل فترة هتعدي عليك ..بلاش ترهق نفسك وتبدأ مشوار الطب بالمقارنات والندم وكثرة التفكير ،

هعيد الكلام اللي ذكرته قبل كده وهأكد عليه :  كليات الطب فى مصر كلها واحد ما عدا بعض المظاهر اللي ملهاش لازمة .. الشهادات كلها واحدة والشاطر اللي يطلع بتقدير كويس قدر استطاعته وهو محافظ علي سلامه النفسي وصحته الجسدية ..

الصحبة هي كل حاجة في كلية الطب وعليها مدار النجاح والفشل بعد توفيق الله لك، لو انت قريب من الكلية وسفرك قصير بلاش تأجر وترهق نفسك بأكل وتنضيف وغسيل ومشاكل في السكن مع أصحابك علي حاجات هايفة ، مذاكرتك ووجودك في البيت وسط أهلك هيوفر عليك كتير،
ولو انت مشوارك بعيد واضطريت تأجر شقة حاول تأجر مع ناس أكبر منك بلاش زمايلك ، ولو أجرت مع زمايلك اختار صحبة كويسة ، ولو أجرت مع زمايلك أو ناس أكبر منك ولقيت الصحبة في السكن مش أحسن حاجة إخلع بسرعة وشوف سكن مختلف بدون تفكير ..

محاضراتك اقرأها أول بأول ..مجرد قراءة ..قراءة بس .. متأجلش المحاضرات لغاية ما تتراكم عليك ...مش بقلك احفظها بس على الأقل إقرأها وترجم اللي مش فاهمه ..

سماع الأساتذة لا غنى عنه ... فيه أساتذة كبار معظم الطلبة في كليات الطب بيسمعوا ليهم وأجمعوا عليهم وهم الـ Top في شرح مواد الطب ...
اعتني بحضور المحاضرات قدر استطاعتك وشوف الدكاترة بتنبه علي إيه فى الأجزاء المهمة ..ولو فاتك الحضور اسمع الريكوردات ..

دراسة الطب ينطبق عليها المثل المصري الشعبي " اربط الحمار مطرح ما يحب صحبه" ..الدكتور اللي بيحب محاضراته يبقي ذاكر منها ..
الدكتور اللي بيحب الكتاب يبقي ذاكر منه ...
الدكتور اللي بيحب المرجع الأجنبي الفلاني يبقي لخص منه وذاكر منه .

حاول تساعد زمايلك قدر استطاعتك خصوصا لو انت بقيت شاطر وبتعمل تلخيصات أو فهمت أجزاء صعبة من مصادر زمايلك ميعرفوهاش ، ده هيثبت المعلومة عندك وربنا هيبارك ليك في مذاكرتك ومجهودك ومش هينقص من درجاتك درجة واحدة .. وافتكر دايما المقولة الصادقة والمجربة " زكاة العلم نشره" ...

الاختلاط في الكلية والجامعة مهلك نفسيا وهيسحبك لدائرة من الفساد أنت في غني عنها ..فقلل تعاملك مع الجنس الآخر قدر استطاعتك وخليها للضرورة ...
الشيطان هيختلق ليك حجج للاختلاط وهيغويك فاستعذ بالله من شره وحاوط نفسك بصحبة صالحة تعينك ...


تقديرك والتراكمي بتاعك مهمين ..وده اللي هيترتب عليه تخصصك والمكان اللي هتشتغل فيه ...تقدير كويس = تخصص بتحبه + مكان محترم تشتغل فيه

د. أحمد عبد الغني خليفة

#نصائح

BY Dr. Ahmed Abdelghany Khalifa