احتيملات نيوز SYRIA 🇸🇾

رسالة لثوار الريف الشمالي الحلبي اللي وصلوا للسلطة:

المكان اللي تعيّنت فيه بسوريا… واجبك تخدمه وتنجز مهامك فيه، لأنو هاد تكليف مو تشريف.
بس إيّاك… إيّاك تنسى أهلك وبلدك اللي منها طلعت، واللي فيها ترعرعت، واللي منها انطلقت الثورة.

لا تنسى رفقاتك الشهداء… لا تنسى ذويهم اللي مدنهم مدمرة ولسّا عايشين بخيم.
لا تبرر تقصيرك بحق أهلك بحجة إنك “عم تخدم بمكان تاني” وإنك “متقن شغلك”…
لأنو اللي ما فيه خير لأهله… ما فيه خير للغير!

نعم… سوريا كلها أهلنا.
بس أهلنا بالريف الشمالي الحلبي هنن خط الدفاع الأول عن الثورة، والحاضن الأول لكل ثوار سوريا، وبدونهم ما كنت اليوم بمكانك.

اضغطوا على الحكومة، على كل مسؤول، على كل وزير… حتى يجيبوا الخدمات الأساسية، لكل بلدة وقرية، حتى يبنوا البنى التحتية المدمرة، حتى يوفّروا خدمات للناس اللي رجعت عبيوتها المهدمة رغم القهر والحرمان، وفقدان ادنى مقومات الحياة.

وإذا فكرت إنك رح تنجح بمكان ما وتنسى مسقط راسك… اعرف إنك فاشل، ومافيك خير.

تذكروا مصطفى التاجر… تذكروا عمر حميدي… وغيرهم من مسؤولين النظام البائد:
تسلقوا عالسلطة… تاجروا بأهلهم… ظلموهم… بنوا امبراطوريات من دموع الفقراء… وبالأخير سقطوا سقوط مذل مع نظامهم الفاسد.

الثورة ما طلعت لتجيب وجوه جديدة بنفس عقلية النظام الساقط!
الثورة طلعت لكرامة الشعب وحقوقه… واللي بينسى فضل أهله ودم الشهداء… ما بيمثل غير نفسه، ورح يسقط ولو امتلك كل مقومات البقاء والقوة.

عبد الجبار اوسو ابو ثابت 🖊️

لمتابعة احتيملات نيوز اضغط على الرابط
https://www.group-telegram.com/us/ehtemlat2.com
#احتيملات_نيوز
@ehtemlat2

❤105👍22😁3

www.group-telegram.com/us/ehtemlat2.com/57809

21.6K viewsAug 23 at 16:20

رسالة لثوار الريف الشمالي الحلبي اللي وصلوا للسلطة:

المكان اللي تعيّنت فيه بسوريا… واجبك تخدمه وتنجز مهامك فيه، لأنو هاد تكليف مو تشريف.
بس إيّاك… إيّاك تنسى أهلك وبلدك اللي منها طلعت، واللي فيها ترعرعت، واللي منها انطلقت الثورة.

لا تنسى رفقاتك الشهداء… لا تنسى ذويهم اللي مدنهم مدمرة ولسّا عايشين بخيم.
لا تبرر تقصيرك بحق أهلك بحجة إنك “عم تخدم بمكان تاني” وإنك “متقن شغلك”…
لأنو اللي ما فيه خير لأهله… ما فيه خير للغير!

نعم… سوريا كلها أهلنا.
بس أهلنا بالريف الشمالي الحلبي هنن خط الدفاع الأول عن الثورة، والحاضن الأول لكل ثوار سوريا، وبدونهم ما كنت اليوم بمكانك.

اضغطوا على الحكومة، على كل مسؤول، على كل وزير… حتى يجيبوا الخدمات الأساسية، لكل بلدة وقرية، حتى يبنوا البنى التحتية المدمرة، حتى يوفّروا خدمات للناس اللي رجعت عبيوتها المهدمة رغم القهر والحرمان، وفقدان ادنى مقومات الحياة.

وإذا فكرت إنك رح تنجح بمكان ما وتنسى مسقط راسك… اعرف إنك فاشل، ومافيك خير.

تذكروا مصطفى التاجر… تذكروا عمر حميدي… وغيرهم من مسؤولين النظام البائد:
تسلقوا عالسلطة… تاجروا بأهلهم… ظلموهم… بنوا امبراطوريات من دموع الفقراء… وبالأخير سقطوا سقوط مذل مع نظامهم الفاسد.

الثورة ما طلعت لتجيب وجوه جديدة بنفس عقلية النظام الساقط!
الثورة طلعت لكرامة الشعب وحقوقه… واللي بينسى فضل أهله ودم الشهداء… ما بيمثل غير نفسه، ورح يسقط ولو امتلك كل مقومات البقاء والقوة.

عبد الجبار اوسو ابو ثابت 🖊️

لمتابعة احتيملات نيوز اضغط على الرابط
https://www.group-telegram.com/us/ehtemlat2.com
#احتيملات_نيوز
@ehtemlat2

BY احتيملات نيوز SYRIA 🇸🇾