мапу метро я стараюся проста не ўспрымаць, бо яна прыгожая, канешне, але я ўсё адно не гатовы чытаць гэтую мову. жэст для адчыненьня дзьвярэй таксама не каментую

гэта храм джэдаяў (напэўна, я не падрыхтаваўся і нічога ня ведаю пра горад) і натоўп кітайскіх турыстаў, што сеў разам са мной на вадзяны аўтобус. іх тут няшмат, канешне. ходзяць невялікімі групкамі па 1.5 мільёны чалавек

пакуль пісаў усё гэта, даплыў да рандомнай станцыі (я перавёў гугл мапы ў рэжым бязьдзейнасьці)

канешне жа, я зайшоў у Меку ўсіх багацеяў: краму Лего. наборы часам зьдзіўляюць. кошты таксама

метро тут цалкам аўтаматычнае, сьпераду – толькі шэрае вакно зь відам на тунэль. гер Цягнік сам прыязджае 💪

пасьля я залез на Рундэтарн – літаральна "Круглую вежу". названая яна так таму, што круглая. на відэа прыблізна 1/7 маршрута наверх. ну а від прыгожы, канешне

сёньня жа я пазнаёміўся з рэперам Lil Дождж. з парасонам і бяз камеры шпацыраваць не так цікава, але горад змог мяне зьдзівіць шатландскімі футбольнымі фанатамі. крыкнуў ім "in me defens", пачуў п'яное "Gah me defen"

пасьля сустрэўся з добрай сяброўкай, зь якой ня бачыліся 5 год. вырашылі пабыць папсовымі турыстамі і ўзяць экскурсію па каналах. паздымаў нейкі вайсковы карабель, які, здаецца нельга было здымаць. даведаўся, што храм джэдаяў – гэта ашалець якія люксавыя апартаменты з уласнымі прычаламі для яхтаў 😭

насамрэч мяне жах як калбасіць з гэтай карабельна-марской тэмы

– а вось гэтыя пафасныя драўляныя ветразевыя яхты?
– м?
– яны таксама экскурсійныя, ці...
– не
– ...што?
– гэта асабістыя, людзі ў іх нават прапіску робяць. у сэнсе на прычалах