📄📄📄📄📄📄 Чуукаарга отчуокка 85, тус көрсүһүүгэ 3 киһи сырытта. Оробуочай бөлөххө элбэх ыйытыы киирдэ. ▪️Тарированнай бензин тоҕо кэлбэт буолбутун ыйыталлар. Эрдэ ыраах сытар нэһилиэктэргэ Чуукаарга уонна Хорулаҕа кэлэр этэ. Бүлүүгэ станция баарын сабан, билигин Дьокуускайтан айан сыанатын уйунан туран аҕалыахха сөп эбит, ол, биллэн турар, тыа дьонугар улахан харчы. Манна улуус дьаһалтата үлэлэһэн, Ньурбаҕа диэри аҕалтарарга сүбэлэспит.
▪️Олохтоохтор ханна да буоларын курдук уматык сыанатын ыйыталлар, тоҕо баһа суох үрдүү турарын. Манна Артем Александров бу коммерческай хайысха буоларынан сибээстээн Бырабыыталыстыбаттан тутулуга суох диэтэ. Переработкалыыр тэрилтэ саха сиригэр суоҕунан сибээстээн атын сиртэн кэлэригэр сыананы тустаах тэрилтэлэр быһаллар диэн эппиэттээтэ.
▪️Чуукаардар оскуолаларын тутуутун ыйыталлар. Улуус бюджетын суотугар тутуу ыытыллыаҕа, 2026 сылга үлэҕэ киириэ диэн эрэннэрдилэр.
▪️Аэропорт тутуута сөргүтүллэн, 2026-2028 сс. түмүктэниэхтээх диэтилэр. Саха сириттэн 4 аэропорт программаҕа киирбититтэн биирэ Ньурба.
▪️Чечня сэриитин кыттыылааҕа олорор усулуобуйаны тупсарыыга уочаракка турбут эбит, ханна тиийбитин билиэххэ сөп дуо диэн ыйытыы киирдэ. Социальнай тэрилтэ эппиэттээх үлэһиттэрэ миэстэтигэр тута уочаратын көрөн быһааран биэрдилэр.
▪️Совхоз эстибитин кэннэ билигин бытарыйан баран төттөрү түмүллэр биир суол баар - кооперация эрэ диэн Артем Александров эттэ. Билигин таһаарыылаахтык үлэлии олорор "Саха сүөһүтэ" генофонда, "Туймаада Агрохолдинг" тэрилтэлэрин холобур аҕалла. Хамнастаах үлэһиттэрдээх, саҥалыы көрүүлээх үлэлиир тэрилтэлэр диэн эттэ.
▪️Маны таһынан
-Аҕа дойду сэриитин кэмигэр сураҕа суох сүппүттэр статустарын "Погиб за Родину, мести гибели неизвестно" диэн уларытарга;
-өртөөһүн;
-Интернет төлөбүрэ;
-сири оҥоруу ыйытыылара киирэн хоруйданнылар.
✍🏻 Лена Петрова@gazetanyurba @ulusmedia 
