Kichik hajmli bolalar uylari faoliyati kengaymoqda🧠 Toshkent viloyatining Qibray tumanida yana bir yangi kichik hajmli bolalar uyi faoliyat boshladi. Ushbu loyihalar Ijtimoiy himoya milliy agentligi tashabbusi bilan amalga oshirilmoqda.
👫 Kichik hajmli bolalar uylari mahallalarning o‘zida joylashtirilgan bo‘lib, oila muhitida tashkil etilgan. Har bir uyda 9-10 nafar bola yashaydi. Ularga tarbiyachi, psixolog va ijtimoiy xodimlar birga bo‘lib, bolalarning tarbiyasi, ta’limi va ruhiy holati bilan muntazam shug‘ullanadi.
🏃 Bolalar nafaqat uy ichida, balki mahalla hayotida ham faol ishtirok etadi. Ular qo‘ni-qo‘shnichilik, to‘y va hashar kabi tadbirlarga qatnashadi, bu esa ularning jamiyatga qo'shilishiga va boshqalar bilan muloqot qilish ko‘nikmalarini shakllantiradi. Bu orqali ular milliy qadriyatlar, odob-axloq me’yorlari va insoniylik tamoyillarini o‘rganib boradi.
✅ Shuningdek, kichik hajmli bolalar uylari bolalarga mustaqil fikrlash va qaror qabul qilish va kelajak hayotga tayyorlanish imkonini beradi.
🇺🇿 Hozirda O‘zbekiston bo‘yicha jami 12 ta kichik hajmli bolalar uyi faoliyat yuritmoqda:
Qoraqalpog‘iston Respublikasi – 1 ta;
Andijon viloyati – 1 ta;
Samarqand viloyati – 2 ta;
Qashqadaryo viloyati – 2 ta;
Toshkent viloyati – 1 ta;
Toshkent shahri – 5 ta;
🖋 Bu uylarda jami 100 nafarga yaqin bola tarbiyalanmoqda. Ularning ichida 60 nafar bola jismoniy yoki ruhiy rivojlanishida muammolarga ega, ya’ni nogironligi bo‘lgan bolalar hisoblanadi.
💚Barcha bolalarga individual yondashuv asosida parvarish va tarbiya ko‘rsatilmoqda.
📝 telegram 💻 instagram
📝 facebook 🐧 xcom
🎞 youtube 🎖 ihma.uz 
