#investitsiya #grant
#Xalqaro_hamkorlik

Joriy yilning 27-28-may kunlari Innovatsion rivojlanish agentligi va AQSh Savdo vazirligining Savdo huquqini rivojlantirish dasturi (CLDP) hamkorligida “Oʻzbekistonda texnologiyalari transferi ixtirolarini baholash” mavzusidagi ikki kunlik seminar tashkil etildi.

Seminarda 13 ta tashkilot va oliy taʼlim muassasalarining intellektual mulk, texnologiyalar transfer va tijoratlashtirish sohasiga masʼul xodimlardan iborat jami 50 nafarga yaqin vakillar ishtirok etishdi.

Tadbir davomida hukumat, ilmiy doiralar va xususiy sektor vakillari uchun intellektual mulkka asoslangan texnologiyalarni transfer qilish jarayoni, patent olish jarayoni hamda texnologiyalar transferi ofisining roli boʻyicha AQSh tajribasi yuzasidan maʼlumotlar va tavsiyalar berildi.

Batafsil

Rasmiy sahifalarimiz⬇️

🔍 Web-site 📷 Instagram 💬 Facebook 📹 YouTube

#tashrif
#tarmoq_korxonalari

Joriy yilning 29-may kuni Innovatsion rivojlanish agentligi direktori Sharof Rajabbayev Milliy texnologik tadqiqotlar universiteti “MISiS”ning Olmaliq shahridagi filialiga tashrif buyurdi.

Tashrif davomida mazkur muassasa tomonidan ilmiy-tadqiqotlar tashkil etilishi, soha korxonalari muammolari yechimiga ishlab chiqilgan loyiha takliflari, ishlab chiqarish va ilm-fan integratsiyasi boʻyicha tashkil etilgan ilmiy tadqiqotlar hamda yaratilgan innovatsiyalar bilan yaqindan tanishib chiqildi.

Shuningdek, “Olmaliq kon-metallurgiya kombinati” AJning Mis eritish zavodi oqava suvlarini qayta ishlash natijasida hosil boʻladigan shlamlardan foydali komponentlar ajratib olish texnologik jarayonlari boʻyicha amalga oshirilayotgan ishlar va takliflar muhokama qilindi.

Rasmiy sahifalarimiz⬇️

🔍 Web-site 📷 Instagram 💬 Facebook 📹 YouTube