"وەک پیاوێک ئەم کارانە بکە، دوای(هەفتەیەک/مانگێک/ساڵێک) گۆڕانکاری گەورەت تێدا ڕوودەدات و نزیک دەبیتەوە لەباشترین نوسخەی(پرایمی) خۆت:

-ڕۆژانە وەرزشێک بکە (بەدڵی خۆت)، ئەمە ڕێژەی ماسولکە بەڕاستەوخۆ و عەقڵ بە ناڕاستەوخۆ تێتدا بەرز ئەکاتەوە، (گەر قاعە بێت لەهەمووی باشترە بۆت)

-(بوارێک/پسپۆڕییەک) دیاری بکە کە ڕۆژانە 2 سەعات لانی کەم خەریکی دەبیت بە تەرکیزی لەیزەری دوور لە پەرتکەرەکان

-کتێب و پۆدکاستی کەسانی پسپۆڕ تەماشا بکە لەو بوارانەی بەراستەوخۆ کاریگەریان لەسەر ژیانت ئەبێت، وەک بواری ئابوری(پارە)، بواری دەروونی

-تێکەڵاوی کەسانی تێکەڵ و کۆمەڵایەتی بکە و فێربە چۆن کارامییە نەرمەکانی پەیوەندی ئەنجام ئەدرێت(زانینی هونەری مامەمەڵە و قسە بەنرخترین دراوی ئیمڕۆیە)

-با لەسەفی جەماعەت مەلائیکەی کیرام ناویان نوسی تۆی تێدا بیت، ناشرینە لەدونیا لە پێشەوەی هەمووان بیت و لە دینەکەت لەدواوە، ناکرێ پیاوی ڕاستەقینە لە سەفی جەماعەت نەدۆزرێتەوە


پیرۆزە، بەردەوام بە لەسەر ئەمە دوای(مانگێک/ساڵێک) ئیتر خۆت ناتوانی وازبێنیت لەو کارە بەسوودانە بۆ خۆت، لەکۆتایی سوودەکەشی بەر خەڵکی دەکەوێت."

"قەناعەتم وایە بە پێ ڕۆشتن بۆ نوێژی جەماعەت لە پێنج کاتە گەردوونیەکە(بەیانی....ئێوارە..)، لە گەورەترین جۆرەکانی (therapist)ی دەروونییە(چارەسەرکاری دەروونی)

ئینسان پێویستی بەوەیە دەستی نەرمی خۆر و مانگی بەر بکەوێت بەدرێژایی شەو و ڕۆژ، خۆر و مانگ ئایەتێکن لە گەورەترین ئایەتەکانی خوای موتەعال

نزیکترین ڕێگاش بۆ تێکدانی دەروون و نەفسیەت دادانەوەی پەردەی ژوور و ماڵە و جیا بوونەوەیە لە ژیان(زەوی)، بەوەی بەڕۆژ ماڵ تاریک بێت بە پەردە و شەو ڕووناک بێت بە گڵۆپ..!!

لەماڵەوە من گڵۆپ بەکارناهێنم، تەنها ڕێگە ئەدەم پەنجەرەکە بەردەوام بێ پەردە بێت تا سەعاتی بایۆلۆجیم بزانێت شەوە یان ڕۆژ، با شەو تاریک بێت و ڕۆژ ڕووناک(گەرچی قسەیەکی زۆر سادەیە بەس قورسە وەک مرۆڤێکی سروشتی ئەو کارە بکەیت)

خۆت لەزەوی و ژیان، تاریکی و ڕووناکی دامەبڕە، مەگەر بەس دانیشتوانی ئەسکەندەناڤییا بتوانن باسی گرنگی خۆرت بۆ بکەن."

"-گەر ئەتەوێ زانستێک فێر بیت
-گەر ئەتەوێ کێشت (زۆرە/کەمە) باشی بکەیت
-گەر ئیشت نییە و ئیشت دەوێت
-پلانێکت هەیە بۆ ئامانجێک و هێشتا پێی نەگەشتووی

نابێ تۆ لە ئێستایا:

-بەکارهێنەری سۆشیاڵ میدیا بیت و سەیری پۆستی ئەو عالەمە بکەیت کە خۆشیان نازانن بۆ ئەیکەن
-نابێ سەیری شەڕی دوو وڵات بکەیت 100000 کیلۆمەتر لێتەوە دوورن
-نابێ سەیری ئەڵقە و دراما و پۆڕن بکەیت

تەنها ئیش لەسەر ئەو کێشەیەت ئەکەیت کە هەتە بە(monk mode) تاکو چارەی ئەکەیت

غەیری ئەوە بێ مانایی و کات کوشتن و لەناوبردنی ژیانی خۆتە."

-جوڵەی بێدەنگ
-ئارامگری و سەبڕ
-تەرکیزی کامڵ

پاشان ڕاوکردن

کەس ئەمەی فێر نەکردووە، بەڵام جیناتەکانی باوانەکانی لە سنوریاتەکان (felidea) بۆ ماوەتەوە و لە لاشەیا کارا بووە، هەمان میکانیزمی ڕاوی پڵنگە(بەمانایەکی دیکە هەمان جیناتە هاوبەشە لە DNAیاندا)

بەڵام هەموو کەروێشکی دنیا ڕاهێنان پێ بکە ناتوانێت ڕاوێکی غەریزی سروشتی وەک ئەوە بکات، چونکە جیناتەکانی ڕاوی تێدا نییە

ئینسانیش سنوردارە بە جیناتەکانی باوانەکانی بۆی کە دەگوازرێتەوە، تاکە شت کە ئەتوانیت بیکەیت ئەوەیە بگەیتە باشترین نوسخەی خۆت کە جیناتەکەت هەڵی دەگرێت، لەهەنێ بوار جیناتی زۆر تایبەتت پێ ئەدرێ و لەهەنێ بوار ئاسایی، ئەوەی لەسەرتە ئەوەیە بیدۆزەوە چ جیناتێکی تایبەتت تێدایە پاشان بگە پرایمی خۆت لەو بوارە، بەڵام بشزانە گەر کەسێک جیناتی سەروو تۆ بێت+هێندەی تۆ هەوڵ بدات پێی ناگەیتەوە، جیناتی لاشەی تۆ لەوەرزش پێ ناچێت وەک کریس بەمستید(CBUM) و نۆڤاک جۆکۆڤیچ و لیۆنێل مێسی بێت، بەڵام ئەتوانی بگەیتە بەرزترین ئاستی خۆت و جیناتی خۆت گەر ئیشی قورسی لەسەر بکەیت، تێگەشتن لە جینات ئینسان ئەپارێزێ لە وەهمی خۆ بەزلزانین و هەروەها بێ ئومێدی، فێری واقعیەت دەبیت لێیەوە."

گەر حسابێکی ماتماتیکی سادەت بۆ بکەم، حاسڵی مەسئەلەی جینات بەم شێوازەیە:

گریمان با بوارێک هەڵبژێرین= بەرزکردنەوەی قورسایی

۱-تۆ کە لەدایک دەبیت بە جیناتێکەوە لەدایک دەبیت، پرایمت(بەرزترین نوسخەت) 400 کیلۆی پێ بەرز ئەکرێتەوە، بەرامبەرەکەشت 500 کیلۆ

۲-گەر ئیشی قورس بکەیت لەسەر خۆت دەگەیتە 400 کیلۆ، بەڵام بەرامبەرەکەت نەیکات ئەوپەڕی 200 کیلۆ دەکات(لێرەیا ئیشی قورس لە زیرەکی و بەهرە و جینات دەباتەوە)

٣-بەڵام گەر ئەویش وەک تۆ بەقورسی هەمان بڕی هەوڵ بدات، لێرەیا دەسەڵاتت نییە و جینات(بەخششی ڕب العالمین) ئیشی خۆی ئەکات و لە جوهدی تۆدا نییە

هەموو ئەوانەی دەچنە سەر ستەیجی مستەر ئۆڵۆمپییا، باشترین هەوڵیان داوە و باشترین جۆری خۆراک و تەواوکەریان هەیە، بەڵام لەو سنورە بەرزەدا ئیتر هەوڵدان هیچت بۆ ناکات و جیناتەکان یەکەم دیاری ئەکەن

بەڵام هەواڵە خۆشەکە بۆ تۆ ئەوەیە زۆربەی خەڵک ئەوەندە هەوڵ نادەن بگەنە پڕایمی خۆیان، بۆیە با جیناتیشیان لەتۆ بەرزتر بێت، بەهەوڵ ئەتوانی پێشیان بکەویت، بەڵام بۆ پلەی Top، هەوڵدان تا بەردەرگاکەت دەبات و دواتر تەسلیمی جیناتت دەکات.

"بۆیە خۆڵاسەی پەیام و هەموو نوسینەکانی ئەم چەناڵە بۆ خۆشەویستانم ئەوەیە

-یارمەتیت بدەم بگەیتە پرایمی (بەرزترین نوسخەی) خۆت لەدین و دونیاکەت(genetic potential)

-بەڵام قەت وەهمت پێ نافرۆشمەوە و پێت ناڵێم وەحشەکەی ناخت بەڕەڵا بکە و زەوی لە غەزوێکی فەزائی ڕزگار بکە(چونکە تۆ جیناتەکانی پاڵەوانەکانی مارڤڵت تێدا نییە)."

چاوتان ماچ ئەکەم، ڕۆحی منن.

"بیربکەوە نەفسی خۆت لە داهاتوودا ئێستا تەماشای نوسخەکەی ئێستات دەکات

ئایا ڕازییە بەوەی ئێستا دەیکەیت؟
ئایا بە کارەکانت سوود بە خۆتی داهاتوو دەگەیەنیت یان زیان؟

ئایا نەفسی داهاتووت(20ساڵی دیکە)، گەر لەسەر مێزێک لەگەڵت دانیشێت، کە زۆر حەکیم و عاقڵترە لە نوسخەکەی ئێستات، لات وایە چ ئامۆژگاریەکت دەکات و لێت ڕازییە یان نا..؟"

لوتف و ڕەحمەتی خوا سبحانە و تعالی بەسەر بەندەکانییەوە بێ شومار زۆرن

"بەندەی فەقیر لەسەرەتای منداڵی ، لەلایەن هەندێ تاکی خێزانەکەمەوە ئامانجم بۆ دانرابوو کە ببمە شانۆکار یان مۆسیقا ژەن، وە پێش ئەوەی تێ بگەم دنیا چییە خرامە دەورەی مۆسیقا و کەمانچەم درایە دەست، پاشان برامە سەر شانۆ، پاشان کلیپم پێ تۆمار ئەکرا..!!

بەڵام بێ ئەوەی هیچ بزانم دڵم قبوڵی ئەو کارانەی نەدەکرد و ڕام دەکرد لەو خولە هونەرییانە، بە کەمانچەکە گیتارم لێ ئەدا تا مامۆستاکە بێ ئومێد بێت لێم(ابتسامة؛)

پاشان هەر لەو تەمەنە وەسیەتێکی ئیمامی ئەعزەم ئەبوحەنیفەی نوعمانم بینی بۆ تەڵەبەکەی کە وەسیەتی بۆ ئەکرد بە علمی فقه، ئیدی لەسەر زمانی سەرداری فوقەهای کوففە خۆشەویستی ئەو علمە چووە دڵم و بەنهێنی خەریکی بووم، لە کۆرسی مۆسیقاکەوە تا دەرسی فیزیای ئامادەیی و موحازەرەکانی کوردۆلۆجی جامیعە و  کۆبوونەوەکانی ئیش لەدوای جامیعە، بەردەوام نوسخەیەک لە کتێبێکی فقه لە کۆشمدا بوو بەدزی مامۆستاوە موڕاجەعەم ئەکردەوە

ئێستا هاورێکانی منداڵیم ئەبینم لە لایف میوزیک دی جەین، لەکاتێکدا لەهەمان ژینگە گەورە بووین، ئیدی زیاتر تەبەڕا ئەکەم لە حەول و قووەتی خۆم و تێ ئەگەم ئەمەی ئێستا ئەیڵێم و ئەینوسم پاڵفتەی فەزڵی خوایە عز و جل."

"تۆ لەزەمەنێک ئەژیت ژمارەی دانیشتووانی زەوی 8 ملیار کەسە

هیچ (ئامانجێک/کێشەیەک) بوونی نییە کە دەتەوێت پێی بگەیت و چارەی بکەیت ئیلا لانی کەم 100 هەزار کەسی تر پێیدا تێەپەڕیوون

بچۆ تەماشای ڕێگەکەی ئەوان بکە، نەخشەکەیان لێ وەربگرە، لە (دەرسێک/کتێبێک/مەقالەیەک) بۆیان باس کردوویت

تۆ ئەتوانی خۆت بە 5 ساڵ چارەسەری بکەیت، ئەشتوانی بە 5 سەعات ئەزموونی 5 ساڵەکەی کەسێکی تر وەربگریت و پێنج ساڵی تەمەنت بگێڕیتەوە بۆ خۆت، عاقڵ ئەوەیە تەمەنی خۆی لە فەوتان ئەپارێزێت، بەڵام عەبقەری ئەوەیە لەگەڵ پاراستنی تەمەنی خۆی، تەمەنی عوقەلای دیکەی سەر زەوی بۆ خۆی زیاد ئەکات."

ڕزق تەنها پارە نییە

"-بتوانی بخەویت بێ حەب و بێ ئازار، ڕزقە
-فڕۆکەی f35 قەسفت نەکات و سەقفی ماڵتان سەلامەت بێت، ڕزقە
-کتێبی باش و مامۆستای باش، ڕزقە
-قەرەباڵغی بازار و نانەوا و مزگەوت نیشانەی سەلامەتی ئەو شارەیە، ڕزقە
-جل و نان و ئاو، ڕزقە
-لاشەی ساغ و چوونە تەوالێت، ڕزقە
-فکری ڕێک و دەروونی سەلامەت، ڕزقە
-خێزان، ڕزقە

ئەڕزاقی خوای گەورە دەورەی داوین و نوقم بووین تێیدا والحمدللە، بەڵام پێویستە بەئاگاییەوە هەستی پێ بکەین و بیری لێ بکەینەوە، چونکە ئاففەتی نیعمەت ڕاهاتنە لەسەری، ئیدی بیرت ئەچێتەوە کە نیعمەتە..!"

"خۆی نیعمەتەکە ئەوەیە زۆرینەی ماددە خامەکانی سەرکەوتن و بەرهەمداری لەم زەمەنە بەخۆڕایین

-پلەی لیستە باشەکان و یوتوبە دەوڵەمەندەکان بەخۆڕایین(ئەوەندەشیان تێدایە لانی کەم 100+ هێندە لە ئێستای خۆت بەرزترت بکەنەوە)

-زنجیرە وانە پسپۆڕییەکان لەهەموو بوارەکان بەخۆڕایی دانراون تەنها پێویستە پسپۆڕەکان بدۆزیتەوە و پابەند بیت لەگەڵیان

فێربوون هەرگیز وەک ئیمڕۆ ئاسان و بێ باج نەبووە، بەڵام بەو مەرجەی(خۆت پەرت نەکەیت)، بوارێک/زنجیرەیەک دیاری بکە کە پێویستتە، پاشان هەموو سوودەکەی بگوشە و خەتمی بکە

کردت؟

وەرە سەر زنجیرەیەکی دیکە و تەواوی بکە، نازانم بەدیاریکراوی کەی، بەڵام دوای ماوەیەک دڵنیام بەجۆرێک پێ ئەگەیت پێش خۆت هەمووان ئەزانن پێ گەشتوویت."

"مرۆڤ بوونەوەرێکە بێ خوو(ئاڵوودەیی) ناژی، تەنها بابەتەکە ئەوەیە خووەکانی تۆ چین؟

-هەیە ئاڵوودەی سۆشیاڵ میدیایە، هەشە ئاڵوودەی فێربوونی عیلم و زانینە

-هەیە ئاڵوودەی مۆبایل و گۆرانی و پۆڕنە، هەیە ئاڵوودەیی خوێندن و ئیش و کار و خێزانە

لەکۆتایدا تۆ هەر ئەبێ خەریکی شتێک بیت، خووت هەبێت، ڕۆتینت هەبێت، بەڵام فەننەکە ئەوەیە (خووەکەت/ئاڵوودەییەکەت) ئاڕاستە بکەیت بۆ شتە باشەکان."

"کاتێک جوهدێک دەبینی %95ی چاکە واجبە ستایشی بکەیت بەو بڕە، بەڵام کاتێک لە %5ی حەرامە واجبە نەهی لێ بکەیت بەو بڕە

وە خەڵکی دوو گرۆی هەڵەن

۱-یەکەم دەڵێ مادام هەڵەیەک هەیە زەربی سفری بکە

۲-دووەمیش دەڵێ مادام چاکەم هەیە، حەرامم لێ قبوڵ بکە

هەڵە و حەرام ئاساییە موسڵمان بە پێ خلیسکان تێی بکەوێت، بەڵام پێداگیری لەسەر حەرامێک کە معتمدی فەتوای هەر چوار مەزهەبی سەلەفە سەرەڕای ئاگادار کردنەوە ئەوە ئاسایی نییە، وە کێشە لەگەڵ خاوەنەکەی ئەسڵەن ئەوە نییە مۆسیقا دەخاتە سەر بەرنامەی شەرعی، بەڵکو کێشە گەورەترەکە لەوە ئەوەیە، (کامێرامان/شاڕەزای دیزاین،سایەق پاس) پێی ئەڵێی بەمعتمدی فەتوای فوقەها ئەوە حەرامە ئەڵێ نەخێر نەیانزانیوە و نەیانپێکاوە، ترسناکی ئەوەی موهەندیسێک کەئیشی خەریتەی خانوە بڵێ مالک و شافعی و ابوحنیفە و احمد لەدین نازانن و من ئەزانم زۆر گەورەیە، گەورەترە لەخودی مۆسیقا سی چرکەیەکەش، سەرفرازی هەموو جەمعێکی موسڵمانیش ڕێزیانە بۆ گەورەکانی خۆیان لەئەئیمەی فقه و شەرع."

"نیعمەتە جەستەیی و دەروونی و فکریەکانی ڕب العالمین بەسەرمەوە بێ شومار زۆرن، گەر پێم بڵێی کامەی لات وایە بناغەی نیعمەتە فکریەکانتە، ئەڵێم:

-هەرگیز نەموتووە(ڕۆناڵدۆ/مێسی) لەیاری نازانن
-هەرگیز نەموتووە(مۆرینهۆ/گواردیۆلا) مودەڕیب نین
-هەرگیز نەموتووە(ابن جزری/أبو عمري بصري) لەخۆیانەوە قورئان وا دەخوێنن و لە قورئان خوێندنەوە نازانن و تجوید زیادەیە
-هەرگیز نەموتووە(شافعی/مالک) لە شەرع نازانن و شوێن سەلەف ناکەون بەڵام مەلاکەی لای ماڵی خۆمان شوێن سەلەف ئەکەوێ
-هەرگیز نەموتووە با نانەوا فیتەری بکات
-هەرگیز نەموتووە با دکتۆر زەرعات بکات
-قەتیش قبوڵم نەکردووە فەلاح بڵێ دکتۆر نازانێ

گەرچی قسەکان زۆر سادە و ڕوون دەرەکەون، بەڵام لێت ناشارمەوە تا ئێستاش نەمتوانیووە قەناعەت بەزۆرینەی خوێنەوار و عاقڵانی میلەتەکەم بکەم لەسەر ئەو بناغە فکرییە، کە خەڵکی تێ بگەن ڕۆناڵدو باشترە بۆ یاری وەک لە کورە قەڵەوەکەی کۆڵانی خۆمان(ئەوە ئەم هیچ دائیم ئەڵێ من شازی یاریزانم و ڕۆنالدۆش یاری نازانێ)، بەس موسیبەتە چینی خوێنەوار وابێت کە فەزڵی عاممە بدات بەسەر پسپۆڕدا فتأمل."

"هیمەتی من بۆ ئەوە نییە زانیارییت فێربکەم، هیمەتی من بۆ ئەوەیە فێرت بکەم چۆن بیرئەکەیتەوە و چۆن بخوێنیتەوە."

سیدنا الشیخ

قلتُ= گەر خوای گەورە ڕێنوێنیت بکات بۆلای پیاوێک لەگەڵ زانیاری، شێوازی بیرکردنەوە و ڕێکخستی زانیاری وفکرت بداتێ، لە نیعمەتە زۆر مەزنەکانە، چونکە زانیاریەکان بێ شومارن، بەردەوامیش نوێ ئەبنەوە، جا گەر بۆ زانینی هەمووشتێک پێویست بێت کەسێک فێرت بکات قەت ناچیتە ڕیزی حوکەما، بەڵکو دەبێ هیمەتی تۆ بۆ دانانی فکرێکی پتەو و قورس بێت بەقانونی عیلم بۆ خۆت، تاکو مەسەلەیەکت بینی هەرگیز نەتبیستبوو بتوانی وێنای بکەی وەک ئەوەی پێشتر بۆت شەرح کرابێت، ئەمەش لعمري مەرتەبەیەکی باذخي بەرزە، شایستەیە ئینسان هەوڵی بۆ بدات.

"وەستایەکی لەفە دایکی نەخۆش بوو بردیە لای دکتۆر، لە فەحسەکان بینرا وەرەمێک لە ناو مێشکی هەیە و دەیکوژێت

وەستا ناپسپۆڕەکە لە پزیشکی بە دکتۆرەکەی دەووت=[شتەکە زۆر ڕوونە، وەرەمەکە دەربێنە و چاک دەبێتەوە]

دکتۆرەکەش دەیووت نەخێر نایکەم، لێرەیا زاهیرەن قسەکەی وەستا ڕاستە و شوێن دەلیل(فەحسەکە) کەوتووە، هەر فەلاح و موهەندیس و سایەق پاسێکیش کە پسپۆڕی پزیشکی نین پشتی وەستاکە دەگرن

بەڵام دکتۆرەکە لەبەر ئەوەی PHD هەیە و 30+ ساڵە لەو بوارەیە لێی شاراوە نییە وەرەمەکە بکوژە و دەبێت لابدرێت بەڵام لەبەر علەتێکی خاریجی(هۆکارێکی دەرەکی دیکە) ئیش بەوە ناکات وەرەمەکە لابدات، چونکە ئەو وەرەمە بەستراوە بە دەمارێکەوە گەر لاببرێت نەخۆشەکه ڕاستەوخۆ دەمرێت، بۆیە دەڵێ نەشتەرگەری هەڵەیە

ئەمە بریتیە لەجیاوازی بیرکردنەوەی کەسی پسپۆڕ و ناپسپۆڕ لە بابەتەکان، نەزان یەک شت دەبینێت و وادەزانێت هەر ئەوەیە، بەڵام پسپۆڕ هەموو ئەگەرەکان و علەتە خارجیەکان پێکەوە کۆدەکاتەوە پاشان دەگاتە بەرهەمی کۆتایی، جا نەگبەت ئەو کەسەیە بڵێ دکتۆرەکە زێدەڕۆیی ئەکات و لەخۆیەوە شت ورد ئەکاتەوە، وەستای جگەرەکەش دەلیلی پێیە و قسەی ئەو پێش بخات."