group-telegram.com/mitcuz/19216
Create:
Last Update:
Last Update:
O‘zbekiston Prezidenti Shavkat Mirziyoyev IV Toshkent xalqaro investitsiya forumida so‘zlagan nutqi davomida mamlakatimizda “Bir million sun’iy intellekt yetakchilari” global ta’lim tashabbusi yo‘lga qo‘yilishini e’lon qilgan edi.
💻 “Bir million sun’iy intellekt yetakchilari” – Dubay valiahd shahzodasi Shayx Hamdan bin Muhammad bin Rashid Al Maktum tashabbusi bilan tashkil etilgan xalqaro dastur. Loyiha Dubay sun’iy intellekt markazi va Dubay kelajak jamg‘armasi ko‘magida amalga oshirilmoqda.
Dastur O‘zbekiston Prezidentining joriy yil yanvar oyida BAAga rasmiy tashrifi chog‘ida BAA Sun’iy intellekt, raqamli iqtisodiyot va masofaviy ishlash vaziri Omar Sulton Al-Olama bilan muzokaralar doirasida erishilgan kelishuvlar natijasi bo‘ldi.
⚡️ Dasturning maqsadi – sun’iy intellekt tizimlari bilan ishlash bo‘yicha amaliy ko‘nikmalarni rivojlantirish etik normalari va generativ sun’iy intellekt texnologiyalarining zamonaviy vositalarini o‘zlashtirishdan iborat. Dastur talabalar, tadbirkorlar va kelajak texnologiyalarini o‘zlashtirishga intilayotgan mutaxassislar uchun yangi imkoniyatlar ochadi.
• Sun’iy intellekt asoslari;
• Generativ sun’iy intellekt;
• Prompt muhandisligi;
• Sun’iy intellektdan xavfsiz va etik foydalanish;
• Ta’lim, biznes va davlat boshqaruvida sun’iy intellekt qo‘llanilishi.
“Bir million sun’iy intellekt yetakchilari” loyihasi O‘zbekiston raqamli transformatsiyasining muhim elementiga aylanadi, xalqaro hamkorlikni rivojlantirish va global raqamli iqtisodiyot talablariga javob beradigan inklyuziv ta’lim muhitini shakllantirishga hissa qo‘shadi.