#Солиҳ_зотларнинг_васиятлари

Художўй Абу Язид Рабиъ ибн Хусаймнинг вафотидан олдинги васияти

Абу Язид Рабиъ ибн Хусайм тақводор тобеинлардан эди. Абдуллоҳ ибн Масъуд розияллоҳу анҳуни ва бошқаларни кўрган. Куфада Абдуллоҳ ибн Зиёднинг ҳукмдорлигида вафот этади.
Абу Язидга вафот лаҳзалари келиб, оиласи уни ўраб олади. Қизи йиғлаб унга яқинлашганида қизига қаради ва рози кишининг табассуми билан юзи ёришди-да: "Эй қизчам, нимага йиғлайсан. Бу хушхабар. Яхшилик келди, деб айт", деди. У кишига "Васият қилмайсизми?", дейилганида: "Нимани васият қиламан? Биласизлар, менинг на дирҳамим ва на динорим бор. Зиммамда бирортанинг на дирҳами ва на динори бор. Бирор киши Роббим Азза ва жалланинг олдида мен билан талашмайди, мен ҳам бирор киши билан талашмайман", деди. Унга яна: "Васият қилинг", дейилди. У: "Ёш хотиним бор. Агар мен ўлсам уни турмушга чиқишга тезланглар ва унга солиҳ кишини раво кўринглар. Мана бу ўғлимни кўрсаларинг, бошидан силанглар. Албатта, мен Абдуллоҳ ибн Масъуд шундай деганларини эшитганман: "Расулуллоҳ соллаллоҳу алайҳи ва саллам: "Ким етимнинг бошини силаса, қўли теккан ҳар бир туки Қиёмат куни унга нур бўлади", деганлар". Унга яна "Васият қилинг", дейилди. У: "Бу Робиъ ибн Хусаймнинг васияти: Мен Аллоҳнинг ягона илоҳлигига гувоҳлик бераман, Аллоҳ солиҳ бандаларини ҳисоб-китоб қилувчи, мукофотловчи ва уларга савоб берувчидир. Ҳақиқатда мен Аллоҳни Роббим деб, Исломни дин деб, Муҳаммад соллаллоҳу алайҳи ва салламни Пайғамбар ва Қуръонни имом деб рози бўлдим", деди.

Бекназар Муҳаммадшакур, ҲИМ ўқитувчиси

www.group-telegram.com/muhaddisuz.com

#Audio #ibratli_hikoya

“Бир киши сиздан эҳтиёжларини сўраб келса...”

✍️ Aбдулқодир Полвонов

🎙 Умид Абдуҳакимов

www.group-telegram.com/muhaddisuz.com