12 сентябрь — ўзбекнинг севикли шоири Шавкат Раҳмон таваллуд топган кун.

Ўлимга бош егдим, қўрққанимданмас,
Ҳурмат қилганимдан бошимни егдим...

Муаллиф: Шавкат РАҲМОН
Ўқиди: Отабек РАҲИМ


О.Р

@Otabekshoir

***
Соғинмадим дейсан, унутдим дейсан,
Кўз ёшлар сирғалар ғамгин кўзингда.
Мактублар йўлласам куласан пинҳон
Соғинчинг яширин табассумингда.

Муҳаббат риштамиз бевақт узилди,
Диллардан тўкилди сўнгсиз бир оят.
Сепкил юзларингни соғинмоқ учун
Мен сени сўнгги бор кўрсам кифоя.

Оқшомлар ким ҳақда ўйлар сурардинг,
Нега қочмоқ бўлдинг, бесамар тунга .
Елкамдан ғамларни артмоқ бўлардинг
Сен кўниб яшардинг изтиробимга.

Ишқий оғриқларнинг маҳбуси бўлдик,
Кўз - кўзга тушганда демадим: "кечир"
Деразангни чертса соғинч шамоли
Ҳасратлар кўксингга тўлиб кетгандир?!

Соғинмайлик дейсан бир - биримизни ,
Унутсин барини кўнгил бетайин.
Сенга хат ташиган кабутар дилгир,
Хотирам эшигин чертса нетайин...

2023йил, август
Отабек Раҳим

@otabekshoir|#eski

Ишдан ҳолсиз қайтаётган эдим. Метрода бир гала талаба қизлар...
Ва улар орасида биттаси бор экан. Ҳали Тошкентда унақа қиз кўрмадим!

***
Кўнглимга шеър бўлиб қуйилиб келдинг,
Кўзларим, кўзингдан марварид терди.
Нигоҳлар бир - бирин топишганида
Юзларинг ғунчадек қизарган эди.

Барига "Туркистон" — метро сабабчи,
Фақат сенга етмас мунгли нолишим.
Ердан кўкка қадар самодан ошиб
Бу дунёга сиғмас менинг ёнишим!

Кўнглимга шеър бўлиб қуюлиб келдинг,
Ёргим келаётир бошимни тошга.
Сенга бир шартим бор, сендан илтимос —
Энди кўзларимга кўринма бошқа...

Аммо, юрагимга ишқ солиб кетдинг,
Кўнгил ёравердим — ялмоғиз тунга.
Лабларинга қўнган табассумларинг
Кимгадир аталган, ўзинг айт, кимга?!

Кўнглимга шеър бўлиб қуюлиб келдинг...

2025 йил, сентябр
Отабек Раҳим


@Otabekshoir|#yangi

АЙЛАНИБ-ЎГИРИЛИБ

Қошларинг – Бухоро,
Кўзинг – Хоразм,
Юзингни, дилоро,
Чизганга таъзим!
На кўлман, на саҳро,
На шаҳри азим –
Ўргилсун қулинг!

Лабларинг атиргул баргидан майин,
Гапларинг майиздек – мулойим, ширин.
Оловсан, совутмас елпиғичларинг,
Ингичка белингда белбоғичларинг,
Кўзимга қадалсин тўғноғичларинг –
Ўргилсун қулинг…

Парига эврилдинг,
Фарғона бўлдим
Ва куйлаб ўлтирдинг,
Чордона қурдим,
Ҳар кеча ўлдирдинг,
Мардона ўлдим –
Ўргилсун қулинг…

Қанийди, чорласанг, каптардай учсам,
Шамолдай шовуллаб, кўчкидай кўчсам,
Қанийди, бошингдан ўгириб ичсам,
Амударёни,
Сирдарёни ҳам –
Ўргилсун қулинг!

– Сенга қай куй ёқар?
– Ёзилмагани...
– Сенга қай йўл ёқар?
– Босилмагани.
– Сенга қай гул ёқар?
– Узилмагани.
Ўргилсин қулинг!

Нега мен бўзларман тўрт томонингда?
Нега мен изларман бахтиёрлигим?
Нега мен музтарман,
нега ёнингда
Эсимдан чиқади шаҳриёрлигим,
Ўргилсун қулинг!

Лабларинг атиргул баргидан майин,
Гапларинг майиздек – мулойим, ширин.

Шаҳриёр Шавкат

https://www.group-telegram.com/shahriyor_shavkat

Қилинган хато қайтар
Қилинмаган хатодан...

Мансур Жумаев шеъри
Отабек Раҳим ўқиди.

Тариҳий кун!

Бугунги куним роса эсда қоларли ва тарихий кун бўлди. Дастлаб куннинг аввалида адабиётшунос олим Баҳодир Карим билан кўришдик тўғрироғи иш ҳонамизга келиб газета олиб кетди ва бизни Шуҳрат ака( Азизов)билан Ёзувчилар Уюшмасига ташлаб қўйди. Шоди акани суҳбатини олайлик деб кирганимни биламан, Ўзбекистон халқ шоири Хуршид Даврон келиб қолди ва устозни суҳбатини олдик. Устознинг Ёзувчилар Уюшмаси томонидан "Танланган асарлар" и чоп этилибди шуни олишга борибди устоз. Кўпчилик ижодкорлар мазкур китобга ўзи учун дасҳат қўйдириб олди. Камина шу китобни топа олмаётгандим Ғиёсиддин ака(Ўнар) мени кўрсатиб айтиб қолди:
- Бу бола Баҳодир Содиқнинг қариндоши, жияни...
-йўғе, китобимдан олиб келинг, ўзим бераман сенгга. —деди устоз.
Ва дасҳат ҳам қўйдириб олдим. Сўнгра жума намозига жўнадик. Ибодатларни бажариб, Шоди ака ва Шуҳрат ака билан абетланишга бордик, суҳбат яна шеърият тўғрисида. Мазза қилдим.
Яҳши кун бўлди. Улуғ инсонлан билан кўришдик, дийдорлашдик. Аллоҳга шукр. "Сўз" берганига шукр.

Ҳа, айтгандек, янгилик, "Жадид" газетасида иш бошладим. Ҳали ўрганишда ҳамда изланишдаман. Аллоҳ ўзи қўлласин.

Ҳуллас, яҳши кунимни сизга улашяпман!

2025йил, 3октабр

О. Р

***

Кўзимда сенинг деб тўкилган ёш бор,
Азобларинг ўтди, хайрият, жондан.
Кузак қулоғимга шивирлар такрор:
"Сен уни севасан, беун севасан...."

Бармоғинг учига ким суръат чизди?!
Оқшомлар тентираб изладинг кимни?
Шаҳарга сиғолмай деразанг чертган
Менинг телбанамо кўнглим эмасми?!

Кўзимга соғинчинг ёш бўлиб келди,
Шеърда айтавердик севганимизни.
Шаҳарнинг энг узун кўчаларида
Учрашамизми..?!

Чорсунинг мусаффо тонгларин уйғот,
Ва мени тортиб ол кечаларидан.
У ерлик бир қиздан анча панд едим
Энди бош суқмайман кўчаларига!..

Дилимда айтилмай бир изҳор яшар,
Кўзларинг мен учун енг сокин ватан.
Ҳонамнинг ҳар бурчи тўхтамай айтар:
"Севасан..
Севасан..
Севасан..."



Отабек Раҳим
2025йил, 6 октабр

ЎША КУН ЁЗИЛМАГАН ШЕЪР

(Раҳматли бобом Қутлибой Ўрозбоев хотирасига бағишланади)

Ўша кун, ўша шеър кўнглимни олди,
Ўша кун, қишлоқдан бош олиб кетдим.
Бобомнинг суръати токчада қолди,
Момом фарёд чекди, сезмади ҳеч ким...

Ўша кун, бир муслим кирди тушимга,
Сочлари оқ эди, оқ ҳалат кийган.
Юзлари қартайган, қўлида асов
Менга жим карарди...
Чап юзи куйган.

Ўша кун, сўзма-сўз парчаланди дил,
Лабга яқин келмай қийналди шароб.
Меҳнатдан қавариб толган қўллардан
Энди калтак емай яшамоқ азоб.

Ўша кун, ўзимдан олислаб кетдим,
Кўнглимни бир ундан сақламадим сир.
Ўшанда ҳапқириб, юраги санчиб,
Лаблари шивирлаб видо айтганди...

Қишлоққа қайтолмам ўша кун сабаб,
Айрилиқ азобин юрагим тотган.
Эй дунё, айт, ўша кўнглим эмасми
Бобомнинг шеърини пичирлаётган..?!

Энди кўниш керак бу азобларга,
Ўша шеър малҳамдир бари-барига.
Худо раҳми келиб тутқазди қалам
Бир катта шоирнинг набирасига!..


Отабек Раҳим
2025йил, октабр

Биттада олинган, монтажсиз таббий видео😊✅

Опа ҳақ!!!