group-telegram.com/toshvilpressa/54140
Last Update:
#Shukuh
Viloyatda quruvchilar bayrami keng nishonlandi
Avgust oyining ikkinchi yakshanbasi qurilish sohasi xodimlari kuni sifatida keng nishonlab kelinmoqda.
Sana munosabati bilan viloyatda faoliyat yuritayotgan mohir quruvchi va muhandislar, usta va meʼmorlar, loyihachi va pudratchi tashkilot vakillari ishtirokida bayram tadbiri tashkil etildi.
Tantanali marosimda viloyat hokimi Zoyir Mirzayev ishtirok etdi va soha xodimlarini kasb bayrami bilan qutlab, mashaqqatli mehnatlarida zafarlar tiladi.
Bayramda viloyat hokimi quruvchilarning oʻtgan yillardagi yutuqlariga toʻxtalib oʻtdi. Xususan, so‘nggi 3 yilda viloyatimizda 1620 km yo‘l, 564 km ichimlik suvi, 102 ta suv inshooti, 1700 km elektr tarmog‘i, 343 ta transformator o‘rnatilib, 264 ta mahallaning infratuzilmasi yahshilangan. 2024-2025-yillar davomida 10519 ta xonadonli 206 ta ko‘p qavatli uy-joylar qurilib, foydalanishga topshirilganligini alohida ta’kidlash lozim.
Bundan tashqari, 42 ta maktabgacha ta’lim tashkiloti, 42 ta umumtalim maktabi, 16 ta sog‘liqni saqlash, 5 ta sport, 47 ta boshqa ijtimoiy soha obektlari yangi qurildi.
Tadbirda qurilish sohasi rivojiga, viloyatning yangi qiyofasini barpo etishga qoʻshgan salmoqli hissasi, samarali va fidokorona mehnatlari hamda Qurilish sohasi xodimlari kuni munosabati bilan bir guruh soha vakillariga viloyat hokimining faxriy yorliq, tashakkurnoma va esdalik sovgʻalari topshirildi.
