group-telegram.com/uoheebuluu/32099
Last Update:
#эҕэрдэ
Бырабыыталыстыба бэрэссэдээтэлин бастакы солбуйааччыта Джулустан Анатольевич Борисов наҕараадалары туттарда.
Ол курдук, СӨ ОДьКХ судаарыстыбаннай тэрилтэтин "Коммунтеплосбыт" Үөһээ Бүлүүтээҕи учаастагын салайааччыта солбуйааччыта Вера Ариносова өр сыллаах үтүө суобастаах үлэтэ бэлиэтэнэн, "Саха Өрөспүүбүлүкэтин олох-дьаһах, коммунальнай хаһаайыстыбатын бочуоттаах үлэһитэ" түөскэ кэтэр бэлиэни уонна туоһулуур дастабырыанньаны тутта.
Олох-дьаһах, коммунальнай хаһаайыстыба Үөһээ Бүлүүтээҕи филиалын сүрүн экономиһа Анастасия Николаева үтүө суобастаах үлэтэ, профессиональнай таһыма, өрөспүүбүлүкэ социальнай экономическай сайдыытыгар тус кылаата сыаналанан, Саха Өрөспүүбүлүкэтин экономикатын миниистирэ Петр Попов илии баттааһыннаах Махтал суругунан бэлиэтэннэ.
Улуустааҕы киин балыыһа сүрүн бырааһын экономикаҕа солбуйааччыта Татьяна Абрамова өр сыллаах үтүө суобастаах үлэтин иһин Саха Өрөспүүбүлүкэтин Доруобуйа харыстабылын министиэристибэтин Махтал суругун тутта.
Д.С.Спиридонов аатынан улуустары гимназия минньигэс астаах асчыта Надежда Баянаева үтүө суобастаах үлэтин иһин Саха Өрөспүүбүлүкэтин Үөрэҕин уонна билимин министиэристибэтин Махтал суругунан наҕараадаланна.
6-с нүөмэрдээх комбинированнай көрүҥнээх "Солнышко" уһуйаан иитээччитэ Мария Григорьева үөрэх систиэмэтигэр кылаата уонна суобастаах үлэтэ бэлиэтэнэн, Саха Өрөспүүбүлүкэтин Үөрэҕин уонна билимин министиэристибэтин Бочуот грамотатынан бэлиэтэннэ.
Наҕараадалаахтарга истиҥ эҕэрдэ буолуохтун💐💐💐
"Үөһээ Бүлүү" хаһыат
