🇺🇿 🇰🇷 O‘zbekiston Respublikasining Koreya Respublikasidagi Elchixonasida o‘zbekistonlik eksportyorlar hamda koreyalik importyorlar ishtirokida B2B formatida uchrashuv tashkil etildi.👫 Tadbirda Koreyaning
50 ga yaqin yirik oziq-ovqat kompaniyalari rahbarlari qatnashdi. Ko‘rgazmada
O‘zbekistonda ishlab chiqarilgan quritilgan va konservalangan oziq-ovqat mahsulotlari namoyish etildi.
🛍 O‘simliklar karantini va himoyasi agentligi vakillari ishtirokchilarga O‘zbekiston oziq-ovqat bozorining salohiyati,
zamonaviy qadoqlarda ishlab chiqarilayotgan hamda yetishtirilayotgan qishloq xo‘jaligi mahsulotlari haqida taqdimot o‘tkazdilar.
📹 Shuningdek,
O‘zbekiston–Koreya qishloq xo‘jaligi sohasidagi
savdo ko‘rsatkichlari va
hamkorlik istiqbollari haqida ma’lumot berildi. O‘zbekiston eksportyorlari tomonidan tayyorlangan
video taqdimoti mehmonlarda katta taassurot qoldirdi.
🤝 Uchrashuvda
“KOEIA” —
Koreya onlayn eksport-
import assotsiatsiyasi raisi
Cho Donxvi hamda
“Coupang” onlayn platformasiga to‘g‘ridan-to‘g‘ri chiqish huquqiga ega
“3H Korea” distribyutorlik kompaniyasi vakillari so‘zga chiqdilar. Ular o‘z nutqlarida O‘zbekiston mahsulotlariga yuqori baho berib, kelgusida hamkorlik qilishga katta qiziqish bildirdilar.
O‘zbekistonda ishlab chiqarilayotgan qishloq xo‘jaligi mahsulotlari yuqori sifatga ega va tabiiyligi bilan ajralib turadi. Ayniqsa, quritilgan mevalar, konservalangan mahsulotlar hamda zamonaviy qadoqlarda taqdim etilayotgan oziq-ovqat turlari Koreya bozori uchun juda mos, — deydi “KOEIA” raisi Cho Donxvi.
🗣️ Biz, ushbu mahsulotlarni Koreya iste’molchilariga yetkazishda hamkorlikka tayyormiz. Kelgusida distribyutorlar, onlayn savdo platformalari va savdo tarmoqlari bilan hamkorlikni yo‘lga qo‘yish orqali O‘zbekiston mahsulotlari Koreyada keng tarqalishi mumkin. Bu ikki davlat o‘rtasidagi savdo aloqalarini mustahkamlashga ham xizmat qiladi 🗣️✔️ Mazkur uchrashuv
ikki davlat o‘rtasida savdo sohasidagi
hamkorlikni mustahkamlash va
O‘zbekiston mahsulotlarining
Koreya bozoriga chiqishini yanada
rag‘batlantirishga qaratilgani bilan ahamiyatli bo‘ldi.
🔰 karantin.uz ✈️ Telegram📱Facebook 📱Instagram📺Youtube ✖️Twitter 