group-telegram.com/yy555h/15242
Last Update:
#قصائد_استشهاد_العباس_ع
قصيدة (يابوفاضل * يابو فاضل)
حسين وحدك جيت الي
وين خوي وكافــلــــــــي
يابو فاضــــــــــــــل * يابو فاضــــــــــــــل
✏️✏️✏️✏️✏️✏️✏️✏️✏️✏️✏️1
وين ابوفاضل كفيلي ويــن حماي الظعــــــــــــــن
ليش وحدك جاي لينه والدمــوع تسايلـــــــــــــــن
گلها طاح اعلى الشريعه والجفــــــــــوف تگطعن
بالعمد طرو جبينه ورايته وسيفــه وگعــــــــــــــن
ونابت ابعينــــــه السهم
گلي مارد للخيــــــــــــــم
يابو فاضــــــــــــــل * يابو فاضــــــــــــــل
✏️✏️✏️✏️✏️✏️✏️✏️✏️✏️✏️2
ليش ظل اعلى الشريعــه مارجع لخيامـــــــــــــــه
والله محتاره شگــول وشحجي الايتامـــــــــــــــه
افدي لجفوفه جفوفي الهامته افدي الهامــــــــــه
ريت ايامي يخويه تگضــي گبـــل ايامــــــــــــــــه
ولا اظل محيــــــــــره
خلاف سبــع الگنطره
يابو فاضــــــــــــــل * يابو فاضــــــــــــــل
✏️✏️✏️✏️✏️✏️✏️✏️✏️✏️✏️3
كافي يازينـب يخويــــه لاتزيدي احزانــــــــــــــي
انكسر ظهري يم اخوي وگوه جيتج انــــــــــــــي
راسي شيب ظهري حدب وحــدي خلانــــــــــــــي
گتله گوم وياي ورجع گلي خلني امجانــــــــــــــي
لاجفوفـي ورايتـــــــــــــي
والعمد طر هامتـــــــــــــي
يابو فاضــــــــــــــل * يابو فاضــــــــــــــل
✏️✏️✏️✏️✏️✏️✏️✏️✏️✏️✏️4
گــوم ومشــي للمخيــم گــلــي و لاتلتفــــــــــــــت
اهمشي حي انته باقي حته لو انه مــتــــــــــــــت
طاحت الرايه وجفوفي وجربتي وسيفي وطحت
گبل لاتقمض عيوني ادركني ياخويه صحـــــــــت
وشفتك ابعين وعيـن
عذرني خويه يحسين
يابو فاضــــــــــــــل * يابو فاضــــــــــــــل
✏️✏️✏️✏️✏️✏️✏️✏️✏️✏️✏️5
گتله خويه اعذني انته وانه اعذرك انـــــــــــــــــه
يأخو المنأجل اخيه اتگطعن ذرعانــــــــــــــــــــــه
ذكرتهه ابعلي ابونه وصولته ابمدانــــــــــــــــــــــه
كلها صاحت هذ حيدر عاف گبره وجانــــــــــــــــه
وصحت انه العبــــــــــــــاس
اليوم اطگ راس ابـــــــراس
يابو فاضــــــــــــــل * يابو فاضــــــــــــــل
✏️✏️✏️✏️✏️✏️✏️✏️✏️✏️✏️6
هسه گلي شلون اردن وحـــــــدي لمخيمــــــــــــك
وزيـنـب تگلي يخويه حسين جيت الوحــــــــــدك
وين ابوفاضل كفيلـــــــي وين حامل رايتـــــــــك
ايميني خلاها ابيمينه اگبال عينك والــــــــــــــدك
وهسه محنــــــــــــــي الظهر
جيتنــــــــــــــي وعفت الگمر
يابو فاضــــــــــــــل * يابو فاضــــــــــــــل
✏️✏️✏️✏️✏️✏️✏️✏️✏️✏️✏️7
راح اظل ساكت يخويه وماأجاوبهه تــــــــــــــره
من تلاگيني تنــــــــــادي وين سبع الگنطـــــــــــره
اجــر عمود الخيمـه وصـرخ ايـــســــي مـــخــدره
طبرت الـعــبــاس صارت مثل طــبــرت حــيــدره
عـيـونـه قـــطـاهــا الــدمـــه
ولاجــــفـــــوفـــه ســـالــمــه
يابو فاضــــــــــــــل * يابو فاضــــــــــــــل
✏️✏️✏️✏️✏️✏️✏️✏️✏️✏️✏️
#الشكرلله خادم الزهراء ع ملا علي
#نسالكم_الدعاء21 ✍
✏️✏️✏️✏️✏️✏️✏️✏️✏️✏️✏️
🕊💦🖤💦🕊
*
#نسالكم_الدعاء
جديد ان شاء الله
BY قصائد استشهاد العباس ع
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/yy555h/15242