group-telegram.com/CabinetBelarus/2087
Last Update:
«Давяраць адукацыю беларускіх дзяцей цяперашняму рэжыму і яго прыхільнікам нельга»
Прадстаўніца па нацыянальным адраджэнні Кабінета Аліна Коўшык – аб прысваенні Ліцэю БДУ імя Фелікса Дзяржынскага:
«У гэтай ініцыятыве "выдатна" ўсё. Ад "ідэі калектыву", якую насамрэч прасоўвала цяперашняя дырэктарка з досведам працы ў навучальнай установе КДБ. Да злога сімвалізму абранага імя.
Не Скарына. Не Сымон Будны. Не Алаіза Пашкевіч. Не Якуб Колас… Дзяржынскі. Заснавальнік УНК – папярэдніцы КДБ – вядомай сваёй роляй у палітычных рэпрэсіях, чыстках і барацьбе з іншадумствам.
Цяпер Ліцэй БДУ, яшчэ нядаўна флагман беларускай сярэдняй адукацыі, будзе асацыявацца з гісторыяй рэпрэсій і прыгнётам нацыянальнай інтэлектуальнай эліты. І сваёй цяперашняй назвай будзе мімаволі нармалізаваць гэта.
Змушэнне выкладчыкаў да падпісання звароту аб перайменаванні можна лічыць сістэмным гвалтам і парушэннем правоў чалавека.
Так, увесь гэты акт абсурду – рэакцыя рэжыму на пратэсты 2020 года. Бо тысячы выпускнікоў Ліцэя БДУ падтрымалі свабодныя выбары, з ліцэя былі звольненыя не менш як 15 выкладчыкаў.
Так, гэта палітычнае пасланне: напамін улады аб сваёй здольнасці кантраляваць і душыць іншадумства.
Так, гэта шырма – спосаб падкрэсліць лаяльнасць навучальнай установы і яе супольнасці да бягучага курсу Лукашэнкі і Крамля.
Але, галоўнае, гэта бясспрэчнае пацвярджэнне адкату назад і яскравае сведчанне акупацыі Беларусі.
Што з гэтым рабіць? Працягваць барацьбу за дэмакратыю ў Беларусі, абараняць каштоўнасці свабоднага грамадства, вучыцца самім і вучыць сваіх дзяцей праўдзівай гісторыі. Быць пільнымі ў выбары навучальных устаноў і іх кіраўніцтва (раю паглядзець нядаўняе расследаванне «Кіберпартызан» аб БДУ і яго рэктары). Браць усё ў свае рукі. Бо давяраць адукацыю беларускіх дзяцей цяперашняму рэжыму і яго прыхільнікам нельга».
@CabinetBelarus
BY Аб’яднаны Пераходны Кабінет Беларусі
Share with your friend now:
group-telegram.com/CabinetBelarus/2087