بكره احلى

طلاب الشهاده السودانية الراجين النتيجه
عايزك تقرا البوست دا براحة براحة وبرواقة، فلو ما فاضي فضّي ليهو نفسك هسي دي وأقراه، لأنو حيروح منك ولو عملت ليه حفظ ما حترجع ليه.

أنت حالياً شايف ناس كتار حولك أمورهم زابطة، وأعتقد أنت فاهمني قاصد شنو بأمورهم زابطة دي، وكل واحد فيكم حيفسرها حسب الحاجة البتهمو.

-لو أنت طالب شايف عندك أكتر من زميل مميزين، ودايماً درجاتهم عاليه" ودي حاجات عادية بالنسبة ليهم، في حين إنك شايف إنو وضعهم دا أبعد ما يكون عنك.

-أو مثلاً شايف زول فايتك من ناحية إجتماعية، عندو أصحاب ومحبوب أكتر، أو حتى من ناحية مادية أموره أحسن ومرتاح "ماشاءالله"، وصاح دي حاجات جزء منها قِسمة ونصيب بس أنت برضو ليك دور.

طيب أنا هنا ما جاي أردمك كلام كتير، بس عايز أخليك تفكر شوية، أول شي الأمثلة الفوق دي عايزك تنساها، ديل ناس ماشاءالله ربنا أداهم نقطة سطر جديد نجي للمهم.

عارف أنت لو عندك عربية عايز توصلها لحتة، جابوك كدا وختوك في المقعد قالوا ليك سوق، أول سؤال حتسألوا شنو؟ أمشي وين صاح؟

بالضبط!!!

أمشي ويين يا ناس بالداهية دي؟؟

ودا سؤال منطقي صراحة أحييك عليه، لأنك ببساطة لو ما عرفت ماشي وين ما حتمشي من الآخر كدا، أهي المسألة واضحة صاح؟ ماف أوضح منها.

طيب يا عزيزي، نجي للواقع.

أنت غالباً عُمرك بين 17- 20 سنة، لاحظ أنا قلت غالباً، عشان لو طلعت أكبر من كدا وجيت تكضبني في التعليقات بطقّك بالبتاع القدامي دا، إتفقنا؟

ولو كنت أكبر من كدا، فأنا متأكد إنو قلبك وروحك لسة شباب، والبوست دا ليك برضو.

يلا أنت يا جميل مقبل على حياة كاملة، وطبعاً الحياة دي لو ما حددت أنت عايز تبقى فيها شنو بالضبط، ما حتبقى، أي الموضوع تكون أو لا تكون، حتجي بعد عشرة سنة تكتب إستشارة نفسية إنك عاطل وما متزوج وبتجمع كل الصلوات نهاية اليوم لإنك مكتئب وما عندك نفس تعمل حاجة.🙂

الموضوع كبير للدرجة دي؟ ااي والله

أنا عارف إنو في بعض الأوقات بتجيك رؤية جميلة كدا عن مستقبلك، بتكون شايف نفسك مبسوط، بتساعد غيرك، بترد الجميل للناس البحبوك، وبتعمل حاجات حلوة زيك لأنو ربنا أداك.❤️

بس ما حصل فكرت أنت كيف حتصل للحاجة دي؟ هل التمني كفاية؟ ما أعتقد، بس العايز أقولو ليك هسي، خلي عندك هدف، وخلي هدفك كبير.

أنت محتاج تعرف مفروض تعمل شنو عشان تبقى الانسان الأنت عايز تكون عليه، ونعم عادي ممكن تبقى أي حاجة أنت عايزها، أنت أساساً ربنا سخر الكون دا كلو عشان أنت، فحدد عايز تعمل شنو وتكون وين، وخلي هدفك كبير لأنك طالب من رب العالمين ما من زول.

وأخيراً لسة في كلام كتير في البال، لكن المهم حالياً إنك ترجع للسطر الأول وتقراه تاني وتعمل شير للبوست.

"خلي هدفك كبير".🤍

www.group-telegram.com/us/Sudanese_teen_swag.com/80052

77 viewsApr 29 at 05:44

طلاب الشهاده السودانية الراجين النتيجه
عايزك تقرا البوست دا براحة براحة وبرواقة، فلو ما فاضي فضّي ليهو نفسك هسي دي وأقراه، لأنو حيروح منك ولو عملت ليه حفظ ما حترجع ليه.

أنت حالياً شايف ناس كتار حولك أمورهم زابطة، وأعتقد أنت فاهمني قاصد شنو بأمورهم زابطة دي، وكل واحد فيكم حيفسرها حسب الحاجة البتهمو.

-لو أنت طالب شايف عندك أكتر من زميل مميزين، ودايماً درجاتهم عاليه" ودي حاجات عادية بالنسبة ليهم، في حين إنك شايف إنو وضعهم دا أبعد ما يكون عنك.

-أو مثلاً شايف زول فايتك من ناحية إجتماعية، عندو أصحاب ومحبوب أكتر، أو حتى من ناحية مادية أموره أحسن ومرتاح "ماشاءالله"، وصاح دي حاجات جزء منها قِسمة ونصيب بس أنت برضو ليك دور.

طيب أنا هنا ما جاي أردمك كلام كتير، بس عايز أخليك تفكر شوية، أول شي الأمثلة الفوق دي عايزك تنساها، ديل ناس ماشاءالله ربنا أداهم نقطة سطر جديد نجي للمهم.

عارف أنت لو عندك عربية عايز توصلها لحتة، جابوك كدا وختوك في المقعد قالوا ليك سوق، أول سؤال حتسألوا شنو؟ أمشي وين صاح؟

بالضبط!!!

أمشي ويين يا ناس بالداهية دي؟؟

ودا سؤال منطقي صراحة أحييك عليه، لأنك ببساطة لو ما عرفت ماشي وين ما حتمشي من الآخر كدا، أهي المسألة واضحة صاح؟ ماف أوضح منها.

طيب يا عزيزي، نجي للواقع.

أنت غالباً عُمرك بين 17- 20 سنة، لاحظ أنا قلت غالباً، عشان لو طلعت أكبر من كدا وجيت تكضبني في التعليقات بطقّك بالبتاع القدامي دا، إتفقنا؟

ولو كنت أكبر من كدا، فأنا متأكد إنو قلبك وروحك لسة شباب، والبوست دا ليك برضو.

يلا أنت يا جميل مقبل على حياة كاملة، وطبعاً الحياة دي لو ما حددت أنت عايز تبقى فيها شنو بالضبط، ما حتبقى، أي الموضوع تكون أو لا تكون، حتجي بعد عشرة سنة تكتب إستشارة نفسية إنك عاطل وما متزوج وبتجمع كل الصلوات نهاية اليوم لإنك مكتئب وما عندك نفس تعمل حاجة.🙂

الموضوع كبير للدرجة دي؟ ااي والله

أنا عارف إنو في بعض الأوقات بتجيك رؤية جميلة كدا عن مستقبلك، بتكون شايف نفسك مبسوط، بتساعد غيرك، بترد الجميل للناس البحبوك، وبتعمل حاجات حلوة زيك لأنو ربنا أداك.❤️

بس ما حصل فكرت أنت كيف حتصل للحاجة دي؟ هل التمني كفاية؟ ما أعتقد، بس العايز أقولو ليك هسي، خلي عندك هدف، وخلي هدفك كبير.

أنت محتاج تعرف مفروض تعمل شنو عشان تبقى الانسان الأنت عايز تكون عليه، ونعم عادي ممكن تبقى أي حاجة أنت عايزها، أنت أساساً ربنا سخر الكون دا كلو عشان أنت، فحدد عايز تعمل شنو وتكون وين، وخلي هدفك كبير لأنك طالب من رب العالمين ما من زول.

وأخيراً لسة في كلام كتير في البال، لكن المهم حالياً إنك ترجع للسطر الأول وتقراه تاني وتعمل شير للبوست.

"خلي هدفك كبير".🤍

BY بكره احلى