🟦🟦🟦

📌Bugun, 14-oktabr kuni Abu Rayhon Beruniy nomidagi Urganch davlat universitetida Xotin-qizlar maslahat kengashi tomonidan “Sog‘lom ona, sog‘lom bola tamoyili – ustuvor maqsadimiz” mavzusida talaba-qizlar bilan uchrashuv tashkil etildi.

Tadbirda Xotin-qizlar masalalari bo‘yicha dekan maslahatchilari, psixologlar hamda Fizika-matematika va Xorijiy filologiya fakultetlari talaba-qizlari ishtirok etishdi.

Tadbirda Xotin-qizlar maslahat kengashi raisi N.Atajanova oilaviy qadriyatlarni mustahkamlash, jamiyatda sog‘lom munosabatlar o‘rnatish hamda ona va bola salomatligini asrash borasida amalga oshirilayotgan islohotlar haqida so‘z yuritdi.

Shundan so‘ng, Viloyat kardiologiya markazining akusher-ginekologi B.Kutlimurotova talabalarga tibbiy ko‘riklarning ahamiyati, to‘g‘ri ovqatlanish, jismoniy faollik va psixologik barqarorlikni ta’minlash masalalari yuzasidan ma’lumot berdi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

🗞Bugun matbuot nashrlarida...

Kelajak mutaxassislari uchun yaratilgan zamonaviy sharoitlar

✅ “Hurriyat” gazetasining 2025-yil 15-oktabrdagi 40-sonida Abu Rayhon Beruniy nomidagi Urganch davlat universiteti rektori v.v.b, pedagogika fanlari doktori, professor Sardor Xodjaniyazovning “Kelajak mutaxassislari uchun yaratilgan zamonaviy sharoitlar” sarlavhasi ostidagi maqolasi chop etildi.

Maqolada Urganch davlat universitetida yoshlar sifatli ta’lim olishi, ilmiy izlanishlar olib borishi va o‘z salohiyatini ro‘yobga chiqarishi uchun yaratilgan keng imkoniyatlar haqida so‘z yuritilgan. Xususan, yaqinda foydalanishga topshirilgan Axborot-resurs markazining interaktiv xizmatlari orqali talabalar uchun yaratilgan qulay muhit yoritib berilgan. Shuningdek, ta’lim tizimini raqamlashtirish, innovatsion loyihalarni rivojlantirish hamda zamonaviy mutaxassislarni tayyorlash borasida amalga oshirilayotgan ishlar, bu boradagi universitet jamoasining tashabbuslari va yutuqlari haqida ham atroflicha fikr bildirgan.

Batafsil➡️ urdu.uz/user_files/user_4/Matbuot/yang12/Hurriyat%20%E2%84%96%2040-2025.pdf

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

🟦🟦🟦🟦🟦

Ijtimoiy-iqtisodiy rivojlanish masalalari muhokama markazida

✅ Bugun Abu Rayhon Beruniy nomidagi Urganch davlat universiteti Ijtimoiy-iqtisodiy fanlar fakultetida 15–16 oktabr kunlariga mo'ljallangan “Mintaqani ijtimoiy-iqtisodiy rivojlantirishning dolzarb masalalari” mavzusida Respublika ilmiy-amaliy konferensiyasi o'z ishini boshladi.

🟧Dastlab anjumanning tantanali ochilish marosimi bo‘lib o‘tdi. Unda universitet rahbariyati, soha olimlari, mutaxassislar va yosh tadqiqotchilar ishtirok etdi. Konferensiyani universitet Ilmiy ishlar va innovatsiyalar bo‘yicha prorektori Z.Ibragimov ochib berib, uning dolzarbligi, ilmiy va amaliy ahamiyati haqida so‘z yuritdi.

🟠Konferensiya mintaqaning ijtimoiy va iqtisodiy taraqqiyotini ta’minlashga qaratilgan yangi ilmiy yondashuvlar hamda amaliy yechimlarni muhokama qilishga xizmat qiladi.

Konferensiya doirasidagi asosiy yo‘nalishlar:

Mintaqani ijtimoiy-iqtisodiy rivojlantirishning asosiy jihatlari va istiqbolli yo‘nalishlari;
Ilm-fan va innovatsiyalar orqali mintaqaning ijtimoiy-iqtisodiy salohiyatini oshirish;
Mintaqaning iqtisodiy o‘sishini tahlil qiluvchi ekonometrik modellarning ahamiyati;
Kichik biznes va xususiy tadbirkorlikni rivojlantirish orqali iqtisodiy barqarorlikni mustahkamlash;
Xizmat ko‘rsatish sohasi va turizmni rivojlantirish orqali mintaqani yanada jozibador qilish.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube