group-telegram.com/ValeriNikolaev/2881
Last Update:
Бүгүн, ыам ыйын 25 күнүгэр, Бүлүү түбэтин улуустара бэлиэ бырааһынньыгы - Бүлүү эбэ Хотун күнүн бэлиэтиибит.
Аан бастаан Бүлүү өрүс күнэ 2014 сыл балаҕан ыйыгар Бүлүүтээҕи айылҕа харыстабылын инспекциятын уонна Бүлүү куоратын дьаһалтатын өйөбүлүнэн, "Зеленый пояс Вилюя" НКО көҕүлээһининэн экологическай фестиваль быһыытынан бэлиэтэммитэ. Ол кэннэ 2017 сыллаахха, Россияҕа экология сылыгар, «Бүлүү» общественнай экологическай комитета тэрийбит Бүлүү бөлөх улуустар экологтарын мунньаҕар “улуустар бары тус-туспа бэлиэтиирбит сыыһа, Эбэбитигэр биир күнү аныахха” диэн, ыам ыйын 25 күнүн "Бүлүү өрүс күнүнэн" бигэргэммитэ.
Сыл ахсын Бүлүү өрүс күнүн көрсө, ыам ыйын 24 күнүгэр, эбэ кытылыгар "День реки Вилюй" бырайыак чэрчитинэн суббуотунньук тэриллэр. Маны сэргэ, эдэр көлүөнэҕэ Бүлүү өрүскэ ытыктабыллаах сыһыаны иҥэрэр тэрээһиннэр ыытыллаллар.
Бу күн махтанабыт Бүлүү өрүс ырааһын уонна кэрэ айылҕатын харыстааһыҥҥа күүс- көмө буолар эко-активистарга, экологтарга, волонтердарга. Эһиги көмөҕүтүнэн, Бүлүү эбэ ыраас, чэгиэн буоларыгар анаммыт уонна айылҕаны харыстааһыҥҥа ыччаты тардар бырайыактар олоххо киирэллэр.
Хотун Бүлүү өрүспүт биһиэхэ, тыыммытын салгыыр хорук тымырбыт буолар.
Бүлүү эбэбит – айылҕа киһи аймаҕы хатаҕалаан биэрбит бэлэҕэ, олохпут биһигэ.
Бүлүү өрүс уутун иһэн олорор улуустар Эбэбитин харыстыырга, ыраастык тутарга өрүү дьулуһуохтаахпыт.
Айылҕабыт тэбэр сүрэҕэ, сүүрэр тымыра Хотун Бүлүү, уолан-аллан биэрбэккэ үйэлэргэ чэчирии тур!
Оо Бүлүү, оо Бүлүү, мин таптыыр өрүһүм
Эн куруук, мэлдьитин устууй...
#Бүлүү
#БүлүүӨрүс
#ДеньРекиВилюй
T.me/us/ValeriNikolaev.com
BY Валерий Николаев, Глава Верхневилюйского района
Share with your friend now:
group-telegram.com/ValeriNikolaev/2881