group-telegram.com/BK_Kh2/1108
Last Update:
زينب وفراق الأب .. 💔
شلي بعمري شلي .. حياتي ابلا علي
چنـت خيمه الـي .. علي بويه علي
مشه وگلبي رجف .. خذاه وادي النجف
ويؤن صار السلف .. علي بويه علي
رحل حيدر علي بشيبه خضيبه
وبـعد يا حيل الي وامنين اجيبه
وره التابوت تعمه عيوني ياريت
واصيحن والگلب ما كف نحيبه
تهـدمت والله اركـان الهـدى
وهَتزت الافلاك من هذا الندا
تهـدمت والله اركـان الهـدى
وصوتُ جبرائيل راح المرتضى
تهـدمت والله أركـان الهـدى
في السيفِ واويلا شيباً خُضباً
تهـدمت والله اركـان الهـدى
======ـ
طفه ضي السمه .. مشه حامي الحمه
صحت دمعي دمه .. علي بويه علي
كرهت انه العمر .. وايطر گلبي الهجر
تره اودعك جمر .. علي بويه علي
اجه البـابـك علي موكب يتامه
علي وضل يرتجي اترد بسلامه
وانته اعله الثره اموسد حرامات
عفتني وجنت انا يمك حمامه
وأنادي يا ويلاه وارتدد الصدى
تهـدمت والله اركـان الهـدى
أحمّرتْ الاجفان من هذا الجرى
تهـدمت والله اركـان الهـدى
يا ليت هذا الكون زالا وانطوى
تهـدمت والله اركـان الهـدى
======ـ
الفجر ضيمه بده .. بنعش حيدر حده
وگع وگعت نده .. علي بويه علي
ضوه عيوني انطفه .. ودلال الاب جفه
الجرح عاده الشفه .. علي بويه علي
صحت هذا النعش لجروحي اريده
وادفنوا روحي مو روح الصميده
ماتت روحي مو حيدر علي مات
وبعــد هـذا الزمن ما يهده كيده
قد جارت الايام واشّتد القسا
تهـدمت والله اركـان الهـدى
فروحي للكرار قد راحت فدا
تهـدمت والله اركـان الهـدى
وخضبوا التعداء شيبه المرتضى
تهـدمت والله اركـان الهـدى
======ـ
يبـويه المرتضه .. گضه حيلي گضه
وتغير هالفضه .. علي بويه علي
وراك اشگد ضمه .. عطش نار ودمه
مــواقـع مؤلمه .. علي بويه علي
يبـويه وتـدري بالـضيم اليـتاني
بعيده عن هلي لو مـر واجــاني
يبويه ودمعتي اتسولف معانات
غريبه وما يـــرد كلمن جفــاني
السبيُ لاحَ اليوم بعد المرتضى
تهـدمت والله اركـان الهـدى
ويحضنُ الاجفان دمعاً صافيا
تهـدمت والله اركـان الهـدى
وصرخةُ الاطفال أينَ الساقيا
تهـدمت والله اركـان الهـدى
======ـ
- خيري الصفراني ✍️
BY خيري الصفراني
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/BK_Kh2/1108