Jizzax viloyati IIB tomonidan Zarbdor tumanida muhokama yigʻilishi oʻtkazildi. Yigʻilishda joriy yilning birinchi yarim yilligida sodir etilgan qonunbuzarliklar mahallalar kesimida tahlil etilib, ularning sabab va omillari tilga olindi. Oʻz navbatida xavfsiz muhitni yaratish, mahallalarni jinoyatdan holi hududga aylantirish yuzasidan koʻrilayotgan choralar ham qayd etildi.
Shuningdek, viloyat IIB boshligʻi “Yoshlik” MFYda sodir etilgan qonunbuzarlik xususida toʻxtalib, uning yuz berishiga sabab boʻlgan omillari haqida gapirdi. Oʻz navbatida ayrim mutasaddilar vazifalarini bajarishda sustkashlikka yoʻl qoʻyayotgani tanqid qilindi. Muhokama davomida nizoli shaxslar va oilalarning muammolarini oʻrganish va hal etish orqali oila-turmush doirasidagi qonunbuzarliklar, tazyiq va zoʻravonliklarning oldini olish boʻyicha belgilangan vazifalarni tezkor va samarali hal etish choralarini koʻrish lozimligi uqtirildi.

Website | Telegram | Facebook | Youtube | Murojaatyuborish