Коӵышгу

Аслам блогам ог куинь ар ӵоже куд-ог ӟуч кыл пыр асэстэм, удмурт «вашкала» куарасӧзнэтлы тупатскымтэ кылъёсты, литературной нормалэсь пӧртэм луыса, выльысь «удмуртаса асэстӥсько»: «матема́тика» интые «матэматӥ́к» (ӵошатэ: француз mathématique, немец Mathematik), «техноло́ги(я)» интые «тэкнологи́» (technologie, Technologie), «семестр» интые «сэместыр» (валамон) но мук.

Озьы гинэ «〇〇 луысал ке, мар пӧрмысал» шуыса. Кыӵе ке рycоφо6ия мылкыдысь ӧвӧл; со фонетик асэстэмъёсты йӧспӧртэм кожамысьтым гинэ. Нош тае Твиттерысь вить адями сяна учкытэк, ма бен. Сыӵе редакционной политика, пе.

Табере тӥ, гажано лыдӟисьёс, тросгес луиллямды но, татчы поттэме но татын гожъяськон манере сярысь кылкутонэ но тросгес луиз, вылды.

(Эскереме луэм ошмесъёсъя) удмурт калыкысь тазьы вераськись-гожъяськись ӧй вал. Кемаласьгес асэстэмъёсты ӵапак ӟучъя (оло, кытӥяз бигеръя) верало вал, куд-ог куараос воштӥськыса: ӟуч [kɐnˈfʲetə] оло бигер [kæn'fʲit] — удмурт «кампет»лы, ӟуч [sɐɫˈdat] — удмурт «салдат»лы пӧрме. Кенешо вакытэ «каллыккуспо» (валано: ӟуч) кылъёсты воштыны турттэмъёсты буржуазной националис шуыса ялозы вал но, революцилэсь азьло но, Союз куашкамлэсь берло но «удмуртъя» карисьёс ӧйгес вал кадь. Анастасия Шумиловалэн «Гарри Поттэрез» берыктэмысьтыз гинэ одӥг-ог ӵошлангаос куспы «ы», «о» пыртылэм «семестыр», «магыл» кылъёсты адӟемын. (Ӟуч берыктон сямъя кариськытэк, удмурт сямен куд-ог аснимъёсты но кылъёсты берыктэмез понна гажасько.) Огъя вераса, калык тазьы, «ӟучъя» вераське но, соиз ик норма луоно.

Кенешо Союзэ пырем калыкъёслэн вал «кенешоезлэсь» пӧртэм луэм вераськон манерзы: шуом, беларусъёслэн тарашкевіцазы, украинъёслэн скрипниківказы (Харківьский правопис). (Соос шонергожъяськонъёс луо ке но, соосты озьы ик табере кыл нормаос шуымон.) Озьы ке но, со кылтодосчиос фиксировать карем, зэмос формаос луо. Нош асьмелэн тазьы уг гожъясько но уг верасько кадь. Соин, таме тодослыктэм, визьтэм кыл саптан шуыны луоз, дыр.

Соин, тӥледлы юанэ вань. Мар малпаськоды: ярамон маке-а, котьма ке но кылмес саптан-а со?

👍3

www.group-telegram.com/ar/ktwsgu.com/154

232 viewsKočyš Mikajlo, edited  Jun 30, 2023 at 15:35

Аслам блогам ог куинь ар ӵоже куд-ог ӟуч кыл пыр асэстэм, удмурт «вашкала» куарасӧзнэтлы тупатскымтэ кылъёсты, литературной нормалэсь пӧртэм луыса, выльысь «удмуртаса асэстӥсько»: «матема́тика» интые «матэматӥ́к» (ӵошатэ: француз mathématique, немец Mathematik), «техноло́ги(я)» интые «тэкнологи́» (technologie, Technologie), «семестр» интые «сэместыр» (валамон) но мук.

Озьы гинэ «〇〇 луысал ке, мар пӧрмысал» шуыса. Кыӵе ке рycоφо6ия мылкыдысь ӧвӧл; со фонетик асэстэмъёсты йӧспӧртэм кожамысьтым гинэ. Нош тае Твиттерысь вить адями сяна учкытэк, ма бен. Сыӵе редакционной политика, пе.

Табере тӥ, гажано лыдӟисьёс, тросгес луиллямды но, татчы поттэме но татын гожъяськон манере сярысь кылкутонэ но тросгес луиз, вылды.

(Эскереме луэм ошмесъёсъя) удмурт калыкысь тазьы вераськись-гожъяськись ӧй вал. Кемаласьгес асэстэмъёсты ӵапак ӟучъя (оло, кытӥяз бигеръя) верало вал, куд-ог куараос воштӥськыса: ӟуч [kɐnˈfʲetə] оло бигер [kæn'fʲit] — удмурт «кампет»лы, ӟуч [sɐɫˈdat] — удмурт «салдат»лы пӧрме. Кенешо вакытэ «каллыккуспо» (валано: ӟуч) кылъёсты воштыны турттэмъёсты буржуазной националис шуыса ялозы вал но, революцилэсь азьло но, Союз куашкамлэсь берло но «удмуртъя» карисьёс ӧйгес вал кадь. Анастасия Шумиловалэн «Гарри Поттэрез» берыктэмысьтыз гинэ одӥг-ог ӵошлангаос куспы «ы», «о» пыртылэм «семестыр», «магыл» кылъёсты адӟемын. (Ӟуч берыктон сямъя кариськытэк, удмурт сямен куд-ог аснимъёсты но кылъёсты берыктэмез понна гажасько.) Огъя вераса, калык тазьы, «ӟучъя» вераське но, соиз ик норма луоно.

Кенешо Союзэ пырем калыкъёслэн вал «кенешоезлэсь» пӧртэм луэм вераськон манерзы: шуом, беларусъёслэн тарашкевіцазы, украинъёслэн скрипниківказы (Харківьский правопис). (Соос шонергожъяськонъёс луо ке но, соосты озьы ик табере кыл нормаос шуымон.) Озьы ке но, со кылтодосчиос фиксировать карем, зэмос формаос луо. Нош асьмелэн тазьы уг гожъясько но уг верасько кадь. Соин, таме тодослыктэм, визьтэм кыл саптан шуыны луоз, дыр.

Соин, тӥледлы юанэ вань. Мар малпаськоды: ярамон маке-а, котьма ке но кылмес саптан-а со?

BY Коӵышгу