group-telegram.com/shamsinurijodi/18826
Last Update:
#МЕНГА_КЕРАКСАН
МУАЛЛИФ ШАМСИНУР
30-қисм
Комил машинани аста секин тўхтатди. Аммо юрагидаги ғалаённи яшира олмади. Юзида кулгу буни сездириб қўярди. Зилола эса у томонга қарамасликка ҳаракат қиларкан, юзидаги ранг сўнган, кўзлари тўла изтироб эди. Имкон борича машинага чиқмаса дерди. Аммо на илож.
— Сизларникига бораётгандим? — деди Зилола секингина.
Комил бир зум жим қолди. Сўнг эшикни очди: — Ўтир.
Зилола секин юриб машинага ўтирди. Орқа ўриндиққа ийманибгина ўтирди. Машина ҳаракатга келди. Бир неча дақиқа жим кетишди. Фақат моторнинг овози эшитилар, иккисидан ҳам садо чиқмасди.
— Ўша куни жахл қилиб кетиб қолдинг? — Комил ниҳоят оғиз очди.
Зилола жавоб бермади. Кўзларини деразага қадаб олганди.
— Менга юрагингни очмаганинг учун... Диёр билан... Тўйга рози бўлмоқчи эдингми?
— Тўхтанг, Комил ака! — Зилола овозини кўтармади, аммо оҳанги қатъий эди. — Энди булар ҳақида гапирмайлик. Мен опамнинг уйига бораяпман. Сизнинг бунақа гапларингизни эшитгани эмас.
Комил бир лаҳза унга қаради. Унинг сўзлари юрагини тилка-пора қилгандек бўлди. Ўзини босиб, яна йўлга қаради.
— Демак, ҳаммаси тугаган, шундайми? — деди у худди сўнгги умидини синовдан ўтказаётгандек.
Зилола чуқур нафас олди. — Тугаганига анча бўлди, Комил ака. Сиз энди бошқа бировнинг бахтисиз. Мен эса... Мен неча минг марта бу гапни айтсам ҳам сизга тушунтиролмадим.
- Зилол мени биласан. Барибир бировга тегишингга қўймайман. Камига опанг асабимга тегяпти. Унга эрни кераги йўқ.
Зилола бўғзини куйдирган гапни гапирди.
- Опам фарзанд кутаётган экан. Сиз эса унга яқин бормадим дедингиз. Яқинда фарзандли бўласиз. Мени тинч қўйинг.
- Жоним бунақа гапларни гапирма. Биласанку ҳаётимда ўрнинг қанақа эканини. Сен ягона муҳаббатимсан. Опангга келсак эр-хотинмиз барибир бошқача бўлиши мумкин эмас. Лекин у мени қизиқтира олмади. Сен эмас у.
- Бу хато, бу катта гуноҳ. Ҳеч ким бизни яхши тушунмайди барибир.
- Сен менга тегишлисан. Эсингда турса бўлди.
Зилола индамади. Комилни бунақа ҳудбинлигини ҳазм қилиши қийин бўлаётганди.
Машина секинлаб опасининг маҳалласига яқинлашди. Зилола тугунни маҳкам қучди.
— Опангга ҳаммасини тушунтирармиз.
Аслида бу воқеа бўлмаслигини аниқ билса ҳам, Комил жўрттага гапирди.
— Шарт эмас. Опамга сиз ҳақингизда гапирмайман. Сиз ҳам мен ҳақимда ҳеч нарса деманг.
Комил машинани тўхтатди. Зилола чиқмоқчи бўлди, аммо Комил унинг билагидан тутди.
— Зилола… Мен сени доимги жойимизда кутаман. Келмасанг муаммо чиқади.
Зилола индамай машинадан тушди. Кейин олдинма кетин ҳовлига кириб боришди. Санобар опа Зилолани кўриб қошлари чимирилди. Камига у ўғли билан кириб келганди.
- Захроооо
Комил хотинини чақирди.
- Ётибди, мазаси йўқ.
Комил Зилолага кўрдингми дегандек қарадида орқа ҳовлига ўтиб кетди.
- Ассалому алайкум қуда ҳола.
- Ваалайкум.
Санобар опа очиқчасига ёқтирмаётганини сездириб қўйди.
Зилола эса опасини хонаси томон юрди.
Давоми бор...
Реакция бу мехр
https://www.group-telegram.com/ar/shamsinurijodi.com
