Анаабыр улууһун ытык кырдьаҕастарын кытта көрсөн, кэлэн иhэр саҥа дьылынан эҕэрдэлээн кэллим. Улуус бочуоттаах олохтооҕор Николай Георгиевич Габышевка, тыыл бэтэрээннэригэр Степанова Мария Васильевнаҕа уонна бүгүн 97 сааhын туолбут Андросова Мария Михайловнаҕа сырыттым, санаабытын үллэстэн, кинилэр сүбэлэрин истэн тарҕастыбыт.

Күндү дьоммор, биир дойдулаахтарбар чэгиэн туругу, этэҥҥэ буолууну, нус-хас олоҕу баҕарабын. Ытык саастаах дьоммутун кыра-улахан ситиhиилэрбитинэн үөрдэ туруох, эйэҕэс сыһыаммытынан үйэлэрин уhатыах.

Бу ааһан эрэр сылы кытта эҥэрдэспит уустуктары утааран, кэлэр кэскилгэ эрэмньилээх уонна бигэ санаалаах 2025 сылга эрэллээхтик үктэнэн киириэххэ. Бу сыл элбэх ситиһиини, үгүс үтүөнү тосхойдун!

#Анабарскийрайон