group-telegram.com/aaaaaaaaayy/62967
Last Update:
#قصائد_استشهاد_اللامام_الحسين_ع
نزله
الليله جمعه الليله * المهدي دمعه ايسيله
الليله جمعه الليله * المهدي دمعه ايسيله
🏴•••••🏴•••••🏴•••••🏴•••••🏴1
يبدي من يوم الطفوف المايفارگ بـــالـــه
جــده عـافـو عالوطيه ويسروها اعـيـالــه
ظل ثـــلـــث تيام وبنـــه للطف اتـــعنالـــه
دفن بيده حـسـيـن ابوه ودفن كل ارجالـه
ورجع منهد حيله * المهدي دمعه ايسيله
🏴•••••🏴•••••🏴•••••🏴•••••🏴2
مانسه السـجــاد لحظه ومانساها ايامـــه
گظه كل عمره وحياته يلطم اعلى الهامـه
انهار يومه يگظي حسره وليله من اينامه
يحلم ابخيل وصريخ ونار حرگ اخيـامــه
سهر يخلص ليله * المهدي دمعه ايسيله
🏴•••••🏴•••••🏴•••••🏴•••••🏴3
راح زيـــن العابــديـــن ودخل لدواوينـــها
شافها معيده ومـــدنها اهــلها امزينينـــها
والسبايــه الاجت الها ابطبـــل متلگينـــها
ايعينك الله يلـــعليـل وعمتك الله ايعينها
سالفتها اطويله * المهدي دمعه ايسيله
🏴•••••🏴•••••🏴•••••🏴•••••🏴4
زينب وزينب الفگدت كل اهلها ونــاســـها
رايح اذكر موقف الها ابيوم شيب راسها
لگت فوگ الغبره خوها ونجرح احساسها
شيـبـت يم اللي شيب راسه يم عـبــاسـها
گعدت وتحجيله * المهدي دمعه ايسيله
🏴•••••🏴•••••🏴•••••🏴•••••🏴5
موقف الخله ابوصالح دم تسيل ادموعــه
من طلع ظعن السبايه وبي حرم مفجوعه
شلون راح اتشم هوه الله والزلم مجموعه
الحجي ماينحجي كله الماوعه خل يوعـه
العله نوگ اهزيله * المهدي دمعه ايسيله
🏴•••••🏴•••••🏴•••••🏴•••••🏴6
آه من الـــشـــام گـــال وآه من امـصابـــه
حبـــال مشدوده بدينه وگفونــه ابـــابـــه
والخرابـــه موقف الها ماحسبنه حسابـــه
من رقـيــه فزت النه اتصيح اريدن بابـــه
مادره ابهل عيله * المهدي دمعه ايسيله
🏴•••••🏴•••••🏴•••••🏴•••••🏴7
گلهم اخذو الطشت الها يمها خلي انعوفه
الصبح مايصبح عليها ابكثــر ماملهـوفــه
ريت هذا الجابه الها الله شل اجـفـــوفــه
ماتت وحسره ابگلبها اتريد ابوها اتشوفه
امن ارفعة منديله * المهدي دمعه ايسيله
🏴•••••🏴•••••🏴•••••🏴•••••🏴
#الشكرلله خادم الزهراء ع ملا علي
#نسالكم_الدعاء48✍
🏴•••••🏴•••••🏴•••••🏴•••••🏴?
🕊💦🖤💦🕊
*
#نسالكم_الدعاء
جديد ان شاء الله
يامهدي عج
BY قصائد لجميع الشعراء ملحنه
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/aaaaaaaaayy/62967