group-telegram.com/SevaraJournalist/14129
Last Update:
“Partiyalar uyg‘ondimi?” — Xalqaro jurnalistika fakultetida ochiq dars bo‘lib o‘tdi
Bugun O‘zbekiston davlat jahon tillari universitetining Xalqaro jurnalistika fakultetida bitiruvchi talabalar ishtirokida “Partiyalar uyg‘ondimi?” mavzusida matbuot anjumani shaklida ochiq dars tashkil etildi.
Tadbir davomida talabalar turli siyosiy partiyalar vakillari sifatida ishtirok etib, o‘z partiyalarining pozitsiyasi va dasturlarini jamoatchilikka taqdim etdilar. Bo‘lajak jurnalistlar sifatida esa ular partiya vakillariga o‘zlarini qiziqtirgan dolzarb savollarni yo‘llab, bahs-munozaralarda faol qatnashdilar.
Dars davomida ochiq muloqot, fikrlar almashinuvi hamda tahliliy yondashuvlar asosida muhokamalar olib borildi. Shuningdek, siyosiy partiyalar vakillari ham ishtirok etib, yoshlarga o‘z tajribasi va qarashlarini ulashdilar. Ularning ishtiroki ochiq dars mazmunini boyitib, talabalar uchun amaliy tajriba maktabiga aylandi.
Mazkur ochiq dars fakultet dekani A. Matyaqubov hamda S. O‘rinbayeva hamkorligida tashkil etildi.
Telegram | Instagram | Facebook | Sayt
