🇺🇿 БЎКА – ЯНГИ ЎЗБЕКИСТОН ҚИЁФАСИДАГИ ТУМАН

Президентимизнинг 2025 йил 8 октябрдаги ПҚ-298-сонли қарори билан Бўка тумани “Янги Ўзбекистон қиёфасидаги туман” мақомига эга бўлади.

🖥 Бу қарор — Бўка ҳаётида янги босқични бошлайдиган, ҳудудни тубдан янгилайдиган ислоҳотлар дастуридир.

Қарорга кўра, Бўкада:
✅аҳоли яшаши ва тадбиркорлик фаолияти учун қулай муҳит яратилади;
✅маҳаллаларда замонавий инфратузилма, тоза энергия, қулай йўл ва ижтимоий хизматлар барпо этилади;
✅янги иш ўринлари, кичик саноат ва хизмат кўрсатиш марказлари ташкил этилади;
✅қишлоқ ҳудудларига шаҳар муҳити ва ҳаёт даражаси олиб кирилади.

🖥 Қарорга мувофиқ, ҳар йили Бўкада:
✅юқори қийматли маҳсулотлар ишлаб чиқариш ва саноат зоналарини кенгайтириш орқали иқтисодий ўсиш бошқа ҳудудларга нисбатан 2–3 % га ошади;
✅камида 10 та йирик инвестиция лойиҳаси амалга оширилади;
✅маҳаллий корхоналарнинг 3–5 таси экспорт фаолиятига чиқади;
✅“яшил” ва энергия тежамкор технологиялар жорий этилади.
✅камида 200 гектар ер майдони электрон аукцион орқали тадбиркорларга берилади;
✅саноатлашган боғлар ташкил этилади;
✅томчилатиб суғориш ва юқори ҳосилдор уруғлар тизими йўлга қўйилади;
✅деҳқонлар учун агрономия бўйича амалий ўқувлар ўтказилади.

2026 йилдан бошлаб Бўкадаги барча давлат бинолари ва ижтимоий муассасалар:
✅фақат энергия тежамкор технологиялар асосида қурилади ва реконструкция қилинади;
✅“ноль энергия сарфли бинолар” концепцияси бўйича модернизация қилинади.

Бутун республика бўйлаб “Янги Ўзбекистон қиёфасидаги туманлар” дастури учун 7 триллион сўмдан ортиқ маблағ ажратилади.

Бўка тумани ҳам бу маблағлар ҳисобига инфратузилма, иш ўринлари ва янги саноат ҳудудларини яратиш имкониятига эга бўлади.

Бўка энди нафақат тарихий ва аграр ҳудуд сифатида, балки:
✅янги саноат,
✅замонавий хизматлар,
✅қулай яшаш муҳити
билан ажралиб турадиган намунали туманга айланади.

https://www.group-telegram.com/abdumannop_buriyev.com

🕊️ Ғазода уруш тугади - дунё тинчлик сари яна бир қадам ташлади.

🌍 Кеча тарих саҳифаларида янги боб очилди: ҲАМАС ва Исроил ўртасида доимий ўт очишни тўхтатиш ҳақидаги битим кучга кирди. ҲАМАС музокаралар гуруҳи раҳбари Халил ал-Хайянинг баёнотига кўра, бу сафарги келишув нафақат сўзда, балки АҚШ ва воситачи давлатларнинг қатъий кафолати билан таъминланган.

Бу битим фақатгина сиёсий воқелик эмас, балки узоқ давом этган азоб-уқубатлардан сўнг "инсоният виждони"нинг ҳақиқий ғалабасиҳамдир. Кўплаб айбсиз болалар, аёллар ва кексаларнинг қурбон бўлишига сабаб бўлган бу уруш ниҳоят якунланди.

🤝 Келишувга кўра:
✅Рафаҳ чегараси очилади ва гуманитар ёрдам йўллари тўлиқ тикланади.
✅Исроил ва Ҳамас маҳбусларини алмашади.
✅Исроил қўшинлари босқичма-босқич Ғазодан олиб чиқилади.

Энди Ғазо ўз жароҳатларини битказиш, иқтисодий тикланиш, инсон қадрини тиклаш ва янги, тинч ҳаёт сари йўл олиш имкониятига эга бўлади.

🇺🇿 Таъкидлаш жоизки, Ўзбекистон бу можарони тинч йўл билан ҳал этилишида қатъий ва инсонпарвар позициясини доимий равишда намоён этиб келди.

Президентимиз Шавкат Мирзиёев БМТ Бош Ассамблеяси, ШҲТ, МДҲ, Туркий давлатлар ташкилоти ва бошқа нуфузли халқаро минбарларда Яқин Шарқдаги можарони тинч йўл билан ҳал этиш зарурлигини очиқ-ойдин таъкидлаб келди.

🌐 Хусусан, давлатимиз раҳбари ўтган ойда БМТ минбаридан туриб, Ғазодаги кескин гуманитар инқирозга жаҳон ҳамжамияти эътиборини қаратиб, муаммони ҳал этишнинг ягона йўли — "икки халқ учун - икки давлат" тамойилини амалга ошириш эканлиги ҳақида қатъий фикр билдирган эди.

Шунингдек, куни кеча Габала шаҳрида бўлиб ўтган Туркий давлатлар саммитида ҳам Ғазо секторидаги фожианинг барчани ташвишга солаётгани ҳақида қатъий таъкидлади.

Ўзбекистоннинг Фаластин халқига кўрсатаётган инсонпарвар ёрдами ҳам юксак инсонийлик намунаси бўлди. Бу борада Президентнинг алоҳида Фармони қабул қилиниб, жангларда жабр кўрган ғазолик болалар ва аёллар юртимизга олиб келинди, уларга шифо ва меҳр эшиклари очилди.

🕊Ғазодаги уруш якуни тинчликни қадрлаш, уни асраш ҳар бир миллатнинг, ҳар бир инсоннинг муқаддас бурчи эканлигини яна бир бор исботлади.

🌀 Ғазо секторидаги ўт очишни тўхтатиш бўйича эришилган келишув юзасидан Қонунчилик палатаси депутатлари ўз муносабатларини билдирди:

✅Улуғбек Шерматов:

Ташқи ишлар вазирлиги Ўзбекистон Республикаси АҚШ Президенти Доналд Трампнинг бевосита кўмагида Ғазо секторида ўт очишни тўхтатиш ва гаровга олинганларни озод этиш бўйича эришилган келишувни олқишлади.
Миср, Қатар ва Туркиянинг ушбу муҳим жараёнда мувофиқлаштирилган фаолиятини ва уларнинг муҳим ролини юқори баҳолаймиз, деб таъкидланди баёнотда.
Албатта ушбу келишув Ғазо секторидаги фожианинг ечилишига катта ҳисса қўшади деб умид билдирамиз.

✅ Абдуманноп Бўриев:

Кеча тарих саҳифаларида янги боб очилди: ҲАМАС ва Исроил ўртасида доимий ўт очишни тўхтатиш ҳақидаги битим кучга кирди. ҲАМАС музокаралар гуруҳи раҳбари Халил ал-Хайянинг баёнотига кўра, бу сафарги келишув нафақат сўзда, балки АҚШ ва воситачи давлатларнинг қатъий кафолати билан таъминланган.
Бу битим фақатгина сиёсий воқелик эмас, балки узоқ давом этган азоб-уқубатлардан сўнг "инсоният виждони"нинг ҳақиқий ғалабасиҳамдир. Кўплаб айбсиз болалар, аёллар ва кексаларнинг қурбон бўлишига сабаб бўлган бу уруш ниҳоят якунланди.

✅Шухрат Шарафутдинов:

Бунда Фаластин халқи кўп азиятлар чекди, биз улар билан доим бирдам эканлигимизни, қўллаб-қувватлашимизни билдириб келдик. Ўзбекистон Президентининг Ғазо сектори аҳолисига баҳоли қудрат ёрдам кўрсатиш учун Бирлашган Миллатлар Ташкилотининг Яқин Шарқ агентлигига 1 миллион 500 минг доллар ажратиш ҳақидаги қарори қабул қилинди.
Бу борада, Давлатимиз раҳбари “Биз Фаластин халқи билан бирдам эканимизни қатъий билдирамиз ва унинг Бирлашган Миллатлар Ташкилоти Бош Ассамблеяси ва Хавфсизлик Кенгашининг илгари қабул қилинган резолюцияларига мувофиқ ўз мустақил давлатини барпо этишга бўлган ҳуқуқини қўллаб-қувватлаймиз", - деган эди.

✅Мухаммад Валиев:

Ўзбекистон тинчлик ва барқарорлик ғояларини изчил равишда илгари суриб келмоқда. Президентимиз Бирлашган Миллатлар Ташкилоти Бош Ассамблеясининг 80-сессияси ҳамда Туркий давлатлар ташкилоти саммитидаги чиқишларида Ғазо секторидаги оғир гуманитар вазиятдан чуқур ташвиш изҳор этиб, ҳарбий ҳаракатларни дарҳол тўхтатиш ва сиёсий музокараларни давом эттириш зарурлигини таъкидлаган эди. Шу билан бирга, “икки халқ учун – икки давлат” тамойилини амалга ошириш BMT резолюцияларига мувофиқ, минтақада барқарорликка эришишнинг ягона йўли эканини қайд этган.
Дунёда осойишталик ҳукм суриши эса барчамиз учун энг улуғ ва қимматли мақсад бўлиб, инсониятнинг умумий интилишига айланиши лозим. Барқарор вa абадий тинчлик Ғазо заминида, бутун Яқин Шарқда мустаҳкам қарор топсин!

✅Шахноза Холмахаматова:

Ўт очишни тўхтатиш бўйича эришилган келишув вақтинчалик сулҳ эмас, балки умид, ишонч ва барқарорлик сари ташланган муҳим қадамдир. Узоқ йиллик можароларни ҳал этиш йўлида ҳар бир тинчлик ташаббуси — инсониятнинг умумий ғалабасидир.
Шу маънода, Ўзбекистоннинг халқаро минбарлардаги қатъий позицияси, амалий инсонпарварлик ташаббуслари ва тинчлик дипломатияси Яқин Шарқда адолатли тинчликка эришишга хизмат қилмоқда ва бу ёлда Ўзбекистон доимо конструктив мулоқот ва ёрдамга тайёр. Тинчлик — инсониятнинг энг олий қадриятидир. Уни асраш ва мустаҳкамлаш ҳар бир виждонли инсоннинг бурчидир.

✅ Kun mavzusi

Парламент фаолияти янги босқичда: депутатлар ташаббуслари сони ортаяпти

👏Сўнгги пайтларда деярли ҳар бир ялпи мажлисда депутатлар қонунчилик ташаббуси асосида тайёрлаган 1–2 та қонун лойиҳаси кўриб чиқилиб, маъқулланмоқда.

📈 Бу — мамлакатимизда парламентнинг қонун ижодкорлигидаги фаоллиги ортиб бораётганини кўрсатувчи яхши тенденциядир.

❗️Қонунчилик ташаббуси ҳуқуқига эга субъектлар томонидан киритилган қонунлар орасида депутатлар улушининг ошиб бориши, энг аввало, қонунлар халқ манфаати ва ҳаётий эҳтиёжлардан келиб чиқиб қабул қилинишига хизмат қилади деб ўйлайман.

Маьлумот учун. Эртанги ялпи мажлисда ҳам депутатлар томонидан ташаббус қилинган иккита қонун лойиҳаси кўриб чиқилади.

https://www.group-telegram.com/abdumannop_buriyev.com