group-telegram.com/hawramanhaneberchem/16390
Last Update:
من چەنی تۆمەن سۆمایی چەمان
کەی ماری مەڵھەم پەی سۆتەی زامان؟
ئی گردە زامێ خەڵاتێ تۆنێ
ئەگەر تۆم نەبی کێ کەرۆم دەرمان
ھانەکلەو داخا پلوورەش یاس کەردە
قەڵوەزەش جارین سەر ھەتا دامان
شەوەو بێ کەسیم زامێم لاونای
گێڵنامەو پەیشا چیرۆکێ خەمان
خەیاڵێ تاسەیت وەنەوزیش ڕەمنای
ئی دێوە چێشەن کەردەنت مێمان؟
شەوەو فێراقیت ھەر نەبڕیاوە
نمەز جە عەشقی تۆ چێشت فامان؟
ھەۆرە شرێخەو ناڵەوھاواریم
ڕھێڵەش ھۆرست بێ دین وئیمان
ئەیۆب نەمەنەن سەبر چێش سانوو
ماتەم زەدەنا چوون سیا جامان
مەر قەسەم نامەم پەی تۆ مۆر نەکەرد
کاسەن کاسەی سەر پێسەت سەر ئامان
جۆگێ تاقەتی بڕیا باوەرش
ولەو ئاواتی خەمیا چوون کەمان
دەلاڤە کۆنەو یانەو خاترا
مەد٘یۆ کۆڵانە کەی مەی خەرامان
ئازیز ئەگەر بەی سەبووری باری
"بێدڵ"شاھەنشان سەڵوی خەرامان
#بێدڵ
BY هەورامان هانەبەرچەم
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/hawramanhaneberchem/16390