group-telegram.com/muztafa_0/34
Last Update:
يافكد الاهل اشبه بالاجل
خيط وبلشمس للعيشه الامل
.........
يفراك الاهل سيف ابدليلي
هدم جالي انهدم بلفركه حيلي
امتيهات النوايب تعتنيلي
كضتهم وانه اصيح ياكفيلي
اصيحن ياكفيلي وهاي الضعون
هزله وشامت ايسوك
عكب عزي ودلالي وخدري عباس
طبو بيه للسوك
ردت بس لوتشاكف عن المتون
جبير ازغير مطكوك
زينب بلسبي شو محد سأل
خيط وبلشمس للعيشه الامل
ناس ابلا. رحم واستوحدونه
اليهابونه ابذجر هسا سبونه
منضرنه اختلف مو ذاك لونه
ورد طحنه بجفوف الماسكونه
يبسنه وبعد مانستطعم الماي
جي يبس ولينه
مهر لامي انعطه وكبرنه اله الشان
واستكبر علينه
مثلهم هم كفر من راده الحسين
مانكط جبينه
ماي البوجه منعدهم جفل
.....
يخوتي ووجهي وين اطي بلأيتام
ليل و كلهه تبجي ومحد اينام
نهابه الليل بجفاكم يالخيام
وكاودنه الدمع منانه للشام
تضل سولته عيونه الفاكد اخوان
مايسكت بجيهه
يعرف مايجونه ويربي الادروب
هلبت يعتنيهه
وزينبكم والعيال اببجي الليل
دمع متروسه اديهه
ساهرنه البجي غفه بينه الزعل
.....
اعذروني من ازيدلكم بلعتاب
عتب شوك السوالف وي الاحباب
شبيهه اكلوبنه ونمتو اعله التراب
العطاشه اعيونهم من رحتو خنياب
الجان ايلوج من العطش يحسين
امنكع الكاع دمعه
العليل الشوفتك عكازته اتصير
يكوم ابيش اقنعه
وربابك علكماط اكباللهه نشوف
صخر بالون تصدعه
راوينه الدمع من راح الكفل
......
شكللكم لمن طبينه للشام
احجار اعيونهم لكلوبنه الجام
يلجمنه الضحك من عدهم اسهام
بيت واستقرن بينه الالام
اعله باب الساعه حفنه اسنين ذبيت
شيب الشيب اجاني
يخويه وبلحجار وذيج الاطبول
ردت كبري بمجاني
او بلديوان صح وجيتهم ناار
طك شفتك جواني
ماهدنه الحزن نص ومستهل
خيط وبلشمس للعيشه الامل
مصطفى خالد
BY مصطفى خالد الجبوري
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/muztafa_0/34