group-telegram.com/parkent_tongi/23105
Last Update:
#Фахр
Аввал хабар берганимиздек, “Соғлом танда – сифатли таълим” шиори остида умумий ўрта таълим мактаблари ўқитувчи-ходимлари ўртасида спорт мусобақаларининг Паркент туман босқичи 1-сонли ИДУМда бўлиб ўтган эди.
Мазкур мусобақаларнинг ғолиблари Тошкент вилоят босқичида Паркент тумани шарафини муносиб ҳимоя қилди.
Тумандошларимиз жорий йилнинг 17 май куни Нурафшон шаҳрида “Соғлом танда – сифатли таълим” спорт мусобақаларининг вилоят якуний босқичида иштирок этишди.
Ушбу босқичда Паркент туманининг 22 нафар ўқитувчи-ходимидан иборат жамоаси спортнинг волейбол, шахмат, шашка ва стол тенниси турлари бўйича баҳсларда қатнашишди.
Якуний натижаларга кўра, 24 мактаб ўқитувчилари (эркаклар) жамоаси волейбол, 12-мактаб ўқитувчиси Дилфуза Эштоева стол тенниси, 4-мактаб ўқитувчиси Лобар Озодбоева шахмат мусобақаларида ғолиб бўлди.
Шунингдек, 58-мактабнинг ўқитувчилари (хотин-қизлар) жамоаси волейбол мусобақаларида 2-ўринни эгаллади.
Ғолиб ва совриндорлар Ўзбекистон касаба уюшмалари Федерацияси, Мактабгача ва мактаб таълими вазирлиги, Спорт вазирлиги ва Ёшлар ишлари агентлигининг дипломи ва эсдалик совғалари билан тақдирланди.
Паркент тумани жамоаси умумий ҳисобда 19 балл тўплаб мусобақанинг мутлоқ ғолиби бўлди.
Улар Ўзбекистон касаба уюшмалари Кубоги ва 1-даражали дипломи ҳамда 30 миллион сўм пул мукофоти билан тақдирланди.