group-telegram.com/toshkenttumanihokimligi/25855
Last Update:
#Muloqot
Tadbirkorlar bilan ochiq muloqot oʻtkazildi
Joriy yilning 7-noyabr kuni Toshkent tumanidagi "Inson" ijtimoiy xizmatlar markazi binosida “Mikrokreditbank” Toshkent viloyati mintaqaviy filiali boshligʻi O.Isanov tomonidan tadbirkorlarning sohadagi mavjud muammolarini bartaraf etish, takliflarini oʻrganish yuzasidan ochiq muloqot tashkil etildi.
Ochiq muloqot, "Mikrokreditbank" ATB boshqaruv raisi oʻrinbosari Ulugʻbek Abraxmatov, "Mikrokreditbank" ATB Toshkent viloyati mintaqaviy filiali boshligʻi Orif Isanovlar boshchiligida boʻlib oʻtdi va unda Toshkent tumani hokimining birinchi oʻrinbosari Rahimjon Riqsiyev ham ishtirok etdi.
Uchrashuvda tadbirkor va eksportyorlarning mavjud muammolari tinglanib, ularga oʻz bizneslarini rivojlantirish uchun bugungi kunda mavjud imkoniyatlar haqida batafsil tushuncha berildi.
Xususan, Uychi va Sayxunobod tajribasini tuman hududida amalga oshirish uchun yaratilgan imtiyozlar va shart-sharoitlar haqida maʼlumot taqdim etilib, mahallalarda rivojlanib kelayotgan kichik ishlab chiqarish va sanoat yoʻnalishlari yanada rivojlantirish hamda aholi tomorqalaridan samarali foydalanishni yoʻlga qoʻyish hisobiga mahallalarni ixtisoslashuvini chuqurlashtirish singari masalalar muhokama qilindi.
Shuningdek mahallalarda aholiga ijaraga berilgan yer maydonlarida “Bir kontur bir mahsulot” tamoyili asosida yuqori daromadli mahsulotlarni ekishni tashkil etish hamda ijaraga yer olgan fuqarolarni rasmiylashtirib dehqon xoʻjaliklarini tashkil etish, bunda, “agregator”, “Lider” tadbirkorlar jalb qilish va kooperatsiya tizimini yoʻlga qoʻyish orqali aholi daromadini oshirish singari masalalar muhim ahamiyat kasb etishi taʼkidlandi.
