group-telegram.com/ecopartyuzb/35374
Create:
Last Update:
Last Update:
Aholi muammolarini o’rganish yuzasidan sayyor qabul oʻtkazildi
Poytaxtimizning Yakkasaroy tumani “Damariq” mahallasida Xalq deputatlari Yakkasaroy tuman Kengashi raisi, tuman hokimi N.Allabergenova, O’zbekiston Ekologik partiyasidan saylangan tuman Kengashi deputati N.Yoqubov, korxona va tashkilot mas’ullari ishtirokida aholi bilan sayyor qabul tashkil etildi.
Qabul jarayonida aholi bandligi, kommunal sohadagi muammolar, uy-joy masalalari, taʼmirlash, subsidiyalar olish kabi muammolar boʻyicha oʻz murojaatlarini bildirishdi.
Hal etilishi vaqt talab etadigan masalalar boʻyicha aniq muddat belgilanib, tegishli tashkilotlarga masʼuliyat yuklatildi va mutasaddilarga deputat so'rovi yuborilishi ma'lum qilindi.
Sayyor qabul yakunlangach, tuman hokimi boshchiligida mahalla hududi ko‘zdan kechirib, aniqlangan kamchiliklarni zudlik bilan bartaraf etish yuzasidan tegishli mutasaddilarga topshiriqlar berildi.
