Tajikistan Football Federation|Федерация футбола Таджикистана ✔

Forwarded from Tajikistan Football League | Лигаи футболи Тоҷикистон

Бахшида ба Рӯзи ҷаҳонии футбол Фестивали варзишии футбол дар шаҳри Хуҷанд баргузор гардид

Имрӯз бахшида ба Рӯзи ҷаҳонии футбол дар варзишгоҳи "20-солагии Истиқлолияти Тоҷикистон"-и шаҳри Хуҷанд Фестивали варзишии футбол баргузор гардид.

Қабл аз оғози фестивал ҷавонону наврасон ва варзишгарони вилоят роҳпаймоӣ намуданд.
Сипас, дар варзишгоҳ чорабинӣ идома ёфт ва муовини Раиси вилояти Суғд Даврон Зоҳидзода аз номи Раиси вилояти Суғд Раҷаббой Аҳмадзода сокинонро бо Рӯзи ҷаҳонии футбол, ки бори якум таҷлил шуд, табрик намуд.
Қайд карда шуд, ки 7 май Маҷмааи Умумии Созмони Милали Муттаҳид бо қабули қатънома 25 майро Рӯзи ҷаҳонии футбол эълон кард.
Ташаббуси эълони Рӯзи ҷаҳонии футбол аз ҷониби Президенти Ассотсиатсияи футболи Осиёи Марказӣ, Президенти Федератсияи футболи Тоҷикистон, Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустам Эмомалӣ пешниҳод шудааст.

Соҳаи тарбияи ҷисмонӣ ва варзиш, хосатан футбол дар кишвар бо таваҷҷўҳ ва дастгириҳои бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва саҳми беназири Президенти Федератсияи футболи Тоҷикистон муҳтарам Рустами Эмомалӣ сол аз сол рушд ва инкишоф ёфта истодааст.
Зеро футбол ҳамчун яке аз намудҳои оммавитарини варзиш эътироф шуда, муваффақиятҳои дар мусобиқаҳои байналмилалӣ, аз ҷумла дар чемпионатҳои Осиё оид ба футбол ба даст омада, бешубҳа аз неруву иқтидор, сатҳи солимӣ ва маънавии ҳар як миллат шаҳодат медиҳад.

Рушди футбол ҷиҳати амалигардонии сиёсати давлатии соҳаи тарбияи ҷисмонӣ ва варзиш, маҳз ба хотири таъмини оммавияти он, таҳкими тарзи ҳаёти солим, мусоидат намудан ба омодакунии варзишгарони касбии тоҷик барои иштироки онҳо дар мусобиқаҳои байналмилалӣ амалӣ мегардад.

Дар идомаи чорабинӣ Дониёрзода Сайвалӣ, директори генералии Лигаи футболи Тоҷикистон ва раиси шаҳри Хуҷанд Фирдавс Шарифзода низ сокинонро бо Рӯзи ҷаҳонии футбол табрик карданд.

Миёни мухлисон ва ҳаводорони футбол викторина ва саволу ҷавоб сурат гирифта, ба ғолибон туҳфаҳои мақомоти иҷроияи ҳокимияти давлатии вилоят супорида шуд.

👍2👏1

www.group-telegram.com/id/fft_official.com/49262

1.46K viewsMay 25, 2024 at 15:05

Бахшида ба Рӯзи ҷаҳонии футбол Фестивали варзишии футбол дар шаҳри Хуҷанд баргузор гардид

Имрӯз бахшида ба Рӯзи ҷаҳонии футбол дар варзишгоҳи "20-солагии Истиқлолияти Тоҷикистон"-и шаҳри Хуҷанд Фестивали варзишии футбол баргузор гардид.

Қабл аз оғози фестивал ҷавонону наврасон ва варзишгарони вилоят роҳпаймоӣ намуданд.
Сипас, дар варзишгоҳ чорабинӣ идома ёфт ва муовини Раиси вилояти Суғд Даврон Зоҳидзода аз номи Раиси вилояти Суғд Раҷаббой Аҳмадзода сокинонро бо Рӯзи ҷаҳонии футбол, ки бори якум таҷлил шуд, табрик намуд.
Қайд карда шуд, ки 7 май Маҷмааи Умумии Созмони Милали Муттаҳид бо қабули қатънома 25 майро Рӯзи ҷаҳонии футбол эълон кард.
Ташаббуси эълони Рӯзи ҷаҳонии футбол аз ҷониби Президенти Ассотсиатсияи футболи Осиёи Марказӣ, Президенти Федератсияи футболи Тоҷикистон, Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустам Эмомалӣ пешниҳод шудааст.

Соҳаи тарбияи ҷисмонӣ ва варзиш, хосатан футбол дар кишвар бо таваҷҷўҳ ва дастгириҳои бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва саҳми беназири Президенти Федератсияи футболи Тоҷикистон муҳтарам Рустами Эмомалӣ сол аз сол рушд ва инкишоф ёфта истодааст.
Зеро футбол ҳамчун яке аз намудҳои оммавитарини варзиш эътироф шуда, муваффақиятҳои дар мусобиқаҳои байналмилалӣ, аз ҷумла дар чемпионатҳои Осиё оид ба футбол ба даст омада, бешубҳа аз неруву иқтидор, сатҳи солимӣ ва маънавии ҳар як миллат шаҳодат медиҳад.

Рушди футбол ҷиҳати амалигардонии сиёсати давлатии соҳаи тарбияи ҷисмонӣ ва варзиш, маҳз ба хотири таъмини оммавияти он, таҳкими тарзи ҳаёти солим, мусоидат намудан ба омодакунии варзишгарони касбии тоҷик барои иштироки онҳо дар мусобиқаҳои байналмилалӣ амалӣ мегардад.

Дар идомаи чорабинӣ Дониёрзода Сайвалӣ, директори генералии Лигаи футболи Тоҷикистон ва раиси шаҳри Хуҷанд Фирдавс Шарифзода низ сокинонро бо Рӯзи ҷаҳонии футбол табрик карданд.

Миёни мухлисон ва ҳаводорони футбол викторина ва саволу ҷавоб сурат гирифта, ба ғолибон туҳфаҳои мақомоти иҷроияи ҳокимияти давлатии вилоят супорида шуд.

BY Tajikistan Football Federation|Федерация футбола Таджикистана