group-telegram.com/moh_elghaleez/11181
Last Update:
س: يا شيخ يوم الخميس آخر يوم في الامتحانات وناويين نخرج ونخربها بصراحة، بقالنا سنة مكبوتين وعايزين نتبسط!
ج: هو ماينفعش نتبسط من غير ما نخربها؟!
يعني لازم يكون في الخروجة حاجات حرام علشان نتبسط؟!
سبحان الله!
تخيل معايا كدا إنك جبت هدية لواحد صاحبك
ولما قدمتهاله أخدها وحتى كلمة الشكر ماقالهاش!
موقف صعب وحاجة تضايق جدًا طبعًا،
ولله المثل الأعلى..
ربنا عز وجل اللي أنعم عليك بنعم لو قعدت عمرك كله تعدها مش هتعرف..
ربنا عز وجل اللي عطاك من فضله من غير ما تطلب..
ربنا عز وجل اللي حفظك من حاجات كتير من غير ما تشعر..
فين حق ربنا عليك؟!
فين شكر النعم؟!
الشكر مش بس إنك تقول الحمد لله بلسانك،
الشكر بيكون باللسان والقلب والجوارح..
قلبك يستشعر نعم الله ويحس بقيمتها بجد، ولسانك ينطق بالحمد، وجوارحك ما تعصيش ربنا.
الخلاصة؛ اخرج واتبسط وطلع كبتك..
ولكن بالحلااااال، ومن غير ما تعصي ربنا عز وجل.
وصدقني ناس كتييير بتعرف تتبسط بالحلال..
وصدقني بردو طعم الحلال أحلى، وفرحته أحلى، ولمته أحلى.
وربنا يحلي أيامك بالحلال يا بطل.
#س_ج_ليالي_الامتحان
www.group-telegram.com/in/moh_elghaleez.com
BY Mohammed ElGhaleez
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/moh_elghaleez/11181