group-telegram.com/tayseerelsadigo/4523
Last Update:
لاقيت خالتو في مُناسبة، قعدنا نتونس
وجات سِـيرة الصدقة ..
قالت لي :
زوجي كان شغال مُوظف والحمدلله المُـرتب ساتِـرنا
لكن ما كبير
يادوب يمشّي
الحاجات الأساسية، ومن يوم ٩ في الشهر نقعُد نتلفّـت!
لمن نتضغِط شديد
تبدأ الديون
وأول ما نقبُـض المرتب الجديد نوزّعه في تسديد
الديون العَـلينا .
يوم جُمعة كده زوجي مشى الصلاة
وجاء راجِـع
فرحان عيونه قلوب قلوب 😁
قال لي :
لِـقيت الحل للمُرتب والديون
قلت ليهُ :
شنو ؟!
قال لي :
الصّـدقة
قلت ليهُ :
هو المُـرتب ما مُـكَفّي
تقول لي نتصـدّق منه كمان!
قال لي :
الصدقة ما بتنقّـص القروش
الصدقة
بتبارِك في اللي عندنا
وبتزيده 🌱
الشهر داك طلّعنا ٥٠٠ جنيه صدقة
بعد يومين بس
زوجي اترقّـى في الشغل والمُرتب زاد ٣ أضعاف!
ومن وقتها
أول حاجة بنعمَلها بعد ما ينزِل المُـرتب
إننا بنطلّـع الصدقة
والليلة بحكي ليك القصة دي
وزوجي عنده
شركة خاصة
والصدقة اللي بنطلّعها شهريًا ٤ ملـيار جنيه
اللهُـمّ بارِك ♡
جعلني الله وإياكم من المُـنفقين، يسّر أمرنا وجبَر خواطرنا، وجمَعنا في الجنة أجمعين .
ممكن نصلّ على الحبيب! ♥️
#الصدقة
#تيسير_الصادق
BY د.تَيسِير الصّادِق🔻|مُمكن نصلّ على الحبيب!
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/tayseerelsadigo/4523