group-telegram.com/aaaaaaaaayy/61256
Last Update:
وين هسه بيا مكان اضعونهه
بيا خرابه زينب ايگعدونهه
•••
الخلص ايام وليالي بالنياح
و بيه مَر التعب لازم يستراح
ليش من چف العقيله كلشي راح
انسلب منهه حته نوم اعيونهه
•••
القاربت من العمر ستين عام
كون هدوة ليلهه براحه تنام
ليش زينب فارشه ارماد الخيام
وسهم عين الگمر وسط اجفونهه
•••
كل وقار الدنيه بس شتموهه طيش
وبخرابه بلا سگف گَعدوهه ليش
الشمر بلله بت علي يطلبهه بيش
ومثل نحر حسين دمّه امتونهه
•••
يميل چف الشمر بالسوط وتميل
ابلا حمه صارت بنت حامي الدخيل
لحال زينب مدمع الناگه يسيل
بناگه عجفه زينب يصعدونهه
•••
شلون دوره الوكت تالي العمر دار
اعله الهزيله بلا غطه ممشاهه صار
اشسوت بوجه الخدر شمس النهار
اليعرفوهه .. صفوا ميعرفونهه
•••
شلون تالي بزينب اندار الزمان
ليش امان الدنيه هسه بلا امان
اسنين مهبط للوحي بيت امهه چان
على المله خارجه يوصفونهه
•••
من تطب ديرة غرب تجري الهه عين
زينب اتغطي وجهه بالـ أدين
صار فيّ من الشمس راس الحسين
اخوتهه وام المستحه يدرونهه
•••
سعد هادي الشمري
:
BY قصائد لجميع الشعراء ملحنه
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/aaaaaaaaayy/61256