group-telegram.com/uoheebuluu/32753
Last Update:
#планерка
Улууска культура үлэһиттэрин күнүн көрсө ыытыллар тэрээһиннэр тустарынан культура уонна духуобунай сайдыы департаменын салайааччыта Айталина Михайловна Мойтохонова билиһиннэрдэ.
Ол курдук, кулун тутар 21 күнүттэн туһааннаах тэрээһиннэр саҕаланыахтара. Бу күн аар-саарга аатырбыт "Чолбон"рок- бөлөх кэтэһиилээх кэнсиэрэ Дьокуускай куоракка ыытыллыаҕа. Бүгүн 14 чаастан бөлөх "Саха" НКИК быһа эфирыгар, кулун тутар 19 күнүгэр "Саҥа күн" биэриигэ ыалдьыттыаҕа.
Кулун тутар 23 күнүгэр "Культура кэскили кэрэһэлиир" эдэр саастаах культура үлэһиттэригэр аналлаах квест-оонньуу Харбалаахха ыытыллыаҕа.
Кулун тутар 24 күнүгэр улуустааҕы О. Д. Федорова аатынан киин бибилэтиэкэҕэ "Творцы хорошего настроения" кинигэ быыстапката улуус олохтоохторун болҕомтотугар туруоҕа. Бу күн киэһэ 6 чаастан "Творцы красоты среди работников КДУ Верхневилюйского улуса" культура үлэһиттэрин икки ардыларыгар кустовой күрэх, айар түһүлгэ ураты киэһэтэ ыытыллыаҕа.
Кулун тутар 25 күнүгэр Эстрада тыйаатырын артыыстара "Мааппа" испиктээккэ улуус олохтоохторун күүтэллэр. Бу күн күнүс 2 чаастан эстрада ырыаһыттара Анастасия Готовцева, Эрчим, Юрислав Гольдеров кыттыылаах "Иэйии-2025" культура үлэһиттэрин чиэстээһин дьоро түһүлгэтэ тэнийиэҕэ.
Кулун тутар 27 күнүгэр Дьокуускай куоракка киэн туттар биир дойдулаахпыт, ытык-мааны оһуокайдьыт, сахалыы остуол оонньууларын тарҕатааччы, оҕо оһуохайын оскуолатын төрүттээччи Дмитрий Яковлевич Федотов сырдык кэриэһигэр уонна 90 сааһыгар оҕолорго уонна ыччаттарга "Ойор-тэбэр оһуохай" өрөспүүбүлүкэтээҕи оһуохай күрэҕэ Арчы дьиэтигэр буолуоҕа. Кыттыыны ылалларын туһунан Таатта, Амма, Чурапчы, Хаҥалас, Бүлүү бөлөх улуустарын ыччаттара, АГИКИ, музыкальнай колледж, культура колледжын устудьуоннара түһэрбиттэр.
"Үөһээ Бүлүү" хаһыат
BY ГАЗЕТА ВЕРХНЕВИЛЮЙСКОГО РАЙОНА «ҮӨҺЭЭ БҮЛҮҮ»
Share with your friend now:
group-telegram.com/uoheebuluu/32753