group-telegram.com/HUDUDGAZ_QASHQADARYO_GTF/5766
Last Update:
#Energetika_xavfsizligi_oyi
Surxondaryo va Qashqadaryo viloyatlarida kuz-qish mavsumiga koʻrilgan tayyorgarlik koʻzdan kechirildi
Isteʼmolchilarga tabiiy va suyultirilgan gazni bir maromda va uzluksiz yetkazib berish boʻyicha amalga oshirilayotgan ishlar va kuz-qish mavsumiga tayyorgarlik jarayonlarini koʻzdan kechirish uchun “Hududgaztaʼminot” AJ Boshqaruv raisi Maʼrufxon Xodjayev 7-noyabr kuni Surxondaryo va Qashqadaryo viloyatlarida boʻldi.
Jamiyat rahbari boshchiligidagi ishchi guruh voha viloyatlarida “Energetika xavfsizligi oyligi”da olib borilayotgan ishlar bilan tanishdi. Boshqaruv raisining mutaxassislar bilan oʻtkazgan suhbatida gaz taʼminotiga oid qonunchilikdagi oʻzgarishlar mazmun-mohiyatini aholiga keng tushuntirish, tejamkorlik va energiya resurslaridan xavfsiz foydalanish boʻyicha targʻibotlar oʻtkazish muhimligi qayd etildi.
Shu bilan birga is gazidan zaharlanish holatlarini oldini olish, murojaatlarni tezkorlik bilan ijobiy hal etish masalalariga ham alohida toʻxtalib oʻtildi. Oʻz navbatida viloyat gaz taʼminoti mutasaddilariga kuz-qish mavsumini betalafot oʻtkazish yuzasidan manzilli topshiriqlar berildi.
Batafsil: https://hududgaz.uz/news?id=12345
