group-telegram.com/abdalgalel/1998
Last Update:
بــيــــن جفــوفك من تموت أمك
يصير أسمك يـتيم وينسي أسمك
بعدها تخاوي نوحك ** تضل بطرك روحك
--------------------------------------------------
1= يتجمع بصدرك حزن مـــامر قــبل بسنينك
يحاجــونك أهلك ماترد لن ملـتهي بونينك
مــن أسم أمك يـنذكر رئسا تغمض عينك
عندك سنينك بس تحس منك تضيع سنينك
****
أمنيتــك يجيــــك الــــموت للباب
تصيح ألمن يعيش الفارك أحباب
تسهر وي جروحك ** تضل بطرك روحك
2= عـيشة دخيل بلا أهل ياعـيشتـك بين أهلك
توكف أذا باب أنفتح جــن طالـــبك يندلك
تدخل حجرتك بأمنيه أمـــك تجي تدخلك
وتـتـذكر أندفـنت بعد ماترجع وتـــندهلك
***
تــتــلمـــس مكان أمــــك بديـــنك
وصوب أثــــــيابها توديك عينك
ماكو جف يلوحك ** تضل بطرك روحك
**********
3= مخنوك ويفــــوت الهوى وتــكله ما أريدك
شلونك أخــيك لــــو سأل تسكـــــتك تقاليدك
شلونه التموت أمه بعـــــد تسكت تهز بيدك
تتعود أتعوف الحجي ومـــــــو من تعاويدك
***
تـشتــل دمع وتخـــضر دمعــتــك
هلك يحجون بس أنته بصفـنتك
بس همك يبوحك ** تضل بطرك روحك
4= ساعه وره ساعه تحس عافـيتــك تعــــوفك
لا تـكدر تعـــوف الحزن ولا حزنك يعوفك
حتا أقــــرب الوادم ألك ماترغــــب يشوفك
تكضي حياتك بس بجي بس تعـــصر جفوفك
****
تـندل بس تحس مادرب تـندل
عايش سنبله برحمة المنجل
تحس طاحت صروحك ** تضل بطرك روحك
************
5= حزن الــتموت أمه صدك عمره عمر نخله
هوه الخلــيل ألمن يضل من يــندفن خله
سهلات كلجن يالشدد بس هاي مو سهله
روحي أمي مدفونه بكبر روحي تضل عدله
****
ضلت ذكـــــــــريات أتـــــبات يمنه
أوجم لجمه بالغــــــياب أنلجمنه
حزنك ضل ينوحك ** تضل بطرك روحك
***** الخادم عبد الجليل المالكي
BY خادم العتره الطاهره عبد الجليل المالكي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/abdalgalel/1998