Чемпионлар Лигаси учун курашиб, йўлланмани қўлга кирита олмаслик айниқса, “Астон Вилла”, “Нюкасл” каби клубларга оғир зарба бўлишини илгари ёзгандим. “МЮ”, “Челси” каби клублар бутун дунёдаги фанбаза ҳисобига даромад қила оладилар, демак бир неча йил ЕЧЛ сиз қолиб ҳам, катта трансферлар қилиши, ҳар йили юқори ўринлар учун курашадиган таркиб тузиши мумкин.

Аммо “Астон Вилла” ЕЧЛ учун курашувчи таркиб қурдими, энди ўша йўлланмани олиб, ЕЧЛдан келадиган пулларни олиши шарт. Акс ҳолда ЕЧЛ учун тузилган таркиб ва маошлар билан ЕЧЛ сиз қолиш молиявий жиҳатга катта зарба бўлади.

Мана шу шартларда Унаи Эмерининг фаолияти – топ. У “Астон Вилла”га келганида жамоа аутсайдерлардан бири эди, лигада жон сақлаш учун олиб келинган. Ўша йилиёқ жамоа Европа Лигасига, кейинги йили ЕЧЛга йўлланма олди. Ҳозир эса учинчи ўринда бормоқда.

Буларнинг ҳаммаси мос трансферларсиз, молиявий чекловлар туфайли баъзи футболчиларни сотишга мажбур бўлган ҳолда амалга ошмоқда. Қизиқ факт – “Арсенал”га қарши ғалабали ўйинда майдонга тушган футболчиларнинг 9 нафари Эмери “Вилла”га келмасидан олдин ҳам жамоада бўлганлар. Тасаввур қиляпсизми?

Эмери “Арсенал”да ёки “Спартак”да ишончни оқламаган бўлиши мумкин, аммо “Вилла”даги ишини олсак, сўнгги йилларда Европадаги энг зўр мураббийлик ишлардан бири.

@aslanov_futbol

“Барселона” ўтказиб юбораётган голларга қарасангиз, аксарияти юқори линия, ўхшамай қолган офсайд қопқони туфайли юзага келган бўлади. Табиийки, дарҳол хулоса чиқариш мумкин – Флик бу усулдан воз кечиши керак, нуқул шу туфайли гол ўтказиляпти.

Аммо бу ерда кичик мантиқий хато бор. “Барселона” шундай голлар ўтказиб юбораётгани бизга кўриняпти, аммо айнан шу услуб туфайли жуда кўп потенциал бошқача голлардан қутулиб қолаётгани ҳам борку? Буни биз кўра олмаймиз.

Юқори чизиқли ҳимояга гол уриш учун ўзи хос стратегия, яна тўп билан узоқ масофага бора олиш ва яна бир қатор факторлар керак. Баъзида рақиб шу шартларни амалга ошириб гол уришяпти. Аммо шу билан бирга юқори чизиқ орқали “Барселона” бошқача голлардан қутулиб қоляпти ҳам.

Мисол учун қуйи блок бўлмагач узоқ масофадан зарба орқали голлар бўлмайди. Ёки жарима майдони яқинида стандарт вазиятлар камроқ бўлади. Бурчак тўплари камроқ тепилади ва ҳоказо. Бу шартларда “Барселона” ҳимояси янада ёмонроқдир, ким билади...

Яъни Флик ҳимоя учун маълум услубни танлар экан, ҳа голлар ўтказиб юборади, аммо яна бир нечта, балким кўпроқ голлардан қутулиб қолаётгани ҳам бор. Буни санай олмаймиз.

@aslanov_futbol

Салоҳнинг атрофидагилар Жейми Каррагернинг Мисрга киришга тақиқ қўйишга уринишмоқда, деган хабарлар ўқиб қолдим.

Тўғрими, йўқми, билмадим, лекин яхши фикр, биз ҳам ишлатиб кўришимиз керак. Мисол учун Пеп Гвардиолага нисбатан. Агар у яна Абдуқодир Ҳусановни майдонга туширмаса, уни Ўзбекистонга киришини тақиқлашимиз керак.

«Дил»даги бояги саҳнадан бўладию, лекин барибир яхшида :))

@aslanov_futbol

Арне Слот футболчи хато қилиши мумкинлигини, аммо қайтиш учун буни англаб, узр сўраши лозимлигига ишора қилди. Салоҳ мавзуси ҳақида қуйида кенгроқ ёздим. Мақолада тепадаги постлардаги фикрлар ҳам, янги гаплар ҳам бор.

@aslanov_futbol

https://www.group-telegram.com/kunuzofficial/165790

"Барселона" бу мавсум 4 марта ютқазди.

"Реал" "Барселона"ни ютгандан сўнг: "Валенсия" - 4:0,"Ливерпул" - 0:1, "Райо" - 0:0, "Элче" - 2:2.

"Севилья" "Барселона"ни ютгандан сўнг: "Малиорка" - 1:3, "Сосиедад" - 1:2, "Атлетико" - 0:3.

"ПСЖ" "Барселона"ни ютгандан сўнг: "Лилл" - 1:1, "Страсбур" - 3:3

"Челси" "Барселона"ни ютгандан сўнг: "Арсенал" - 1:1, "Лидс" - 1:3, "Борнмут" - 0:0, "Аталанта" - 1:2.

"Барселона"ни ютманг :)

@aslanov_futbol

Бир пайтлар ўзим ҳам формат орқали чемпионатни қизитса бўлади, деб ҳисоблардим, аммо қисман бу фикрда асос бўлса-да, турнирни ривожлантириш учун бошқа йўл афзал деб ўйлайман. Мухлислар билан ишлаш, профессионализмга қадам қўйиш каби йўллар мужмал кўринса-да, тўғриси шу.

Масалан Суперлигадаги 16 жамоа ичида 5 таси охирида тушиб кетмаслик учун курашиши менимча кўп. Ўттиз фоизга яқин. Барча ривожланган лигаларда айтайлик, 18-20 жамоадан 3 таси тушиб кетади - 15 фоиз.

Кимдир мана агар хавф катта бўлса, 12-ўриндаги жамоа ўзини хавфсиз ҳис қилмайди, мавсум охиригача курашади 11-ўрин учун дейиши мумкин. Ҳа, 10-11 ўринлар учун кураш бўлади, аммо масалан 14-ўрин учун кураш бўлмайди-ку? Агар 2 жамоа тушиб кетса, 14 ўриндаги жамоа ўрнини сақлаб қолиш учун охиригача ўйнайди, ҳозирги форматда эса агар 14-ўриндаги жамоанинг 16-ўрин ва 11-ўриндан фарқи каттароқ бўлса, жимгина плей-оффга тайёргарлик кўраверади. Бу мавсум "Қўқон" айнан тепага интилгани учун "Пахтакор" ва "Динамо"дан очко олди, деб мисол келтириш мумкин, аммо бошқа бир чемпионатда мен айтган ҳолат бўлиш эҳтимоли ҳам бор. Гап форматда эмас.

Футболимиз ривожланганда, клубларни мотивацияси учун формат эмас, мухлислар олдида ўзини кўрсатиш, юқорироқ ўринларни кўзлаш, ҳар ўйинда ғалаба қозониш каби мақсадлар турса керак.

@aslanov_futbol

Хаби Алонсо мабодо бугун мағлубиятга учрайдиган бўлса, кетиши мумкинлиги ёзилмоқда баъзи манбаларда.

Албатта, Мадридда ҳаммаси тинч эмас, Хабининг баъзи футболчилар билан зиддияти, босим остида кўп нарсани мураккаблаштириб юбораётгани ҳақидаги мулоҳазаларда асос йўқ эмас. Аммо конкрет натижа ниманидир ҳал қилишига ишониш қийин.

Ҳар холда, олти ҳимоячи жароҳатланган, Мбаппе эса асосийда тушмайдиган ўйин натижасига қараб қарор қабул қилинмаса керак?

Бу ўйин бошқача вайб бериши мумкин, балким. Бир пайтлар Луис Энрике истеъфо ёқасида турган январ ойида «Атлетико»га қарши ўйин бўлган. Месси, Суарес ва Неймар биттадан гол уриб ғалаба қозонилган ўйинда барча негатив бирданига йўқолиб, ўша яхши кайфият жамоа билан мавсум сўнггигача бориб требл қилганди.

«Сити»га қарши ўйин шу томондан муҳим. Чиройли ғалаба ҳаммасини ўзгартириб юбориши, мағлубият эса негативни кўпайтириб, қандайдир ёмон якуннинг бошланиши бўлиши мумкин.

Чемпионлар Лигасининг янги формати шу жиҳатдан зўр экан. Турнир жиҳатидан кўп нарсани ҳал қилмайдиган топ ўйинлар жамоаларга керакли кайфиятни тақдим этади. «Челси» «Барселона»ни енгиб ўзига ишончи ортади, «Арсенал» «Бавария» қўрқувидан қутулади, «Ливерпул» АПЛда етишмаётган барқарорликни қайтаради, ҳатто «ПСЖ»га ҳам кузда баҳо бериш мумкин ва ҳоказо.

@aslanov_futbol

Ростанам «Реал» ва «Манчестер Сити» қаторасига беш мавсумдан буён тўқнаш келишяпти. Охирги 7 мавсумнинг олтитасида.

@aslanov_futbol

«Қорабоғ»нинг мағлубияти ачинарли бўлди. Жамоа 79-дақиқадаям 2:1 ютаётганди. Агар ютса очколари 10 та бўлар ва плейофф учун яхши имконият бўларди. Масалан, ўтган йили 11 очко билан 24таликка киришган.

Озарбайжонликларнинг қолган ўйинлари «Айнтрахт» билан уйда, «Ливерпул» билан сафарда.

@aslanov_futbol

Райан Шерки кичкина худудда ҳам дриблинг қила олади, ҳаммага маълум.

Шарҳловчи Денис Казанскийдан таъриф - «Шерки, ҳар кимни телефон будкасида ҳам алдай олади» :)

@aslanov_futbol

Чемпионлар Лигаси турнир жадвали ва кейинги 2 турда кимлар рақиб бўлиши ҳақида маълумот.

Бемалол жамоалар имкониятини чамалаш мумкин.

@aslanov_futbol

Константинос Цимикас "Ливерпул"да ёмон ўйнамаган, захира вариант сифатида жуда яхши чап қанот ҳимоячиси эди. Шунинг учун сотиб олинган ҳам.

Арне Слотнинг биринчи мавсумида ҳам ёмонмасди, ҳатто бир муддат рақобатда Робертсонни ютиб, асосий таркибда ҳам ўйнаганди. Унинг услуби Робертсонникидан фарқли - Эндрю кўпроқ тезкор спринтлар ва кросслар қилса, Цимикас зоналарни тўлдиришда, қисқа паслар билан тўпни назорат қилишда кучлироқ.

Назаримда уни "Рома"га ижарага бериб хато қилишди. Тўғри, ўтган йилги етакчилар ҳам ўйнай олмаётган бир даврда Цимикас фойдали бўларди деб ишонч билан айтолмайман, аммо услубан, бугунги "Ливерпул"га тўғри келарди. Керкез ва Робертсон бир-бирига ўхшаб кетади, Цимикас эса баъзи шартларни бошқача функция учун айни муддао бўларди балки.

@aslanov_futbol

Расмда Истанбулдаги «Шукру Саражўғлу» стадиони.

«Фенербахче» жамоаси уй ўйинларини шу ерда ўтказади. 50 минг мухлисни ўз ичига сиғдира олади.

Ҳурматли билимдонлар, нега буни ёзганимни тушунгандирсиз? Баракамизни берсин :)

@aslanov_futbol

«Алонсо ҳамма нарсанинг давоси - тизим, деб ўйлайдиган догматик эмас, тўғрими? Инсоний муносабатлар баъзида тактикадан устун эканини билади, ахир Моуриньо, Анчелотти, Пеллегрини жамоаларида ҳам ўйнаган.

Албатта, тизимлилик у учун асос, у шунақа мураббий. Футболчи-Алонсода ҳам ҳисоб китоб эҳтиросдан доим устун эди. Ҳиссиз эмас, лекин геометрик перфекционист бўлган. Шунинг учун ҳам фаолиятининг сўнгги йилларида Гвардиолага ошиқди.

Айни пайтда эса унга эски мактаб томон катта қадам керак. Пеллегрини ва Анчелотти томон. Дарвоқе, бир пайтлар Анчелоттининг ўзи ҳам Алонсодан бадтар бўлган.

«Реал» таркиби ҳали йўқотилмади, улар Алонсони қаттиқ ҳурмат қилишади, у учун жанг қилишга тайёр. Алонсода уларга керак бўлган нимадир борлигини ҳис қилишади ҳам.

Аммо айни пайтда мураккаб ғояларни аралаштириш вақти эмас. Уларга ўйин завқини қайтар. Ана ундан кейин аста секинлик билан ғояларни сингдир: аста-секин, оз оздан. Футболчилар буни сезишмасин ҳам.

Эри ўзини барча масалада хўжайин эканига ишонадиган доно хотин сингари...»

(с) манба

@aslanov_futbol